Ezai 7:2 - NYANMIƐN NDƐ'N 1998

² Be kan kleli Akaz b'ɔ fin David i osu nun'n nin i awlofuɛ mun kɛ Sirifuɛ'm b'a kpɛ be ngblaliɛ Efraim asiɛ'n su. Kɛ famiɛn'n nin i sran'm be tili ndɛ sɔ'n, be usuli kɛ bo nun lɔ waka mun yɛ aunngban'n su keje be sa.

Ezai 7:2 ပူးပေါင်းရင်းမြစ်များ

2 Samiɛl 7:16

Wɔ awlo'n nin ɔ sielɛ'n be ´taka a nin wɔ osufuɛ mun amun sa nun tititi, a ´tran famiɛn bia'n su yɛ ɔ sielɛ'n su kan-man ase le .› »

1 Famiɛn Mun 11:32

sanngɛ David b'ɔ ti min sufuɛ'n, ɔ nin Zerizalɛm klɔ bɔ n kpɛli i Izraɛl akpasua'm be kwlaa be nun'n ti, akpasua kun ´kɛ i sa nun.

1 Famiɛn Mun 12:16

Izraɛlfuɛ'm be wunnin kɛ famiɛn'n ɔ'a tie-man bé nuan ndɛ'n, yɛ be seli kɛ: «E ndɛ nun-man David ndɛ nun! E nin Izai i wa sɔ'n e di-man aja kunngba! Izraɛlfuɛ mun, amun man e sa e sin e wɔ e tannin sua'm be nun! Siɛn'n, David i osu'n nunfuɛ mun, amun famiɛn diwlɛ'n yɛ ɔ o lɛ-ɔ, amun `niɛn i lika!» Yɛ Izraɛlfuɛ'm be jasoli lɛ be ɔli-ɔ.

1 Famiɛn Mun 13:2

Yɛ ɔ kannin ndɛ nga Anannganman fa wlɛli i nuan kɛ ɔ kɛn i sraka yiwlɛ'n i wun kɛ sran sa nin-ɔn. I waan: «Sraka yiwlɛ! Sraka yiwlɛ! Tie ndɛ nga Anannganman kan'n. I waan: ‹Be wa wu ba kun David osu'n nun, be ´flɛ i kɛ Zozias. Ba sɔ'n, sraka yifuɛ nga be yi tɛ ɔ́ su'n, ɔ ´fa be bɔbɔ yi tɛ ɔ́ su. Yɛ be wa yra sran owie ɔ́ su.› »

2 Be Nyoliɛ 25:10

Amazia man sonja nga be fin Efraim'n be sali bé sin be ɔli be mɛn'n nun. Be fali Zidafuɛ'm bé wun ya dan kpa. Yɛ be sali bé sin be ɔli-ɔ. Kɛ be ´kɔ'n, be klun ti-man jɔwa mlɔnmlɔn.

2 Be Nyoliɛ 28:12

Yɛ Efraim kpɛnngbɛn wie'm be jasoli be nga be fin alɛ kunlɛ be su ba'n be wun-ɔn. Kpɛnngbɛn sɔ'm be dunman mun yɛ: Zosanan wa Azaria, nin Mɛsilemɔt wa Berekia, nin Salɔm wa Ezekias, ɔ nin Adlai wa Amaza.

Jue Mun 11:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 11:13

Kɛ ɔ yo sɔ'n, Efraim i kwla silɛ'n ɔ ´wie, yɛ Zida i kpɔfuɛ'm be ´wie nunnun. Efraim i nyin su blo-man Zida wun kun, yɛ Zida i nyin su ci-man Efraim kun.

Ezai 22:22

N ´fa David i awlo'n i lakle'n n ´fa mɛn i. Sɛ ɔ tike anuan'n, sran fi su kwla nyin-man, sɛ ɔ nyin'n, sran fi su kwla tike-man .

Ezai 37:27

Klɔ sɔ'm be nun sran'm be yo like fi-ɔ ɔ yo-man ye. Sran sɔ'm be wawɛ'n wanndi bé wun, nyannzuɛn'n kun be kpo. Be ti kɛ blo lɔ ijre, annzɛ nnya mɔnnɛn flɛkpɛ-flɛkpɛ wie sa. Be ti kɛ fie bɔ i su ninnge'm be nian fifi-man'n sa.

Ezai 37:35

M bɔbɔ min dunman'n ti, ɔ nin min sufuɛ David ti, n ´sasa klɔ nga, yɛ n ´de i nun sran mun.»

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ezai 7:17

Anannganman man sa tɛ kpa wie ɔ wa ba wɔ nin ɔ nvle'n nunfuɛ'm be su, ɔ ´ba ɔ́ si i awlo'n su. Kɛ ɔ fin cɛn bɔ Efraimfuɛ'm be cuɛnnin bé wun Zidafuɛ'm be lika'n, sa sɔ'n i wunsu nian ju-man le.» Asiri famiɛn'n b'ɔ wa ba'n, i ndɛ yɛ Ezai kan-an.

Ezai 7:5

N si kɛ Sirifuɛ mun be nin Efraimfuɛ mun, ɔ nin Rɛmalia i wa'n be bu ɔ́ wun akunndan tɛ. Be se kɛ:

Ezai 8:12

«Blɛ bɔ sran kun nga'm be ´kan sran dandan'm bé wun jasolɛ ndɛ'n, nán amun bua nun. Nán amun sro like nga be sro i'n, nán ɔ ´kun amun srɛ.

Ezai 9:9

«Talɛ'm be bliki'm b'a tɔ, sanngɛ e ´fa yɛbuɛ nga be sɛli'n e ´fa kplan be uflɛ! Janvlɛ'm b'ɔ be ti sikomɔr waka'n, be kpɛkpɛli be, sanngɛ e ´fa janvlɛ bɔ be ti sɛdri waka'n e ´kaci be.»

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Matthieu 2:3

Jasin sɔ'n ti, famiɛn Erɔd nin Zerizalɛmfuɛ'm be kwlaa be klun ɔ'a jɔ-man.