Ezai 7:18 - NYANMIƐN NDƐ'N 1998

¹⁸ Blɛ sɔ nun'n, Anannganman ɔ ´bo feliman flɛ ngɔnsiɛn nga be o kan Nil nzue'n ɔ ko gua jenvie'n nun lɔ'n, ɔ nin awɛma nga be o Asiri mɛn nun'n.

Ezai 7:18 ပူးပေါင်းရင်းမြစ်များ

Jue Mun 105:31

Kɛ Nyanmiɛn ukeli i nuan'n sa'n, kpɛkuun ngɔnsiɛn'm be deli lika'n, kpɛkuun kplekple'm be deli Eziptfuɛ'm be mɛn'n.

Jue Mun 118:12

Be katali mín su kplu kɛ awɛma mun sa. Sanngɛ Anannganman dunman nun ti be guali sa fɛiin kɛ ijre yɛ ɔ'a wie yra sa, n jɔjɔli be nun.

Ezipt Lɔ Tulɛ'n 8:21

Famiɛn'n flɛli Moiz nin Aarɔn nan ɔ'a se be kɛ: «Amun `kɔ yi tɛ'n be man amun Nyanmiɛn'n, sanngɛ amun `yi i Ezipt mɛn'n nun wa.»

Ezipt Lɔ Tulɛ'n 8:24

Ezipt famiɛn'n waan: «M'an ti, n wa yaci amun nun amun ko yi tɛ'n be man amun Nyanmiɛn'n aawlɛ flɛnnɛn'n nun lɔ, sanngɛ nán amun wɔ mmua ngboko. Amun `srɛ Nyanmiɛn kusu be man min.»

Ezai 13:5

Be fin mɛn kun nun mmua kpa, be fin asiɛ'n i tiwa lɔ yɛ be ba-a. Anannganman nin be ng'ɔ fa be yi i ya'n i nglo'n be ´fa nyrɛnnɛn be ´yi mɛn wunmuan'n su.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 7:17

Anannganman man sa tɛ kpa wie ɔ wa ba wɔ nin ɔ nvle'n nunfuɛ'm be su, ɔ ´ba ɔ́ si i awlo'n su. Kɛ ɔ fin cɛn bɔ Efraimfuɛ'm be cuɛnnin bé wun Zidafuɛ'm be lika'n, sa sɔ'n i wunsu nian ju-man le.» Asiri famiɛn'n b'ɔ wa ba'n, i ndɛ yɛ Ezai kan-an.

Zakari 10:8

M ´bo feliman n ´fa flɛflɛ be, afin m'an fua kɛ n ´de be, be wa trɛ kɛ be fa trɛli laa'n sa.

Mmla'n 1:44

nan Amɔrfuɛ nga be tran oka sɔ'm be nun'n be nin amun b'a yia nun Seir lika'n nun lɔ. Be suli amun su kɛ awɛma'm be su fuan sran sa lele be kpɛnnin Ɔrma.

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.

Mmla'n 7:20

Amun kpɔfuɛ nga be ka lɛ bɔ be fia amun nyrun'n, ɔ ´fa abɔn dandan mun ´kle be nyrɛnnɛn lele be ´wie wu.

Zozie 24:12

N sunmannin abɔn dandan mun amun nyrun, be fuannin be kɛ be fa fuannin Amɔr famiɛn nnyɔn mun'n sa. Nán amun tokofi annzɛ amun cua mun yɛ be man amun kwlali-ɔ .