Ezai 66:3 - NYANMIƐN NDƐ'N 1998

³ Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Ezai 66:3 ပူးပေါင်းရင်းမြစ်များ

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Ezai 44:19

Be wie fi lɛ-man akunndan, be wie fi si-man sa, be wie fi lɛ-man ngwlɛlɛ b'ɔ ´se kɛ: «N fali waka'n i wie n trɔli sin, yɛ n tɔnnin kpaun sin sɔ'n i sɛnmlɛn'n su, n nyintɔnnin nnɛn su n dili. Kpɛkuun m'an fɛ i onga'n m'an yo tete like! M'an koto waka losin'n i bo!»

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Ezai 66:17

Be nga be sie bé wun ngunmin'n, bɔ be yo bé wun saun be kɔ fie'm be nun be ko lɔngɔ sran kun sin'n, be nga be di kɔkɔti nnɛn'n, be nga be di gbekle nnɛn'n nin tete ninnge mun, sran sɔ'm be kwlakwla be ´wu likawlɛ. Anannganman yɛ ɔ kan sɔ-ɔ.

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Saun Yolɛ 2:2

nan ɔ `fa ko to min nyrun jranfuɛ Aarɔn i mma mun. Ble sanmlɛn mlɛnnɛnnɛn kpa nga b'a fa ngo b'a sɛnngɛn i'n, man be fla bé sa buɛ kun, man be fa ansans, nan min nyrun jranfuɛ'n kun `yrɛ i min sɔwlɛ'n su. Ɔ ti sraka'n i nzɔliɛ kan. Be flɛ i kɛ Be Wla Kpɛnlɛ Like. Be `yrɛ i kɔlikɔli, ɔ bɔn min bue nun fannin.

Ndɛ Nga Nyanmiɛn I Nuan Ijɔfuɛ Aze Kannin'n 2:14

Yɛ Aze waan: «Yoo! Anannganman'n waan kɛ nvle nga ti sɔ-ɔ. Nvle nga nun sran mun nin be junman nga be di'n, kɛ be ti sɔ-ɔ, be tɛ nga be yi be man min'n ti fiɛn.»

Mmla'n 14:8

Nán amun di kɔkɔti'n kusu, i ja bui'n nun ti kpaciwa, sanngɛ ɔ kpu-man like di-man. I kusu ɔ ti fiɛn. Nnɛn fiɛn sɔ mun, nán amun di be, nán amun kan bé fuɛn'n.

Mmla'n 23:18

Nán Izraɛl yasua fi bo tekle. Bla'm be kusu nán man be bo tekle.

Jɔlɛ Difuɛ Mun 10:14

Amun `wɔ be ko kpan flɛ amuɛn nga amun ɔli bé sin'n, man be de amun blɛ kekle nga nun.»

Jɔlɛ Difuɛ Mun 21:25

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.

Jɔlɛ Difuɛ Mun 5:8

Laa, kɛ Izraɛlfuɛ'm be ko sɔ amuɛn mun cɛ'n, kpɛkuun alɛ a tɔ. Sran akpi-akpi ablanan (40.000) be nyan-man be wue sasalɛ like, ɔ nin cua ba kun sa Izraɛl mɛn'n nun.