Ezai 8:8 - NYANMIƐN NDƐ'N 1998

⁸ Ɔ ´kata Zida mɛn'n i su, ɔ ´yi lele ɔ di lika'n, ɔ ´ju be kɔmin nun. Ee! Emaniɛl, be su wun-man nzue'n i cenje'n kun, nzue'n ɔ ´di ɔ mɛn'n wunmuan'n.»

Ezai 8:8 ပူးပေါင်းရင်းမြစ်များ

2 Famiɛn Mun 17:3

Salmanazar b'ɔ ti Asiri famiɛn'n fali alɛ'n wlɛli i sin. Oze trɛnnin i sielɛ'n i bo. Ɔ tannin lapo mɛn i.

2 Be Nyoliɛ 12:4

Be fali Zida klɔ nga be sili bé wun'n, be ɔli lele be juli Zerizalɛm.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 30:28

Kpukpuwa ng'ɔ fin i bue nun fite'n, ɔ ti kɛ nzue ba wie bɔ ɔ'a yi ɔ'a ju be kɔmin nun'n sa. Ɔ wa fa nyrɛnnɛn'n yi i nvle-nvle'm be nunfuɛ'm be su, ɔ ´fa sa be nian. Sɛ e ´kwla se'n, ɔ ´wla bé nuan nun nga kɛ nnɛn kpanngɔ'm be liɛ'n sa, ɔ ´fa be kɔ kan be klo-man'n.

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 7:17

Anannganman man sa tɛ kpa wie ɔ wa ba wɔ nin ɔ nvle'n nunfuɛ'm be su, ɔ ´ba ɔ́ si i awlo'n su. Kɛ ɔ fin cɛn bɔ Efraimfuɛ'm be cuɛnnin bé wun Zidafuɛ'm be lika'n, sa sɔ'n i wunsu nian ju-man le.» Asiri famiɛn'n b'ɔ wa ba'n, i ndɛ yɛ Ezai kan-an.

Ezai 8:10

Kannzɛ amun bu like nga amun ´yo'n be akunndan sie, be su kpɛn-man su! Kannzɛ amun kan ndɛ wie'n, ɔ su kpɛn-man su, afin Nyanmiɛn nin ye o nun.

Zeremi 47:2

Ndɛ sɔ'n yɛ: «Like kun fin nglo lika liɛ'n nun lɔ ba, ɔ tɛ kɛ nzue wie yɛ ɔ'a yi sa. Ɔ'a yi lele, ɔ su di asiɛ'n su ninnge'n kwlaa. Ɔ su di klɔ mun, ɔ su mɛn be su sran mun. Sran'm be o kpankpanlɛ. Ngwlɛ o mɛn'n nun sran'm be kwlaa bé nuan.

Zeremi 48:40

Anannganman'n wan yoo: ‹Like'n tu sin kɛ anunman nyin sa. Ɔ trɛtrɛ i ndɛwa'n nun Moab su.›

Zeremi 51:42

Jenvie'n wɔli lele ko kɛtɛli i su kplu! Ɔ mɛnnin i bi!

Ezekiɛl 17:3

Se be kɛ: ‹Anannganman Nyanmiɛn'n wan yoo: Anunman nyin dan bɔ i ndɛwa'm be ti dandan vugba-vugbaa, bɔ i ndrɛ'm be ti tɛnndɛn'n, b'ɔ ti klanman toto nun'n, ɔ ɔli lele juli Liban yɛ ɔ ko kpɛli waka nga be flɛ kɛ sɛdri i ti'n su.

Ezekiɛl 26:19

Afin Anannganman Nyanmiɛn wan yoo: «N wa yo man a ´yo kɛ klɔ bɔ be sacili bɔ sran tran-man be su kun'n sa. N ´fa nzue'n jenvie'n i afiɛn lɔ ɔ wa di wɔ.

Daniɛl 11:10

Nglo lɔ lika'n i famiɛn'n i mma'm be ´buabua bé wun be ´kɔ alɛ kunlɛ. Kɛ be ´kɔ sɔ'n, be ´fa alɛ kunfuɛ kaka kpa. Ba'm be nun kun nin i sonja liɛ'm be ´tra be mɛn nnyɔn'm be awɛ'n su, be ´kpa bo'n bo sa waa kɛ nzue ba wie bɔ ɔ'a yi dan b'ɔ su sonji lika'n kwlaa nun'n sa. Kɛ be ´sa bé sin be ´ba be mɛn'n nun'n, be wa utu be kpɔfuɛ'm be klɔ kun bɔ i wun ti siwa'n.

Mise 1:9

Afin yɛlɛ kɛ Samari i wie like yɛ ɔ'a yo i lɛ. Kpɛkuun like sɔ'n ɔ'a sa Zida, ɔ'a trɛ i lele ɔ'a ju Zerizalɛm klɔ'n i anuan'n nun, ɔ'a ju min nvlefuɛ'm be tranwlɛ'n i anuan'n nun.

Mise 5:5

Bé sa nun alɛ ninnge'n ti, be ´kwla Asiri asiɛ'n su sran wunmuan'n, be ´kwla Nimrɔd mɛn wunmuan'n. Sɛ Asirifuɛ'm be wlu e mɛn'n nun'n, nan bé ja tia e mɛn'n nun asiɛ su'n, ɔ ´de ye bé sa nun.

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .