Ezai 8:4 - NYANMIƐN NDƐ'N 1998

⁴ Afin kwlaa nan bakan ɔ'a si baba nin manmin flɛ'n, be ´fa Damas lɔ anyanbeun'n nin Samari lɔ ninnge mun ko man Asiri famiɛn'n.»

Ezai 8:4 ပူးပေါင်းရင်းမြစ်များ

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

2 Famiɛn Mun 16:9

Asiri famiɛn'n kplinnin flɛlɛ bɔ Akaz flɛli i'n su. Ɔ ɔli Damas. Ɔ ko fali alɛ wlali lɔfuɛ'm be sin, ɔ kwlali be, yɛ ɔ trali be lomuɛn ɔli Kir, kpɛkuun ɔ kunnin Rɛzɛn.

2 Famiɛn Mun 17:3

Salmanazar b'ɔ ti Asiri famiɛn'n fali alɛ'n wlɛli i sin. Oze trɛnnin i sielɛ'n i bo. Ɔ tannin lapo mɛn i.

Ezai 17:1

Damas i wun ndɛ. Damas su yo-man klɔ kun bɔbɔ, ɔ ´kaci klɔ nvuɛn.

Ezai 17:3

Klɔ nga be si bé wun'n, wie fi su tran-man Efraim akpasua'n su kun. Damas su yo-man famiɛn diwlɛ'n i klɔ dan'n kun. Yɛ Siri mɛn'n i bue ng'ɔ ka lɛ'n, ɔ su nyan-man nyrun kun, ɔ ´yo kɛ Izraɛlfuɛ'm be anyrunnyan b'ɔ wieli'n sa. Ndɛ nga Anannganman b'ɔ sie mɛn wunmuan'n ɔ kan'n yɛ ɔ o lɛ-ɔ.

Ezai 28:4

Amun `nian, klɔ b'ɔ o kongo bɔ be yo nun like-ɔ ɔ yo ye'n i nglo'n, waka nyrɛ b'ɔ ɔ'a glɔ b'ɔ fa fɛfɛ i wun kɛ like kpa wie sa'n, be ´tiatia su. Samari klɔ'n ɔ ´yo kɛ figie mma b'ɔ blo ndɛ nun, bɔ sran ng'ɔ dun mmua wun i'n, ɔ ti, kpɛkuun ɔ kalɛ di i ndɛndɛ'n sa.

Ezai 8:5

Anannganman kannin ndɛ kleli min ekun, i waan:

Amɔs 1:3

Anannganman'n wan yoo: «Sirifuɛ nga be o Damas'n be sa tɛtɛ nga b'a yo'n sɔnnin. Bé wun ndɛ ng'ɔ o min klun'n ti-man blɛblɛ. Be jɔjɔli Galaadfuɛ'm be nun kɛ asiɛ nun fundanlɛ blalɛ wie yɛ b'a fa sin be su sa. Ɔ man e nin be y'a nyɛn i.

Amɔs 1:5

Gboklo nga be fa to Damas klɔ'n i anuan'n nun, n ´tu, kpɛkuun n ´nunnun Bikat-Avɛn lɔfuɛ mun nin famiɛn ng'ɔ sie Bɛt-Edɛni'n. Sirifuɛ'm be kusu be liɛ'n, be wa tra be ´kɔ Kir.» Anannganman'n yɛ ɔ kan sɔ kle amun-ɔn .

Zonas 4:11

Yɛ Niniv b'ɔ ti klɔ dan, bɔ sran akpi-akpi ya sran akpi-akpi ablaɔn (120.000) bɔ be wun-man sa wlɛ'n, be o su'n, ɔ nin nnɛn beblebe'n, yɛ min yɛ n ko si-man be aunnvuɛ-ɔ?»

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

Mmla'n 1:39

Amun mma kanngan bɔ amun waan be wa ka aawlɛ flɛnnɛn'n nun lɔ nan alɛ ´di be'n, ɔ nin amun mma nga kɛ e ´se yɛ'n be nian wun-man tɛ'n nin kpa'n be ngbaciɛ'n, be yɛ be ´ju mɛn sɔ'n nun lɔ-ɔ, be yɛ n ´fa man be-ɔ. Be yɛ be ´fa-a.