Ezai 9:3 - NYANMIƐN NDƐ'N 1998

³ Afin sielɛ wafa nga sran wie'm be fa sie be'n b'ɔ ti kɛ trɔ sa'n, a yili i be su. Waka nga be fa bo be'n, a bubuli be nun. Ngble nga be fa kle be nyrɛnnɛn'n, a kpɛkpɛli be nun. Like nga a fa yoli Madianfuɛ mun laa'n, i kunngba'n yɛ a yoli-ɔ.

Ezai 9:3 ပူးပေါင်းရင်းမြစ်များ

Neemi 9:23

Yɛ a mannin be osu kpanngban kpa kɛ nyanmiɛn su lɔ nzraama mun sa. Yɛ a fali be wluli mɛn nga a seli bé nannan'm be kɛ ɔ ´yo be liɛ'n nun.

Zɔb I Nyrɛnnɛn Wunlɛ 12:23

Ɔ yo man nvle'm be kɔ be nyrun, kpɛkuun ɔ yo man be nunnun. Ɔ yo man be trɛ, kpɛkuun ɔ yo man be nunfuɛ'm be yo kanga.

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Jue Mun 119:162

Nda nga a ta min kɛ a ´yo like man min'n, nda sɔ bɔ a ta min'n, ɔ jɔ min klun kɛ anyanbeun like yɛ m'an nyɛn i sa.

Jue Mun 4:7

Sran sunman be se kɛ: «Ee! ?Wan yɛ man e ´nyan ye-ɔ?» Ee! Anannganman, titi ɔ́ nyin nun wein, nan yo e ye!

Ezai 10:26

Anannganman b'ɔ sie mɛn wunmuan'n ɔ wa mɛn i ngble'n su ɔ ´fa bo be kɛ ɔ fa boli Madianfuɛ mun Orɛb yɛbuɛ'n su lɔ'n sa. Ɔ ´mɛn i waka'n su jenvie'n su kɛ ɔ yoli i Ezipt lɔ'n sa.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 14:5

Klunwifuɛ mun bɔ be sie sran mun klunwi su'n, Anannganman ɔ'a bu be sielɛ'n i bue. Be nga be tin sran'm be su'n, Anannganman ɔ'a bubu be nyantiaan'm be nun.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 26:15

Anannganman, wɔ man y'a trɛ, wɔ man y'a sɔn, yɛ w'a nyan nyrun. A trɛli e mɛn'n nun.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 54:1

Zerizalɛmfuɛ mun, amun bɔ amun ti kɛ klun kpanfuɛ mun sa'n, amun bɔ amu'an nyan-man ba kun'n, amun `bo sro. Amun bɔ amu'an wu-man ba kun'n, man amun wun blibli amun, yɛ man amún wun nyrɛn amun! Afin Anannganman wan yoo: «Amun bɔ amun ti kɛ bla nga b'a yaci be'n sa'n, amun mma'm be wa sɔn tra bla nga be tɛ o bé wun'm bé bo'n !»

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezai 61:7

«Nyannzuɛn su kun-man amun, sanngɛ amun ´nyan nyrun kpa. Amún nyin su gua-man ase, sanngɛ amun klun ´jɔ like kpa bɔ amun ´nyɛn i'n ti. Amun ´nyan aja ninnge sɔ kpɛ nnyɔn amun mɛn'n nun. Yɛ amun klun wa jɔ anannganman-anannganman.

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Ezai 65:18

Man amun klun jɔ, yɛ man amún wun blibli amun cɛn'n kwlakwla like nga n wa yi be'n be ti. N wa yi Zerizalɛm kun bɔ i nun ɔ ´yo fɛ, yɛ n wa yi nvle kun bɔ i nun sran nga be ´tran lɔ'n, be klun wa jɔ.

Ezai 66:10

Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

Zeremi 31:7

Afin Anannganman'n wan yoo: «An `bo sro be man Zakɔb i osu'n nunfuɛ mun. An `bo sro be manman Anannganman b'ɔ ti mɛn'n kwlakwla bé su kpɛn'n. An `kpan Aleluya man be ti, an `se kɛ: ‹Anannganman, de ɔ nvle'n, de Izraɛlfuɛ nga be ka'n.› » Ndɛ nga Anannganman kusu kan'n yɛ:

Ndɛ Nga Nyanmiɛn I Nuan Ijɔfuɛ Oze Kannin'n 4:7

Kɛ min nyrun jranfuɛ'm be ´trɛ be ´kɔ be nyrun'n, wuun blɛ li yɛ be ´se be kɛ be `yo tɛ nin-ɔn. Be nyrun bɔ be lɛ i'n, n wa yo man ɔ ´kaci kuakualɛ.

Saun Yolɛ 26:13

Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun lɔ m bali-ɔ. Min waan n ´yi amun n ´fite sɔ nan nán amun yo kanga kun. Wunmiɛn nga Eziptfuɛ'm be lɛ i'n, bɔ i ti yɛ be tin amun su kplɔlɔlɔ'n, n sacili i. Ɔ man siɛn'n, sɛ amun ´nanti'n, amun ´kwla man amun ti su.»

Zakari 10:8

M ´bo feliman n ´fa flɛflɛ be, afin m'an fua kɛ n ´de be, be wa trɛ kɛ be fa trɛli laa'n sa.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

JÉSUS-CHRIST I DYASIN FE'N BO LUC KLELI'N 11:22

Sanngɛ sɛ sran uflɛ b'ɔ lɛ wunmiɛn trɛ i'n, ɔ wa tɔ i su kwlɛ i'n, ɔ ´de i ninnge b'ɔ fa kun alɛ b'ɔ lafi su'n kwlaa, ɔ ´fɛn i bo ninnge'n, ɔ `fa cɛ.

Sa nga bé yôli'n 8:8

Klɔ sɔ'n sufuɛ'm be klun jɔli dan kpa.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

Jɔlɛ Difuɛ Mun 5:3

Famiɛn mun nin siefuɛ mun, amun `sie amún su tie. N ´to jue m ´bo n flɛ Anannganman. M ´bo n flɛ Izraɛl Nyanmiɛn'n.

Jɔlɛ Difuɛ Mun 7:22

Yɛ sran ya nsan'm be fitali awɛ'n nun ekun-ɔn. Kpɛkuun Anannganman man Madianfuɛ nga bli i nyin wɔ i wiengu tokofi, nga bli i nyin wɔ i wiengu tokofi, kɛ ɔ ´yo sɔ'n, wuun be ´wanndi. Be wanndi lele juli Bɛt-Sita kɛ a fa kɔ Zɛrera klɔ wun lɔ'n, yɛ be juli Abɛl-Mɛɔla i nuan lɔ ekun Tabat wun lɔ.

Jɔlɛ Difuɛ Mun 8:12

Zebak nin Zalmɔna be wanndili. Zedeɔn suli bé su nan ɔ'a tra Madian famiɛn nnyɔn sɔ mun. Alɛ kunfuɛ'm be kusu, ɔ sanngannin be nun.

1 Samiɛl 30:16

Yɛ ɔ nin David be ɔli-ɔ. Be ´nian-an, alɛ kunfuɛ sɔ'm be yɛ be tru lika'n nun yɛ, ninnge kpanngban nga be nyɛnnin Filistifuɛ nin Zidafuɛ'm be mɛn'n nun lɔ'n, be su di be ´nɔn'n, wuun be ´si able.