Ezai 9:10 - NYANMIƐN NDƐ'N 1998

¹⁰ Anannganman man Rɛzɛn i kpɔfuɛ'm be ´jaso be kusu bé wun. Ɔ ´wla be nga be nin be lɛ'n be fanngan.

Ezai 9:10 ပူးပေါင်းရင်းမြစ်များ

1 Famiɛn Mun 10:27

Salomɔn man Zerizalɛm lɔ sika'n truli kɛ yɛbuɛ sa. Yɛ ɔ man sɛdri waka'n kusu truli kɛ sikomɔr waka'm bɔ be o lika kpɛtɛkplɛɛ nun lɔ'n sa.

2 Famiɛn Mun 16:9

Asiri famiɛn'n kplinnin flɛlɛ bɔ Akaz flɛli i'n su. Ɔ ɔli Damas. Ɔ ko fali alɛ wlali lɔfuɛ'm be sin, ɔ kwlali be, yɛ ɔ trali be lomuɛn ɔli Kir, kpɛkuun ɔ kunnin Rɛzɛn.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

JÉSUS-CHRIST I DYASIN FE'N BO LUC KLELI'N 19:4

Ɔ wanndi ko fuli waka bɔ be flɛ i sikomɔr'n kun su nan sɛ ɔ sin-ɔn ɔ'a wun i, afin lɛ yɛ ɔ ´sin-ɔn.