Ezai 66:4 - NYANMIƐN NDƐ'N 1998

⁴ n kusu'n, be like tɛtɛ nga be yo'n i su sa yɛ n ´fa yo be-ɔ. Sa kekle'm bɔ be sro be'n, n ´fɛ i kwlakwla n ´yi bé su. Afin kɛ n flɛli be'n, be nun kun sa ɔ'a tɛ-man min su, n kannin ndɛ n kleli be, sanngɛ b'a tie-man. Sa ng'ɔ ti min nyrun sa tɛ'n, yɛ be yoli-ɔ. Like nga n klo-mɛn i'n, yɛ be yoli-ɔ.»

Ezai 66:4 ပူးပေါင်းရင်းမြစ်များ

2 Famiɛn Mun 21:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

2 Famiɛn Mun 21:6

Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Nyanndra Mun 1:24

Sanngɛ n kpan flɛ amun, an ba-man. N fa mín sa'n n flɛ amun amu'an tɛ-man su. Amun waan nán amun yɛ an ko sɔ n sa sɔ nun-ɔn.

Nyanndra Mun 10:24

Like nga bɔ klunwifuɛ'n sro i'n i cɛ yɛ ɔ tɔ i su-ɔ. Yɛ like nga kusu bɔ sran kpa'm be kunndɛ'n, Nyanmiɛn man bé sa fua su.

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Ezai 59:15

Nanwlɛ nun-man lɛ kun, sran nga i waan ɔ yo-man sa tɛ'n, be fɛn i bo ninnge mun. Anannganman wunnin sa ng'ɔ juli'n kwlakwla. Kɛ sran'm be bu-man nanwlɛ'n i like fi kun'n, i sɔ'n ɔ'a yo-mɛn i fɛ.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Ezai 65:3

Sran sɔ'm be klɔklɔ min cɛn kwlaa, be fa fia-man. Be yi sraka be fie'm be su, yɛ be yra ansans sraka yiwlɛ bɔ be fa bliki be yoli'n be su, be yra ansans sɔ'n be fa man amuɛn mun.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Zeremi 7:30

Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Ezekiɛl 11:8

An sro alɛ'n. N kusu n wa fa alɛ n ´yi amun su.› Anannganman Nyanmiɛn'n yɛ ɔ kan sɔ-ɔ.

Ezekiɛl 14:4

Ɔ man se be kɛ yoo: ‹Anannganman Nyanmiɛn wan yoo: Sran kwlaa ng'ɔ ti Izraɛlfuɛ'n b'ɔ fɛ i wun wla amuɛn sɔlɛ nun'n, bɔ i nyin o like b'ɔ fɛ i yili sa tɛ nun'n i su'n, sɛ ɔ ba mín nuan ijɔfuɛ'n i nyrun'n, m bɔbɔ min Anannganman yɛ n ´tɛ i su-ɔ. Kɛ ɔ ´ba sɔ'n, kɛ amuɛn ng'ɔ sɔ be'n be kpanngban fa ti ju'n, i su yɛ n ´nian yɛ n ´fa tɛ i su-ɔ.

Ezekiɛl 20:25

M bɔbɔ n kunngba min yɛ m mannin be mmla wie bɔ b'a yo-man be kpa nin-ɔn, mmla sɔ'm be ti b'a nyan-man nguan .

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

1 Samiɛl 8:19

Izraɛlfuɛ'm b'a tie-man Samiɛl nuan ndɛ'n. Be waan: «E ndɛ nun-man nun! Man e famiɛn man ɔ sie ye