Ɛsdras 1:1 - NYANMIƐN NDƐ'N 1998

¹ Kɛ Siris b'ɔ ti Pɛrs mɛn'n i famiɛn'n, ɔ trannin bia'n su'n, i afuɛ klikli nun'n, Anannganman waan ɔ ´yo nan ndɛ ng'ɔ fa wlɛli i nuan ijɔfuɛ Zeremi nuan kɛ ɔ kan'n, i nuan ɔ `yia. Ɔ dili junman famiɛn Siris i akunndan'n nun . Ɔ suli i bo man ɔ boli ndɛ kun jɔ sinnin kan ɔ sie ju lɛ'n i lika'n kwlaa. I sin ɔ klɛli fluwa nannannin su. Ɔ klɛli i kɛ

Ɛsdras 1:1 ပူးပေါင်းရင်းမြစ်များ

Ɛsdras 1:5

Zida nin Bɛnzamɛn akpasua'm be nun awlobo kpɛnngbɛn mun, nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga Anannganman Nyanmiɛn'n suli be bo kɛ be ko kplɛn i sua'n Zerizalɛm'n, be siesieli be wun.

Ɛsdras 4:3

Zorobabɛl nin Zozie nin awlobo kpɛnngbɛn kun nga'm be tɛli be su kɛ: «Kɛ e nin amun e `kplan e Nyanmiɛn i sua'n, ɔ ti-mɛn i su. E kunngba yɛ e ´kplan Anannganman b'ɔ ti Izraɛl Nyanmiɛn'n i sua nin-ɔn. Siris, b'ɔ ti Pɛrs famiɛn'n yɛ i waan e `yo i sɔ-ɔ.»

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 6:22

Be klun ti jɔwa, be dili kpaun nga kpaun ayre nun-man nun'n i cɛn'n le nso aklunjuɛ nun. Anannganman man be klun jɔli, afin ɔ dili junman Asiri famiɛn'n i anwlɛn'n nun ɔ man ɔ wlali be fanngan blɛ nga be ´kplan Izraɛl Nyanmiɛn'n i sua'n.

Ɛsdras 6:3

Afuɛ klikli nga famiɛn Siris sieli Pɛrs'n, ɔ kannin Nyanmiɛn sua'n b'ɔ o Zerizalɛm lɔ'n i wun ndɛ ng'ɔ o yɛ'n, i wan yoo: Man be kplan sua'n nan be `yi tɛ nun. Man be kplɛn i kplanwlɛ laa'n nun. Man i bo ase wlalɛ'n ɔ yo kekle kpa. Man i nglo-nglo'n yo mɛtri ablasan, yɛ i tɛtrɛ nun'n yo mɛtri ablasan.

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Jue Mun 106:46

Ɔ yoli man be nga be trali be lomuɛn'n, be kwlaa be sili be aunnvuɛ.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Ezai 45:1

Anannganman kan ndɛ kle Siris b'ɔ sieli i ngunmin'n, bɔ i waan ɔ `tia nvle'm be su nan ɔ `de famiɛn'm be tinmin'n mɛn i'n, yɛ ɔ `tike klɔ'm bé wun talɛ'm be anuan mun mɛn i nan nán be nyin be kun'n, ndɛ'n b'ɔ kan'n yɛ:

Zeremi 1:1

Ndɛ nga Zeremi kannin'n yɛ ɔ o yɛ. Bɛnzamɛn nvle'n nun lɔ klɔ nga be flɛ i kɛ Anatɔt'n, lɔ Nyanmiɛn nyrun jranfuɛ'm be nun kun bɔ be flɛ i kɛ Ilkiza'n i wa yɛlɛ Zeremi.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Ezekiɛl 38:5

Pɛrs nin Etiopi, nin Pit lɔ sonja'm be kwlaa be ´fa nyrɛn mun nin kpongbo kle mun be nin wɔ be ´kɔ.

Daniɛl 1:21

Daniɛl suli famiɛn'n lele juli afuɛ nga Siris yoli famiɛn'n i nun .

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Jean 1:23

Ɔ seli kɛ i yɛ ɔ ti sran b'ɔ kpan aawlɛ flɛnnɛn nun lɔ ɔ se kɛ: «An `yo e Min'n i akpɔ'n seiin nan an `treke su» nin-ɔn . Ndɛ sɔ'n yɛ Nyanmiɛn nuan ijɔfuɛ Ezai kannin nin-ɔn.