Ezai 7:13 - NYANMIƐN NDƐ'N 1998

¹³ Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ezai 7:13 ပူးပေါင်းရင်းမြစ်များ

Bo Bolɛ 30:15

Lea tɛli i su kɛ: «Ɔ li sa! ?Kɛ a fali mín wun'n ɔ ju-man wɔ, kpɛkuun a ´ba mín wa'n i mandragɔr'n i falɛ ekun?» Yɛ Rasɛl waan: «Yoo, man ɔ la ɔ sin ndɛ nan n fa ɔ́ wa'n i mandragɔr'n.»

2 Be Nyoliɛ 21:7

Sanngɛ Anannganman ɔ'a kan-man David osu'n i nunnunlɛ ndɛ i aenguɛ b'ɔ nin i be trali'n ti. Afin ɔ kan kleli i kɛ i osu'n nun sran su tu-man bia'n su le.

Jue Mun 45:5

Cuɛn ɔ ta'n nun, a wa yo kwlafuɛ. Fu ɔ kakaklolo'n nun nan ko kun sa kpa'n i ti alɛ. Ko kun be bɔ be ti yalɛfuɛ bɔ be bu be lufle'n bé ti alɛ. Yo man sran'm be yo sa mun be nuan su. Yo sa dandan mun man be wun i.

Ezai 1:14

Amun anglo le kun cɛn mun nin amun cɛn uflɛ nga amun di be'n, be yo min tɛ, be ti kɛ trɔ sa, be ti min, n kwla-man bé bo suan kun .

Ezai 1:24

I sɔ'n ti, Izraɛlfuɛ mun, amun nun-man min sin, amun ti min kpɔfuɛ, n wa kle amun nun, n ´tu n klunngbɔ amun su, amun yako! Min bɔbɔ min Anannganman bɔ n sie mɛn wunmuan'n, bɔ n ti Izraɛl Nyanmiɛn'n bɔ be su min-ɔn ɔ su-man'n, min yɛ n kan sɔ-ɔ.

Ezai 22:22

N ´fa David i awlo'n i lakle'n n ´fa mɛn i. Sɛ ɔ tike anuan'n, sran fi su kwla nyin-man, sɛ ɔ nyin'n, sran fi su kwla tike-man .

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 43:24

Nán kɛ amun fali amun sika toli like fanninfannin mannin min-ɔn. Nán kɛ amun fali amun tɛ'm be nnɛn'm be lui'n mannin min n dili-ɔ. Sanngɛ amún sa tɛ bɔ amun yoli'n be ti, m miannin sa fii, amun fɔnlɛ bɔ amun fɔnnin'n, ɔ kleli min yalɛ kpa.

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Ezai 7:12

Sanngɛ Akaz tɛli su kɛ: «N su usa-man like fi, n su sa-man Anannganman n nian-man.»

Ezai 7:2

Be kan kleli Akaz b'ɔ fin David i osu nun'n nin i awlofuɛ mun kɛ Sirifuɛ'm b'a kpɛ be ngblaliɛ Efraim asiɛ'n su. Kɛ famiɛn'n nin i sran'm be tili ndɛ sɔ'n, be usuli kɛ bo nun lɔ waka mun yɛ aunngban'n su keje be sa.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Ezekiɛl 16:47

Kɛ a nantili be atin liɛ'n su'n, bɔ a yoli tete sa nga be yo be'n be wie'n, ng'ɔ ɔ lɛ'n ɔ ti kaan ngboko ɔ nyrun. I ti ɔ nzuɛn liɛ'n, ɔ'a yo tɛtɛ kpa ɔ'a tra be nantilɛ liɛ'n sa'n kwlaa nun .»

Ezekiɛl 34:18

?Kɛ bɔ amun di like lika kpa nun'n, i sɔ'n ti kaan ngboko amun nyrun ti yɛ like ng'ɔ ka lɛ'n, amun tiatia su be saci i-ɔ? ?Nzue klanman nga amun nɔn'n ɔ ti kaan ti yɛ ng'ɔ ka'n amun kputu i nin amún ja nin-ɔn?

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Amɔs 3:13

Anannganman Nyanmiɛn'n, Nyanmiɛn b'ɔ sie mɛn wunmuan'n wan yoo: «An `sie amún su nan an `fa ndɛ yɛ'n be `ju Zakɔb osufuɛ'm be nyrun.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Kalɛ 16:13

A fa e jasoli mɛn kun bɔ i asiɛ'n ɔ yo like ye kpa, bɔ i kunngba'n ɔ ti nnɛn tawlɛ klanman'n i nun. A fali e bali kɛ e wa wu aawlɛ flɛnnɛn nga nun wa. Ɔ nyin a yi-mɛn i sɔ liɛ bɔ a yoli'n, kpɛkuun ɔ waan a ´tran é su kpɛnngbɛn a ´uka su ekun.

Kalɛ 16:9

?Kɛ amun yɛ Anannganman Nyanmiɛn kpali amun Izraɛlfuɛ'm be nun kɛ amun `mɛntɛn i nan amun `niɛn i sɔwlɛ sua'n i lika'n, nan amun `jran i bɔbɔ Nyanmiɛn i nyrun sran'm be kwlaa bé nuan'n, ɔ ju-man amun?

JÉSUS-CHRIST I DYASIN FE'N BO LUC KLELI'N 1:69

Yɛ ɔ'a fɛ i sran David awlofuɛ kun b'ɔ kwla de ye'n ɔ'a man ye.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Hébreu 3:10

I sɔ'n ti yɛ n fali ya sran sɔ'm bé wun nin-ɔn. N seli kɛ: ‹Be ti sran bɔ be akunndan'n tran-man lika kun, yɛ be si-man min nzuɛn'n mlɔnmlɔn.›