Ezai 7:21 - NYANMIƐN NDƐ'N 1998

²¹ Blɛ sɔ nun'n, sran kun ɔ ´ta nannin bla kun nin boli bla nnyɔn, sran kun ɔ ta nannin bla kun nin boli bla nnyɔn.

Ezai 7:21 ပူးပေါင်းရင်းမြစ်များ

Ezai 14:30

Be nga be lɛ-man like'n, bé wa klikli'm be ´nyan like be ´di, yɛ be nga be ti yalɛfuɛ'n, sa tɛ fi su nyan-man be. Sanngɛ amun Filistifuɛ mun, awe'n ɔ ´kun amun osu'n nunfuɛ mun, yɛ amun nun sran nga be ´ka lɛ'n, be ´kun be.

Ezai 17:2

Sran'm b'a tu Arɔɛr klɔ'm be su. Klɔ sɔ'm be o nnɛn'm bé sa nun siɛn'n, b'a kaci be lawlɛ. Sran fi kle-man be yalɛ.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezai 35:1

Man aawlɛ flɛnnɛn'n nin asiɛ'n b'ɔ yo-man like ye'n, be klun jɔ. Man aawlɛ flɛnnɛn'n i wun kpɛjɛ i, man i nun ijre'm be bo nyrɛ.

Ezai 37:30

Ezekias, n ´kan sa nga be wa ju'n n ´kle wɔ. Afuɛ'n, ninnge nga be fifi fie'm be su ngbɛn sa'n, bé su mma'n yɛ amun ´fa yo aliɛ be di-ɔ. Afuɛ ng'ɔ ´ba lɛ'n, amun ´di i sɔ ekun, sanngɛ afuɛ ng'ɔ ´su i su'n, amun ´lua ble, amun ´ta vinyi waka, amun ´di i su mma'n.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Ezai 7:25

Yɛ oka nga be fali tokpo be dili junman be su'n, bé ja su tia-man lɔ kun flɔn nin owie-owie'm be ti. Be ´yaci nannin'm be nun be ´ko didi lɔ, yɛ bua'm be ´kɔ lɔ.

Zeremi 39:10

Sran ng'ɔ yacili be Zida mɛn'n nun lɛ'n yɛlɛ yalɛfuɛ mun, bɔ be lɛ-man like'n. Ɔ cɛcɛli be vinyi fie nin fie uflɛ wie mun.