Ezai 66:5 - NYANMIƐN NDƐ'N 1998

⁵ Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Ezai 66:5 ပူးပေါင်းရင်းမြစ်များ

1 Famiɛn Mun 21:29

«Nian kɛ Akab ɔ'a kɛn i wun ase mín bo-ɔ. Kɛ b'ɔ kɛnnin i wun ase mín bo'n ti'n, n su fa-man nyrɛnnɛn n yi-mɛn i awlo'n su i nyin su. I wa'n i blɛ su yɛ nyrɛnnɛn sɔ'n wa tɔ i awlo'n su-ɔ.»

2 Famiɛn Mun 22:10

Safan seli famiɛn'n ekun kɛ: «Ilkiza b'ɔ ti Nyanmiɛn nyrun jranfuɛ'n mannin min fluwa kun.» Yɛ ɔ kanngannin fluwa sɔ'n kleli famiɛn nin-ɔn.

2 Be Nyoliɛ 34:27

Kɛ a tili klɔ nga nin i nun sran'm bé wun ndɛ bɔ n kannin'n, ɔ wluli ɔ́ wun. Ɔ man a kannin ɔ wun ase min bo, a titili ɔ́ wun tralɛ'm be nun, yɛ a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

Ɛsdras 9:4

Be kwlaa nga Anannganman i ndɛ'n i wun srɛ o be klun'n, sa tɛ nga Izraɛlfuɛ nga be fin kanga'n nun bali'n be yoli'n ti, be wa yiali min wun lɛ. N trannin sɔ lele nnɔsua tɛ yilɛ dɔ'n juli.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 38:20

Min kpɔfuɛ'm be ti juejuejue, be lɛ wunmiɛn. Be nga be kpɔ min ngbɛn'n, be sɔnnin.

Nyanndra Mun 13:13

Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Ngɔjue Fɛfɛ Kpa'n 1:6

Nán amun nian min wunnɛn b'ɔ dun'n, wia'n yɛ ɔ dunnin i sɔ-ɔ. Min niaan bian'm be fali ya min wun, be man n niannin be vinyi fie'm be su. M'an kwla nian-man min vinyi fie liɛ'n su .

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Zeremi 36:16

Kɛ be tili fluwa sɔ'n nun ndɛ mun'n, srɛ kunnin be. Kɛ be nian-nian be wiengu sa, nan b'a se Barik kɛ: «E ´kan ndɛ nga a kan kwlaa e kle famiɛn'n.»

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

JÉSUS-CHRIST I DYASIN FE'N BO LUC KLELI'N 13:17

Kɛ ɔ kannin sɔ'n, i kpɔfuɛ'm be kwlaa bé nyin guali ase, yɛ abonuan sa b'ɔ yoli be'n be kwlaa ti sran'm be kwlaa be klun jɔli.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

2 Tɛsalonikfuɛ Mun 1:12

Yɛ amun ti, man e Min Jésus dunman'n fu, yɛ i ti amun liɛ'n kusu fu wie, ye bɔ e Nyanmiɛn'n nin e Min Jésus-Krist be yoli ye'n ti.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Jean 3:13

Aniaan mun, sɛ mɛn'n nunfuɛ'm be kpɔ amun'n, nán man ɔ bo amún nuan.