Ezai 9:6 - NYANMIƐN NDƐ'N 1998

⁶ Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Ezai 9:6 ပူးပေါင်းရင်းမြစ်များ

2 Samiɛl 7:13

I sɔfuɛ'n yɛ ɔ ´kplan sua man min-ɔn. N ´tɛkɛ i sielɛ'n tititi.

2 Samiɛl 7:16

Wɔ awlo'n nin ɔ sielɛ'n be ´taka a nin wɔ osufuɛ mun amun sa nun tititi, a ´tran famiɛn bia'n su yɛ ɔ sielɛ'n su kan-man ase le .› »

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

1 Famiɛn Mun 2:33

Man i sɔ sannzan liɛ'n ɔ trɛn i nin i osu'n nunfuɛ'm bé su, sanngɛ David nin i osu'n nunfuɛ mun'n, ɔ nin i awlofuɛ mun'n, ɔ nin i sielɛ'n, be liɛ'n, aunjuɛ'n ɔ ´yo be liɛ tititi.»

1 Famiɛn Mun 2:45

sanngɛ min liɛ'n, Anannganman ɔ ´yo min ye. Yɛ David i sielɛ'n ɔ ´taka tititi Anannganman nyrun.»

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 45:3

Ɔ klanman liɛ'n tra sran'm be kwlaa be liɛ'n. A si ijɔ man o yo klanman. Nyanmiɛn'n man ɔ ninnge'm be yoli ye, be yo sɔ tititi.

Jue Mun 45:6

Ɔ cua'm be ti piembie, sɛ a ´to be'n, be ´sran famiɛn'n i kpɔfuɛ'm be anwlɛn ba'n sɛsɛsɛ. Nvle wie'm be nunfuɛ wie'm be ´tɔ ɔ ja bo lɛ.

Jue Mun 45:7

Ee Nyanmiɛn, ɔ famiɛn bia'n wo lɛ tititi. Sielɛ nga a sie sran mun'n, a sie be kpa.

Jue Mun 50:1

Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Jue Mun 72:3

Man oka'm be yo man sran'm be di alaje, man kpɔlɛ'm be man sran'm be ng'ɔ nin be fata'n.

Jue Mun 72:7

Man i blɛ su'n, nanwlɛ dilɛ'n trɛ sran'm be nun. Man be nyan fɔundi lele san anglo'n ɔ'a jaso lɛ .

Jue Mun 85:10

Nanwlɛ, be nga be sro i'n, ɔ ka kaan-an, ɔ wa uka be, kɛ ɔ ´yo nan i anyrunnyan'n ɔ'a tran e mɛn'n su'n ti.

Jue Mun 89:5

‹Kɛ ɔ osu'n wo lɛ'n yɛ ɔ wo-ɔ, n ´fa famiɛn bia'n m ´man ɔ osu'n nunfuɛ mun, ɔ ´yo be liɛ tititi .› »

Nyanndra Mun 8:23

Ɔ fali min sieli i lɛ lalaa kpa, ɔ fali min sieli ka nan mɛn'n ɔ'a bo i bo .

Ezai 10:21

Zakɔb i osu'n nunfuɛ onga kan'n, be ´sa bé sin Nyanmiɛn b'ɔ kwla'n i sin.

Ezai 11:5

Ɔ ´fa mmla'n i su falɛ'n ɔ ´fa cici i ti, yɛ ɔ ´fa nanwlɛ dilɛ'n ɔ ´fa ci i afiɛn kɛ bé bo kplo sa.

Ezai 16:5

i blɛ sɔ nun'n, amun klun kpa'n ti, amun famiɛn diwlɛ'n ɔ ´taka kpa. Yɛ jɔlɛ difuɛ kun b'ɔ ti sran kpa'n, ɔ ´tran famiɛn bia'n su David i awlo'n nun. Jɔlɛ difuɛ sɔ'n, ɔ ´yo sa ng'ɔ ti i nuan su'n tititi, ɔ ´nian mmla'n su, ɔ ´fa cici i ti .»

Ezai 26:12

Anannganman, wɔ man é wun jɔ ye. Afin like nga e yo'n, wɔ yɛ a yiɛ i nuan man ye-ɔ.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 28:29

Sa wafa nga be yo be lɛ'n be fin Anannganman b'ɔ sie mɛn wunmuan'n. Be kle kɛ i sa ng'ɔ siesie be'n be yo nyɛnmɛn, yɛ ɔ si sa yo dan.

Ezai 32:1

Famiɛn kun ɔ ´nian mmla'n su ɔ ´sie mɛn'n, i awlo lɔ sran dandan'm be ´yo sa'm be nuan su.

Ezai 37:32

Sran nga be onga kaan be wa ka lɛ'n, yɛ be kaan nga be ´fite nun'n, be ´ka Siɔn oka'n su.» Like nga bɔ Anannganman i klolɛ dan b'ɔ klo amun'n ti ɔ ´yo'n yɛ ɔ o lɛ-ɔ.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 53:5

Sanngɛ é sa tɛ'm bɔ e yo be'n be ti yɛ ɔ nyannin kannin mɔnnɛn-mɔnnɛn i wunnɛn'n su-ɔ. E fɔnlɛ bɔ e fɔn'n, i ti yɛ be sisili i wunnɛn nin-ɔn. E fɔ b'ɔ fata kɛ be tu ye nan y'a nyan aunjuɛ'n yɛ ɔ tɔli i su-ɔ. Yɛ i wunnɛn'n susuwa'n nin i kannin'm be ti yɛ man e yo juejue-ɔ.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 66:12

Afin Anannganman waan: «Sɛ aunjuɛ'n ti nzue ba'n, wuun n ´yo man ɔ ´sonji ba Zerizalɛm. Sɛ nvle-nvle'm be nyrun bɔ be lɛ i'n ti nzue ba bɔ ɔ'a yi a kpa su'n, wuun n ´yo man ɔ ´sonji kpuu ba lɛ wie. N wa nian amun lika kɛ bla ta'n fa nian i wa b'ɔ mɛn i nyɔnflɛn'n i lika'n sa, ɔ fɛ i i sa su, ɔ fɛ i sie i ja su, yɛ ɔ kɛn i nyrun ngowa.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 8:18

Min nin ba nga Anannganman fa be mannin min'n, e ti nzɔliɛ Izraɛl mɛn'n nun, E bo sa'm be su e kle Izraɛlfuɛ mun. Anannganman b'ɔ sie mɛn wunmuan'n, b'ɔ tran Siɔn oka'n su'n i dunman nun.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Ndɛ Nga Nyanmiɛn I Nuan Ijɔfuɛ Aze Kannin'n 2:9

Ɔ man min sua nga i klanman ´tra klikli liɛ'n. Kpɛkuun m ´man amun fɔundi lika nga nun wa. M bɔbɔ min Anannganman b'ɔ n sie mɛn wunmuan'n, min yɛ n fua kle amun-ɔn.› »

Matthieu 1:1

Jésus-Krist b'ɔ ti David nin Abraam be anunman'n i osu ng'ɔ fin nun'n yɛ.

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

JÉSUS-CHRIST I DYASIN FE'N BO LUC KLELI'N 2:14

«Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 15:25

Afin ɔ ´sie lele san Nyanmiɛn man ɔ ´tiɛ i kpɔfuɛ'm be kwlaa be su ,

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 1:8

Sanngɛ ɔ kɛnnin i Wa'n i ndɛ kɛ: «Nyanmiɛn, ɔ bia'n wo lɛ tititi,» yɛ: «Sielɛ nga a sie sran mun'n, a sie be kpa.

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

Jɔlɛ Difuɛ Mun 13:18

Anannganman i anz'n tɛli i su kɛ: «?Ɔ yo sɛ ti yɛ a usa min dunman-an? Ɔ ti nvialiɛ nun like .»