Ezai 7:8 - NYANMIƐN NDƐ'N 1998

⁸ afin Damas yɛ ɔ ti Siri i klɔ dan nin-ɔn, yɛ Rɛzɛn yɛ ɔ ti Damas i su kpɛn nin-ɔn. Ɔ'a ka afuɛ ablesiɛn-nin-nnun Efraim ´bubu, ɔ su yo-man nvle kun.

Ezai 7:8 ပူးပေါင်းရင်းမြစ်များ

Bo Bolɛ 14:15

Ɔ buli i sufuɛ'm be nun akpasua-akpasua nan ɔ nin be b'a fa alɛ'n b'a wla famiɛn sɔ'm be sin kɔnguɛ nan b'a kwla be. Abram nin i sran'm be suli be su lele juli Sɔba b'ɔ o Damas i nglo lɔ'n su lɔ.

2 Samiɛl 8:6

David sieli siefuɛ mun Damas lɔ Sirifuɛ'm be su. Sirifuɛ'm be suli David, be tua lapo be mɛn i. Kan kwlaa nga David kɔ lɛ'n, Anannganman man ɔ nyan jranwlɛ kpan.

Ɛsdras 4:2

Be wa toli Zorobabɛl nin Izraɛl awlobo kpɛnngbɛn mun nan b'a se be kɛ: «E klo kɛ e nin amun e ´kplan sua'n, afin Nyanmiɛn kunngba nga amun su i'n yɛ e su i-ɔ. Kɛ ɔ fin cɛn bɔ Ezar-Adɔn b'ɔ ti Asiri famiɛn'n ɔ fali ye bali wa'n, e yi tɛ e man Nyanmiɛn .»

Ezai 8:4

Afin kwlaa nan bakan ɔ'a si baba nin manmin flɛ'n, be ´fa Damas lɔ anyanbeun'n nin Samari lɔ ninnge mun ko man Asiri famiɛn'n.»

Ezai 9:11

Sirifuɛ'm be ´jranjran wia afiliɛ lɔ, Filistifuɛ'm be ´jranjran be liɛ wia atɔliɛ lɔ, be ´wie be di weiin, sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin be ´nyɛn i tititi.

Ezai 9:9

«Talɛ'm be bliki'm b'a tɔ, sanngɛ e ´fa yɛbuɛ nga be sɛli'n e ´fa kplan be uflɛ! Janvlɛ'm b'ɔ be ti sikomɔr waka'n, be kpɛkpɛli be, sanngɛ e ´fa janvlɛ bɔ be ti sɛdri waka'n e ´kaci be.»

Zeremi 49:23

«Amat nin Arpad be si-man wie se kun. Jasin nga be tili'n ti-man kpa. Srɛ'n ɔ'a kun be kpo. Be akunndan'n ɔ'a sanngan sa nán sa fi yolɛ-ɔ.

Ezekiɛl 27:18

Damasfuɛ'm be to ɔ trɔ nin wɔ anyanbeun ninnge wafa-wafa mun. Be fa Ɛlbɔn nzan nin bua ndrɛ ufue yɛ be fa tannin i kalɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 13:1

Laa'n, kɛ Efraimfuɛ'm be ijɔ sa'n, srɛ kun sran'm be kwlaa. Izraɛl mɛn'n nun'n, be yɛ be ti Izraɛlfuɛ'm be su kpɛnngbɛn-ɔn, be yɛ be sie be-ɔ. Kpɛkuun be wa yoli sa tɛ, be sɔli Baal, yɛlɛ wulɛ bɔ be wuli'n.