Ezai 7:6 - NYANMIƐN NDƐ'N 1998

⁶ E `jaso Zida i wun, e `wla klɔ'n nunfuɛ'm be srɛ, e `saci klɔ'n lele san be ´fa bé wun fa man ye. I sin e ´fa Tabeɛl i wa yasua'n e ´sie be su famiɛn.›

Ezai 7:6 ပူးပေါင်းရင်းမြစ်များ

1 Famiɛn Mun 12:16

Izraɛlfuɛ'm be wunnin kɛ famiɛn'n ɔ'a tie-man bé nuan ndɛ'n, yɛ be seli kɛ: «E ndɛ nun-man David ndɛ nun! E nin Izai i wa sɔ'n e di-man aja kunngba! Izraɛlfuɛ mun, amun man e sa e sin e wɔ e tannin sua'm be nun! Siɛn'n, David i osu'n nunfuɛ mun, amun famiɛn diwlɛ'n yɛ ɔ o lɛ-ɔ, amun `niɛn i lika!» Yɛ Izraɛlfuɛ'm be jasoli lɛ be ɔli-ɔ.

2 Famiɛn Mun 11:2

Sanngɛ Zoseba b'ɔ ti famiɛn Zɔram i wa bla'n, bɔ i kunngba'n ti Akazia i niaan'n, ɔ ɔli blɛlɛlɛ ko fali Akazia i wa bɔ be flɛ i Zɔas'n ɔ nin bla ng'ɔ tɛ i'n, ɔ fa be fiali Atali nyrun. Ɔ fali be sieli sua ba kun nun. Ɔ man kɛ be ´kun be nga mun'n, b'a kun-mɛn i wie.

2 Be Nyoliɛ 13:8

Siɛn'n, amun waan amun ´jaso Anannganman i sielɛ b'ɔ fa wlali David nin i osu'n nunfuɛ'm bé sa nun'n i wun. Amun sonja'm be sɔnnin kpa. Yɛ amun amuɛn nga Zeroboam fali sika ɔkwlɛ yoli be kɛ nannin ba sa mannin amun'n, be o amun afiɛn.

2 Be Nyoliɛ 21:7

Sanngɛ Anannganman ɔ'a kan-man David osu'n i nunnunlɛ ndɛ i aenguɛ b'ɔ nin i be trali'n ti. Afin ɔ kan kleli i kɛ i osu'n nun sran su tu-man bia'n su le.

2 Be Nyoliɛ 28:5

Anannganman i Nyanmiɛn'n yili i mannin Siri famiɛn'n. Sirifuɛ'm be kwlɛli i nin i sran mun, be trali be nun sran kpanngban kpa ɔli Damas. Anannganman fɛli i wlali Izraɛl famiɛn'n i sa nun ekun. Ɔ kwlɛli i tɛtɛ kpa.

Jue Mun 21:11

A ´yo man be osufuɛ'm be ´nunnun asiɛ'n su. Be osu'n ɔ ´tu sran'm be afiɛn.

Jue Mun 83:3

Ɔ kpɔfuɛ'm be keje-man ngowa. Be nga be klo-man ɔ sa'n b'a man bé ti'n su.

Nyanndra Mun 19:21

Sran i klun akunndan'n sɔnnin, sanngɛ Anannganman i klun lɔ liɛ nga i waan ɔ ´yo'n, yɛ ɔ yo-ɔ.

Ezai 7:1

Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Ezai 7:5

N si kɛ Sirifuɛ mun be nin Efraimfuɛ mun, ɔ nin Rɛmalia i wa'n be bu ɔ́ wun akunndan tɛ. Be se kɛ:

Ezai 7:7

Ndɛ nga Anannganman Nyanmiɛn kan'n yɛ: ‹I sɔ'n su sie-man su. I sɔ su yo-man ye,

Ezai 8:6

«Kɛ bɔ nvle nga nunfuɛ'm be yoli Silɔe nzue'n b'ɔ sonji blɛblɛblɛ'n i finfin'n, kɛ bɔ Rɛzɛn nin Rɛmalia i wa'n be ti yɛ be klun jɔ'n,