Ezai 7:3 - NYANMIƐN NDƐ'N 1998

³ Yɛ Anannganman seli Ezai kɛ: «Fa ɔ́ wa Sear-Zasib nan ko wun Akaz i wun. Ɔ o nglo lɔ fɛtɛ'n i mmuɛ bɔ be yili'n i wun lɛ. Lika sɔ'n ɔ o ble wlafuɛ'm be lika'n i wun lɛ.

Ezai 7:3 ပူးပေါင်းရင်းမြစ်များ

2 Famiɛn Mun 16:1

Kɛ Rɛmalia i wa Pekak yoli famiɛn'n, i afuɛ blu-nin-nso'n su yɛ Zɔtam i wa Akaz yoli Zida famiɛn-ɔn.

2 Famiɛn Mun 18:17

Asiri famiɛn'n sunmannin sonja kpɛnngbɛn'm be su kpɛn'n, nin i mantanfuɛ'n, ɔ nin safunyrɛn b'ɔ dun alɛ'n i mmua'n Ezekias sin Zerizalɛm. Kɛ be ´kɔ'n, be nin sonja kpanngban kpa yɛ be ɔli-ɔ. I blɛ sɔ nun'n, wuun i bɔbɔ o Lakis. Be ɔli. Kɛ be juli Zerizalɛm klɔ'n nun lɛ'n, be jrannin nglo lɔ fɛtɛ'n i mmuɛ'n bɔ be yili'n i wun lɛ. Lika sɔ'n wo ble wlafuɛ'm be lika'n i wun lɛ.

2 Famiɛn Mun 20:20

Ezekias i wun ndɛ'n i onga'n, nin i yakpa ninnge ng'ɔ yoli be'n, nin kɛ ɔ yoli b'ɔ kpɛli fɛtɛ'n, nin kɛ ɔ yoli b'ɔ yili nzue mmuɛ bɔ man Zerizalɛm klɔ'n nunfuɛ'm be nyannin nzue'n, i kwlakwla sɔ'n ti klɛwa Zida famiɛn'm bé wun ndɛ fluwa'n nun.

Neemi 3:16

Azbik i wa Neemi b'ɔ ti Bɛt-Zir asa'n i bue'n su kpɛnngbɛn'n, ɔ di i junman liɛ'n kpɛn David i asieliɛ'n i nuan, lele fa to fɛtɛ nga be kpɛli'n, lele fa ju famiɛn'n i sonja'm bé sua i wun lɛ.

Ezipt Lɔ Tulɛ'n 7:15

Kɔ nan to i lɔ nglɛmun kɛ ɔ kɔ nzue'n i nuan lɔ'n. Ko jrɛn i nyrun Nil'n i nuan lɔ. Fa kpɔnman ng'ɔ kacili wuo'n tra nun.

Ezai 10:21

Zakɔb i osu'n nunfuɛ onga kan'n, be ´sa bé sin Nyanmiɛn b'ɔ kwla'n i sin.

Ezai 22:10

Amun kali Zerizalɛm klɔ'n nun sua mun. Amun bubuli be nun wie mun, amun fali be yɛbuɛ'm be yoli talɛ ng'ɔ sisi klɔ'n i wun'n kɛ ɔ ´yo nan ɔ'a yo kekleke'n ti.

Ezai 22:11

Amun yoli nzue guawlɛ talɛ nnyɔn'm be afiɛn kɛ ɔ ´yo nan amu'an fa kunman laa liɛ'n i nun nzue'n b'a gua nzue guawlɛ uflɛ'n sɔ'n nun'n ti. Sanngɛ amu'an bu-man sran ng'ɔ yoli sa sɔ mun i akunndan. Amun wla ɔ'a kpɛn-man sran ng'ɔ dun mmua siesieli be laa'n i su.

Ezai 36:2

Asiri famiɛn'n sunmannin sonja kpɛnngbɛn'm be su kpɛn Ezekias sin Zerizalɛm lɔ. Kɛ ɔ ´kɔ'n, ɔ nin sonja kpanngban kpa yɛ be ɔli-ɔ. I blɛ sɔ nun'n, wuun i bɔbɔ famiɛn'n wo Lakis. Sonja kpɛnngbɛn'm be su kpɛn sɔ'n, ɔ ɔli nan ɔ'a ko jran nglo lɔ fɛtɛ'n i mmuɛ bɔ be yili'n i wun lɛ. Lika sɔ'n ɔ o ble wlafuɛ'm be lika'n i wun lɛ.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zeremi 22:1

Anannganman'n seli Zeremi kɛ: «Kɔ Zida famiɛn'n i awlo lɔ ko kan ndɛ ng'ɔ o yɛ'n kle i.

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.