Ezai 9:2 - NYANMIƐN NDƐ'N 1998

² Anannganman, wɔ man be klun jɔli, wɔ man bé wun kpajali be dan. Kɛ be ba ɔ sua nun'n, be klun jɔ kɛ be nga be su kpɛ ble'n sa, bé wun kpaja be kɛ be nga be su cɛ alɛ nun ninnge nga be nyannin be'n be nun'n sa.

Ezai 9:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 10:21

ka nan m'an ɔ kan be kɔ lɔ-ɔ be ba-man kun'n, bɔ lɔ ti aosin ble'n.

Jue Mun 107:10

Be wie'm be trannin aosin tuun kpa nun, be trannin kongo tuun kpa b'ɔ yo sro'n nun. Nyrɛnnɛn'n ɔ sin yiali be mlɔnmlɔnmlɔn, be cili be nin jrɔkɔ.

Jue Mun 107:14

Ɔ yili be bisua tuun sɔ'n nun fiteli. Ɔ kpɛkpɛli jrɔkɔ nga be fa cili be'n be nun.

Jue Mun 23:4

Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

Jue Mun 4:8

Aklunjuɛ nga wɔ man n nyɛn i'n, ɔ tra aklunjuɛ nga kɛ sran'm be ´kpɛ be ble kpanngban'n be nyɛn i'n, yɛ ɔ tra aklunjuɛ nga kɛ be ´yi be nzan kpanngban'n be nyɛn i'n.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 60:19

Nán wia'n yɛ ɔ wa kpaja ɔ́ su wia'n nun kun-ɔn, nán anglo'n yɛ ɔ wa ta ɔ́ su kɔnguɛ kun-ɔn, sanngɛ Anannganman yɛ ɔ ´yo kɛ ɔ kannin sa tititi-ɔ. Ɔ Nyanmiɛn'n yɛ ɔ ´yo kɛ like b'ɔ kpaja ɔ su sa-a .

Ezai 9:1

Sran nga be wo aosin nun'n, be wunnin kɛ lika kpaja'n dan kpa, be nga be tran mɛn ng'ɔ wo aosin tuun kpa nun'n, lika'n kpajali be su .

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.

Matthieu 4:16

Be nun sran nga be tran aosin nun'n, be wunnin kɛ lika'n kpaja dan kpa, yɛ be nga be tran wie'n i mɛn tuun'n nun'n, lika'n kpajali be su.»

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

Jean 12:46

Min yɛ m bali mɛn'n nun kɛ n ´kpaja lika nun nan sran kwlaa ng'ɔ lafi n su'n ɔ'a tran-man aosin nun.

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Efɛzfuɛ Mun 5:8

Laa'n, an wo aosin nun, sanngɛ sran wunmuan bɔ amun nin e Min'n amu'an kaci'n ti, amu'an fite weiin nun siɛn'n. I sɔ'n ti'n, an `yo sa ng'ɔ kle kɛ an wo wia klengle kpa'n nun'n.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Jɔlɛ Difuɛ Mun 5:30

‹Kɛlɛ be su cɛ be kpɔfuɛ'm bé bo ninnge'm be nun, be su cɛ talua nga be tra be lomuɛn'm be nun: sonja kun talua kun annzɛ talua nnyɔn. Sizɛra i liɛ yɛlɛ be kondro bɔ be di nun aba nglanman-nglanman kpa mun. Kwlafuɛ'n i liɛ yɛlɛ tannin nga be di nun aba klanman kpa sakpa bɔ be fa gua be kɔmin nun'n.›