Ezai 8:18 - NYANMIƐN NDƐ'N 1998

¹⁸ Min nin ba nga Anannganman fa be mannin min'n, e ti nzɔliɛ Izraɛl mɛn'n nun, E bo sa'm be su e kle Izraɛlfuɛ mun. Anannganman b'ɔ sie mɛn wunmuan'n, b'ɔ tran Siɔn oka'n su'n i dunman nun.

Ezai 8:18 ပူးပေါင်းရင်းမြစ်များ

Bo Bolɛ 33:5

Kɛ Ezau wunnin bla nin ba mun'n, ɔ usali kɛ: «?Wan mun yɛlɛ be nga be su wɔ su yɛ'n?» Zakɔb waan: «Ba nga Nyanmiɛn fa mannin min mun-ɔn.»

1 Be Nyoliɛ 23:25

David dun mmua seli kɛ: «Anannganman b'ɔ ti Izraɛl Nyanmiɛn'n man i nvlefuɛ'm b'a di alaje. Yɛ i bɔbɔ'n, ɔ ´tran Zerizalɛm i wa tititi.

Jue Mun 22:30

Be kwlaa nga be ti kwlafuɛ asiɛ'n su'n, be ´koto i bo. Be kwlaa nga b'a sa bé sin ndutre'n nun bɔ be nguan'n ɔ'a fi bé sa'n, be kusu be ´koto i bo wie.

Jue Mun 71:7

Sran sunman be bu i kɛ a boli min sannzan, sanngɛ wuun min su nianlɛ li yɛ a niannin kpa liɛ su-ɔ.

Jue Mun 9:11

Be nga be si wafa bɔ a ti'n, be fa bé wun wla ɔ sa nun. Afin Anannganman, be bɔ be fa bé wun man wɔ'n, a yi-man be ase .

Jue Mun 9:12

Amun `to jue be manman Anannganman b'ɔ tran Siɔn'n. Amun `bo sa dandan ng'ɔ yo be'n be jɔ sin nvle-nvle'm be nun.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 20:3

Anannganman waan: «Kɛ min sufuɛ Ezai ɔ ´wlan sin bɔ i wun ngbɛn nin i ja ngbɛn'n, i afuɛ nsan yɛ, i sɔ'n ɔ ti nzɔliɛ, ɔ ti sa b'ɔ wa ju Eziptfuɛ mun nin Etiopifuɛ'm be su'n i nzɔliɛ.

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 7:16

I sin ka nan ɔ'a si like ng'ɔ ti-man kpa'n nin ng'ɔ ti kpa'n be ngbaciɛ'n, sran'm be ´jaso famiɛn nnyɔn nga be kle wɔ yalɛ'n be mɛn'n nun.

Ezai 7:3

Yɛ Anannganman seli Ezai kɛ: «Fa ɔ́ wa Sear-Zasib nan ko wun Akaz i wun. Ɔ o nglo lɔ fɛtɛ'n i mmuɛ bɔ be yili'n i wun lɛ. Lika sɔ'n ɔ o ble wlafuɛ'm be lika'n i wun lɛ.

Ezai 8:3

Yɛ n wluli Nyanmiɛn nuan ijɔfuɛ bla b'ɔ ti min yi'n i sin, ɔ wunnzɛli nan ɔ'a wu ba yasua kun. Anannganman seli min kɛ: «Tɔn i dunman kɛ Kan Ɔ Wun Fɛn Be Bo Ninnge'n.

Zeremi 44:29

Kɛ ɔ ko yo nan amu'an wun kɛ nyrɛnnɛn sɔ'n ɔ ´nyan amun sakpa'n, n wa man amun nzɔliɛ kun. Nzɔliɛ sɔ'n yɛ:

Ezekiɛl 12:6

Fa be sie ɔ wati su be nyrun lɛ, fa kɔ aosin'n nun, kata ɔ nyrun nan w'a wun-man lika'n. Afin n klo kɛ like nga a yo'n ɔ yo nzɔliɛ kun Izraɛlfuɛ'm be nyrun.»

Ezekiɛl 14:8

E nin i sɔfuɛ'n e ´yia nun. N ´yo man ɔ ´yo nzɔliɛ kun bɔ be ´fa bu nyanndra, n ´kplɛ i n ´yi, ɔ su tran-man min nvle'n nunfuɛ'm be afiɛn kun. Kpɛkuun amun wa si jrɛiin kɛ min yɛ n ti Anannganman'n nin-ɔn.

Ezekiɛl 4:3

Fa blalɛ paplapa kun fa kpɛ a nin klɔ'n amun afiɛn kɛ talɛ sa. Kpɛ ɔ́ nyin klɔ'n su lɔ, wuun ɔ ti kɛ b'a utu i yɛ ɔ o lɛ-ɔ, wɔ yɛ a utuli i-ɔ. Ɔ ti sa b'ɔ wa ju Izraɛl nvle'n su'n i kan klelɛ nzɔliɛ kun.

Zakari 3:8

«Zozie, wɔ bɔ a ti min nyrun jranfuɛ'm bé su kpɛn'n, a nin ɔ wiengu nga be uka wɔ'n, sa ng'ɔ su wa ba'n, amun yɛ amun ti i nzɔliɛ like nin-ɔn, n su wa fa min sufuɛ nga be flɛ i anyɛn'n m ´ba .

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»

JÉSUS-CHRIST I DYASIN FE'N BO LUC KLELI'N 2:18

Be kwlaa nga be tili ndɛ nga bua sunianfuɛ'm be kan kleli be'n, ɔ boli bé nuan.

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

Mmla'n 28:46

Sa sɔ'm be ´yo amun nin amun osu nunfuɛ mun amun sa nun kɛ nzɔliɛ sa mlɔnmlɔnmlɔn.

Hébreu 10:33

Cɛn wie be kpɛ amun nun wie nzowa, yɛ be yo amun tɛtɛ nzra nun, cɛn wie kusu an fa amún wun wla be bɔ be su yo be tɛtɛ'n be nun.

Hébreu 12:22

Sanngɛ an bali Siɔn Oka'n i bo, an bali nyanmiɛn su Zerizalɛm liɛ'n b'ɔ ti Nyanmiɛn i klɔ'n bɔ anz akpi-akpi be o su'n su.