Ezai 8:10 - NYANMIƐN NDƐ'N 1998

¹⁰ Kannzɛ amun bu like nga amun ´yo'n be akunndan sie, be su kpɛn-man su! Kannzɛ amun kan ndɛ wie'n, ɔ su kpɛn-man su, afin Nyanmiɛn nin ye o nun.

Ezai 8:10 ပူးပေါင်းရင်းမြစ်များ

Bo Bolɛ 21:22

I blɛ sɔ nun'n, Abimelɛk nin i sonja'm be su kpɛnngbɛn Pikɔl be bali Abraam i wun wunlɛ. Abimelɛk seli Abraam kɛ: «Like kwlaa nga a yo'n, Nyanmiɛn jin ɔ sin.

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

2 Samiɛl 17:23

Kɛ Asitɔfɛl wunnin kɛ b'a fɛ-mɛn i ndɛ'n su'n, yɛ ɔ fuli i aflunmun'n su ɔli i klɔ-ɔ. Kɛ ɔ juli lɔ'n, ɔ siesieli i awlo'n, kpɛkuun ɔ boli i kɔmin. Be sieli i i si i asieliɛ'n nun.

2 Samiɛl 17:4

Ndɛ sɔ'n jɔli Absalɔm nin Izraɛl kpɛnngbɛn'm be klun,

2 Famiɛn Mun 6:12

I sonja su kpɛn'n kun waan: «Nannan, i sɔ sran nun-man ye afiɛn wa. Elize b'ɔ ti Nyanmiɛn i nuan ijɔfuɛ'n b'ɔ o Izraɛl'n yɛ ɔ yo i sɔ sa nin-ɔn. Ndɛ kwlaa nga a kɛn i ɔ́ sua ba'n nun lɔ kan a la lɔ'n, ɔ kan kle Izraɛl famiɛn'n.»

2 Be Nyoliɛ 13:12

Amun `nian, Anannganman bɔbɔ dun e nyrun mmua. I nyrun jranfuɛ'm be o wa, awɛ'm be o bé sa nun, kɛ be bo'n, wuun e nin amun e su ko kun. Izraɛlfuɛ mun, nán amun nin Anannganman amun nannan'm be Nyanmiɛn'n amun kun, afin amun su nyan-man jranwlɛ.»

Zɔb I Nyrɛnnɛn Wunlɛ 5:12

Ɔ sanngan akunndan tɛ nga gblɛ kpɛfuɛ'm be fa'n i nun, kpɛkuun be kwla yo-man like nga be gugu kɛ be ´yo'n kun.

Jue Mun 21:12

Sa tɛ nga be guguli kɛ be ´yo wɔ'n, akunndan tɛ nga be buli i ɔ́ wun'n, be su kwla yo-man wɔ wie fi.

Jue Mun 46:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i'n fluwa'm be nun wie. Kɛ be ´to'n, be man be aniɛn'n su. Be waan:

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Jue Mun 46:8

Anannganman b'ɔ sie mɛn wunmuan'n ɔ nin ye o nun, Zakɔb i Nyanmiɛn'n ti kɛ e fiawlɛ klɔ sa.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 14:27

?Sa nga Anannganman b'ɔ sie mɛn wunmuan'n ɔ gugu kɛ ɔ ´yo'n, wan yɛ ɔ ´kwla jrɛn i-ɔ? ?Sɛ ɔ mɛn i sa'n su kɛ ɔ ´yo sran like'n, wan yɛ ɔ kwla kpalo i sa sɔ nin-ɔn?

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 8:8

Ɔ ´kata Zida mɛn'n i su, ɔ ´yi lele ɔ di lika'n, ɔ ´ju be kɔmin nun. Ee! Emaniɛl, be su wun-man nzue'n i cenje'n kun, nzue'n ɔ ´di ɔ mɛn'n wunmuan'n.»

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 42:11

Amun `yaci Babilɔni famiɛn'n i srolɛ. M bɔbɔ min Anannganman'n yɛ n kan kle amun-ɔn. Nan an sro i, afin n jin amun sin. N ´de amun, n ´de amun i sa nun.

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Ngwlɛ Yilɛ 3:37

?Wan yɛ kɛ ɔ uke i nuan'n kpɛkuun nga i waan ɔ `ju'n ɔ'a ka lɛ ɔ'a ju nin-ɔn ? ?Nán Anannganman-an?

Ndɛ Nga Nyanmiɛn I Nuan Ijɔfuɛ Aze Kannin'n 1:13

Anannganman kannin ndɛ kleli Aze b'ɔ ti sran b'ɔ sunmɛn i'n, yɛ i kusu niannin su kan kleli be-ɔ. I waan: «N jin amún sin, m bɔbɔ min Anannganman yɛ n fua n kle amun sɔ-ɔ.»

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.