Ezai 8:7 - NYANMIƐN NDƐ'N 1998

⁷ i ti Anannganman man Efrat nzue kpanngban b'ɔ sonji kekle'n, ɔ sonji ba be su, Asiri famiɛn'n b'ɔ lɛ nyrun dan'n ɔ ´ba. Nzue'n ɔ ´yi dan kpa, ɔ ´kɛtɛ i cenje'n kwlaa su.

Ezai 8:7 ပူးပေါင်းရင်းမြစ်များ

Bo Bolɛ 6:17

Afin n wa tɔ anannganman su nzue kun asiɛ'n su, n ´fa nunnun ninnge nga be wo asiɛ'n su'n be kwlaa. N ´kun asiɛ'n su ninnge'm be kwlaa.

2 Famiɛn Mun 19:32

Anannganman kan ndɛ ng'ɔ o yɛ'n ekun man Asiri famiɛn'n, i wan yoo: Asiri famiɛn'n su wlu-man klɔ nga nun, ɔ su to-man ta wa, ɔ su kplan-man nyrɛn wa, ɔ su kplan-man like kendengleiin nga be jran su be kun alɛ'n wa.

Ɛsdras 4:10

Ɔsnapar b'ɔ ti sran dan b'ɔ lɛ nyrun'n, ɔ trali sran wie'm be lomuɛn. Ɔ fali be sieli i Samari klɔ'm be su, annzɛ Efrat nzue ba'n i sin lɔ nvle'm be nun. E nin i yɛ e klɛli fluwa sɔ nin-ɔn.»

Jue Mun 72:8

Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Ezai 10:16

I sɔ'n ti, Nyanmiɛn Kpli'n, Anannganman b'ɔ sie mɛn wunmuan'n, ɔ man Asiri famiɛn'n i sran mun bɔ be wunnɛn o nun'n, be ´yo koklo, yɛ i sran kpakpa mun'n, like wie ɔ ´jue be afiɛn, ɔ ´yra kɛ sin sa.

Ezai 10:5

Asirifuɛ'm bɔ be ti kɛ min nyantiaan sa'n, be yako! Waka'n b'ɔ o bé sa nun'n, yɛ n ´fa di min ya'n i su junman-an.

Ezai 11:15

Anannganman ´yo man Ezipt jenvie'n ɔ `wie nun. Ɔ ´tinngɛ i sa Efrata nzue ba'n su. Ɔ ´fita su kekle kpa fuu, Ɔ ´kpacikpaci nzue ba sɔ'n nun nso, kpɛkuun sran'm be ´nanti be ja be ´kpɛ.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 28:17

Sɛ n kwla ´se'n, min nyanman nga n ´fa sunnzun like'n yɛlɛ sa i nuan su yolɛ'n, yɛ min nyanman bɔ sunmun wo i nuan, bɔ n nian su bɔ man kɛ n ´kplan talɛ'n ɔ yo seiin'n, yɛlɛ mmla'n.» Sɛ e fa ato'n e sunnzun fiawlɛ'n e `se kɛ nzraama bɔ kɛ nzue ´tɔ'n ɔ gua'n, ɔ ´saci i. Sɛ e fa gblɛ'n e sunnzun sua'n, e se kɛ nzue'n ɔ sonji wlu nun'n, ɔ ´yi.

Ezai 28:2

Amun `nian, Anannganman ɔ'a sunman sran kun, ɔ ti kekle kpa, ɔ ti waka-waka kpa, ɔ su ba. Ɔ ti kɛ nzue bɔ kɛ ɔ ´tɔ-ɔ nzraama gua'n sa, ɔ ti kɛ aunngban dan b'ɔ saci like'n sa, ɔ ti kɛ nzue b'ɔ kpalo waa blɛ bɔ nzue'n ɔ su tɔ'n sa. Anannganman su klɔ sɔ'n i bo yi i ase.

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Ezai 59:19

I liɛ'n, kɛ ɔ fɛ i wia afiliɛ lɔ lele b'ɔ ´fa ju wia atɔliɛ lɔ'n, be ´sro Anannganman i dunman'n nin i nyrun b'ɔ ti nyannyan'n. Sɛ i kpɔfuɛ'm be ba kɛ nzue dan sa bɔbɔ'n, i Wawɛ'n ɔ kan bé bo .

Ezai 7:17

Anannganman man sa tɛ kpa wie ɔ wa ba wɔ nin ɔ nvle'n nunfuɛ'm be su, ɔ ´ba ɔ́ si i awlo'n su. Kɛ ɔ fin cɛn bɔ Efraimfuɛ'm be cuɛnnin bé wun Zidafuɛ'm be lika'n, sa sɔ'n i wunsu nian ju-man le.» Asiri famiɛn'n b'ɔ wa ba'n, i ndɛ yɛ Ezai kan-an.

Ezai 7:20

Blɛ sɔ nun'n, Anannganman ko fa laliɛ lɛman Efrat nzue'n i sin lɔ. Asiri famiɛn'n i ndɛ yɛ ɔ ´kɛn i lɛ-ɔ. Ɔ ´yi amún ti'n nin amun wunnɛn'n su ndrɛ'n kwlaa, ɔ ´yi amun akanza'n wie.

Zeremi 47:2

Ndɛ sɔ'n yɛ: «Like kun fin nglo lika liɛ'n nun lɔ ba, ɔ tɛ kɛ nzue wie yɛ ɔ'a yi sa. Ɔ'a yi lele, ɔ su di asiɛ'n su ninnge'n kwlaa. Ɔ su di klɔ mun, ɔ su mɛn be su sran mun. Sran'm be o kpankpanlɛ. Ngwlɛ o mɛn'n nun sran'm be kwlaa bé nuan.

Zeremi 51:42

Jenvie'n wɔli lele ko kɛtɛli i su kplu! Ɔ mɛnnin i bi!

Ezekiɛl 26:19

Afin Anannganman Nyanmiɛn wan yoo: «N wa yo man a ´yo kɛ klɔ bɔ be sacili bɔ sran tran-man be su kun'n sa. N ´fa nzue'n jenvie'n i afiɛn lɔ ɔ wa di wɔ.

Daniɛl 11:10

Nglo lɔ lika'n i famiɛn'n i mma'm be ´buabua bé wun be ´kɔ alɛ kunlɛ. Kɛ be ´kɔ sɔ'n, be ´fa alɛ kunfuɛ kaka kpa. Ba'm be nun kun nin i sonja liɛ'm be ´tra be mɛn nnyɔn'm be awɛ'n su, be ´kpa bo'n bo sa waa kɛ nzue ba wie bɔ ɔ'a yi dan b'ɔ su sonji lika'n kwlaa nun'n sa. Kɛ be ´sa bé sin be ´ba be mɛn'n nun'n, be wa utu be kpɔfuɛ'm be klɔ kun bɔ i wun ti siwa'n.

Daniɛl 11:22

Alɛfuɛ fi su kwlɛ-mɛn i, ɔ ´nunkun be kwlaa kpɛkuun ɔ ´kun anuansɛ nga be di i nvle'n nun'n i su kpɛn'n.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Amɔs 8:8

Sa sɔ'm be ti, asiɛ'n ɔ ´keje, i su tranfuɛ'm be kwlaa be wa tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su nglo kpɛkuun ɔ ´tɛ i wun ase kɛ Ezipt lɔ nzue ba dan'n sa.»

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Mise 1:9

Afin yɛlɛ kɛ Samari i wie like yɛ ɔ'a yo i lɛ. Kpɛkuun like sɔ'n ɔ'a sa Zida, ɔ'a trɛ i lele ɔ'a ju Zerizalɛm klɔ'n i anuan'n nun, ɔ'a ju min nvlefuɛ'm be tranwlɛ'n i anuan'n nun.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Mise 5:5

Bé sa nun alɛ ninnge'n ti, be ´kwla Asiri asiɛ'n su sran wunmuan'n, be ´kwla Nimrɔd mɛn wunmuan'n. Sɛ Asirifuɛ'm be wlu e mɛn'n nun'n, nan bé ja tia e mɛn'n nun asiɛ su'n, ɔ ´de ye bé sa nun.

Naɔm 1:8

Sanngɛ i kpɔfuɛ'm be liɛ'n, kɛ nzue ba dan kun yi gua b'ɔ kata asiɛ'n su b'ɔ nunnun lika'n sa, ɔ wa nunnun be. Ɔ ´fa be kɔ aosin tuun'n nun.

JÉSUS-CHRIST I DYASIN FE'N BO LUC KLELI'N 6:48

Ɔ ti kɛ sran kun b'ɔ su kplan sua sa. Ɔ kpɛ kunman kploun, kunman sɔ'n ɔ kpɛn yɛbuɛ su, sran sɔ'n ɔ wla sua'n i bo ase yɛbuɛ sɔ'n su. Nzue dan kun yi ba kpuu, ɔ dili sua sɔ'n, sanngɛ ɔ'a yo-mɛn i like fi yɛlɛ kɛ be kplɛnnin i kpa.

Sa nglô yile 17:15

Anz'n seli min ekun kɛ: «Nzue nga a wunnin be lika nga tekle bla'n ti lɛ'n, be ti sran wafa-wafa mun, nin sran kpanngban, nin mɛnmɛnfuɛ mun, nin be bɔ be aniɛn'n ti wafa-wafa'n.