Ezai 7:1 - NYANMIƐN NDƐ'N 1998

¹ Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Ezai 7:1 ပူးပေါင်းရင်းမြစ်များ

2 Famiɛn Mun 15:25

Rɛmalia i wa Pekak b'ɔ ti i alɛ kunfuɛ'm be kpɛnngbɛn'm be nun kun'n, ɔ nin Galaadfuɛ wie mun be cicili i wun ndɛ, nan ɔ nin be nun ablenun b'a kun i Samari famiɛn sua'n nun. Yɛ ɔ sinnin i osu-ɔ. Ɔ kunnin Argɔb nin Arie be wie.

2 Famiɛn Mun 15:27

Kɛ Azaria yoli Zida famiɛn'n, i afuɛ ablenun-nin-nnyɔn'n su yɛ Rɛmalia i wa Pekak yoli Izraɛl famiɛn Samari lɔ-ɔ. Ɔ dili afuɛ ablaɔn.

2 Famiɛn Mun 15:37

I blɛ sɔ'n nun yɛ Anannganman suli Siri famiɛn'n bɔ be flɛ i Rɛzɛn'n, ɔ nin Pekak b'ɔ ti Izraɛl famiɛn'n be bo kɛ be nin Zida mɛn'n be ko kun nin-ɔn.

2 Famiɛn Mun 16:1

Kɛ Rɛmalia i wa Pekak yoli famiɛn'n, i afuɛ blu-nin-nso'n su yɛ Zɔtam i wa Akaz yoli Zida famiɛn-ɔn.

2 Famiɛn Mun 16:5

Rɛzɛn b'ɔ ti Siri famiɛn'n, ɔ nin Rɛmalia i wa Pekak b'ɔ ti Izraɛl famiɛn'n be bali kɛ be nin Zerizalɛmfuɛ'm be ´kun. Be takali be nanmue'n Akaz i klɔ'n i sin, sanngɛ b'a kwlɛ-mɛn i.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 8:6

«Kɛ bɔ nvle nga nunfuɛ'm be yoli Silɔe nzue'n b'ɔ sonji blɛblɛblɛ'n i finfin'n, kɛ bɔ Rɛzɛn nin Rɛmalia i wa'n be ti yɛ be klun jɔ'n,

Ezai 9:11

Sirifuɛ'm be ´jranjran wia afiliɛ lɔ, Filistifuɛ'm be ´jranjran be liɛ wia atɔliɛ lɔ, be ´wie be di weiin, sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin be ´nyɛn i tititi.

Ezekiɛl 27:16

Edɔmfuɛ'm be to ɔ́ sa nun trɔ kpanngban, yɛ be fa emɛrɔd, nin tannin ɔkwlɛ kankankan, nin tannin bɔ be di i nuan aba'n, nin lɛn tannin kplɔkɔɔ, nin kɔrail, ɔ nin ribi, be fa be ba atɛ ɔ gua'm be bo.

Ndɛ Nga Nyanmiɛn I Nuan Ijɔfuɛ Oze Kannin'n 1:1

Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ: