Ezai 8:3 - NYANMIƐN NDƐ'N 1998

³ Yɛ n wluli Nyanmiɛn nuan ijɔfuɛ bla b'ɔ ti min yi'n i sin, ɔ wunnzɛli nan ɔ'a wu ba yasua kun. Anannganman seli min kɛ: «Tɔn i dunman kɛ Kan Ɔ Wun Fɛn Be Bo Ninnge'n.

Ezai 8:3 ပူးပေါင်းရင်းမြစ်များ

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

Ezai 8:1

Anannganman seli min kɛ: «Fa like paplapa dan kun nan klɛ su weiin man be wun i. Klɛ su kɛ: ‹Be `fɛn ninnge'n ndɛndɛ, be `kan bé wun be `ko fa ninnge'n.› »

Zeremi 20:3

Kɛ aliɛ'n cɛnnin'n, Pasir nyannjili Zeremi kpɛkuun Zeremi seli i kɛ: «Anannganman'n flɛ-man wɔ Pasir kun, ɔ ´flɛ wɔ Magɔr-Misabib siɛn'n, i bo'n yɛlɛ kɛ Nyrɛnnɛn Bo Sin Yia Amun.

Jɔlɛ Difuɛ Mun 4:4

I blɛ sɔ nun'n, wuun Lapidɔt i yi Debora b'ɔ ti Nyanmiɛn nuan ijɔfuɛ'n, ɔ di jɔlɛ Izraɛl mɛn'n nun.