Ezai 9:9 - NYANMIƐN NDƐ'N 1998

⁹ «Talɛ'm be bliki'm b'a tɔ, sanngɛ e ´fa yɛbuɛ nga be sɛli'n e ´fa kplan be uflɛ! Janvlɛ'm b'ɔ be ti sikomɔr waka'n, be kpɛkpɛli be, sanngɛ e ´fa janvlɛ bɔ be ti sɛdri waka'n e ´kaci be.»

Ezai 9:9 ပူးပေါင်းရင်းမြစ်များ

1 Famiɛn Mun 22:25

Mise tɛli i su kɛ: «Cɛn nga a wa wanndi ko fia ɔ sua ba'n kun i longo kpa nun'n yɛ a ´wun i wlɛ-ɔ.»

Nyanndra Mun 16:18

Bé nuan dilɛ'n yi be ase. Wun tulɛ'n kusu i sin sa'n yɛlɛ awieliɛ b'ɔ wie be'n.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Ezai 28:3

Amun `nian, klɔ bɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, b'a tiatia su.

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ezai 7:2

Be kan kleli Akaz b'ɔ fin David i osu nun'n nin i awlofuɛ mun kɛ Sirifuɛ'm b'a kpɛ be ngblaliɛ Efraim asiɛ'n su. Kɛ famiɛn'n nin i sran'm be tili ndɛ sɔ'n, be usuli kɛ bo nun lɔ waka mun yɛ aunngban'n su keje be sa.

Ezai 9:8

Sran'm be kwlaa be wa si nun. Efraimfuɛ mun nin Samarifuɛ mun be ´si nun. Bé wun tulɛ'n nin bé nuan dilɛ'n ti be se kɛ:

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Ezekiɛl 30:19

M ´bu Eziptfuɛ'm be fɔ yɛ be wa si jrɛiin kɛ min yɛ n ti Anannganman nin-ɔn.› »

Ezekiɛl 33:33

Sanngɛ kɛ nyrɛnnɛn'n ɔ wa tɔ be su'n, nyrɛnnɛn sɔ'n b'ɔ o balɛ'n, yɛ be wa si jrɛiin kɛ Nyanmiɛn nuan ijɔfuɛ kun wo be nun-ɔn.»

Ezekiɛl 7:27

Famiɛn'n ´tran sɛ nun. Diewa'n i wla'n ´bo i wun. Nvlefuɛ'm be ´usu sa tututu srɛ b'ɔ ´kun be'n ti. Kɛ be nzuɛn'n fa ti'n i su sa yɛ n ´fa yo be-ɔ. Sa nga be yoli'n yɛ n ´nian su n ´fa di be jɔlɛ nin-ɔn, kpɛkuun be wa si jrɛiin kɛ min yɛ n ti Anannganman nin-ɔn.› »

Ezekiɛl 7:9

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Malasi 3:13

Anannganman wan yoo: «Amun wɔ min safle kpɛkuun amun usa kɛ: ‹?Safle sɛ yɛ e wɔli wɔ-ɔ?›

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»