Ezai 66:23 - NYANMIƐN NDƐ'N 1998

²³ «Kɛ ɔ yo sɔ'n, anglo le kun kwlakwla nin le mɔcuɛ'n nun wunmiɛn-delɛ-cɛn'n kwlaa nun'n, sran'm be kwlaa be ´ba, be wa koto mín bo.» Anannganman yɛ ɔ se sɔ-ɔ.

Ezai 66:23 ပူးပေါင်းရင်းမြစ်များ

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

Jue Mun 22:28

Be kwlaa nga be tran asiɛ wunmuan'n su, kannzɛ be o mmua o, man be bu Anannganman i akunndan, yɛ be blɛ i sin. Awlobo-awlobo nga be o nvle-nvle'm be nun'n, man be nunfuɛ'm be kwlaa be koto i bo!

Jue Mun 65:2

Ee Nyanmiɛn, wɔ bɔ a o Siɔn klɔ'n nun lɔ'n, a nin manmanlɛ fata. Sɛ be ta ɔ nda'n, ɔ nin i fata kɛ be yo i nuan like.

Jue Mun 65:3

Sɛ be srɛ wɔ-ɔ, a ti. Sran'm be kwlaa be ´ba ɔ sin.

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Ezai 19:21

I blɛ sɔ nun'n, Anannganman ´yi i wun ´kle Eziptfuɛ mun. Be ´si i, be ´yi tɛ be mɛn i, yɛ be ´yi sraka be mɛn i. Be ´ta nda kɛ be ´yo like be mɛn i, yɛ be ´nian su be ´yo.

Ezai 19:23

I blɛ sɔ nun'n, atin kun ´fɛ i Ezipt ɔ ´kpɛn Asiri. Asirifuɛ'm be ´kɔ Ezipt, yɛ Eziptfuɛ'm be ´kɔ Asiri. Yɛ be kwlaa be su Anannganman likawlɛ.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezekiɛl 20:40

Afin Izraɛlfuɛ mun, amun kwlaa be wa ko su min oka dan ng'ɔ o Izraɛl lɔ'n b'ɔ ti n liɛ klonglo'n i su lɔ. Min Anannganman Nyanmiɛn yɛ n kan sɔ-ɔ. Lɛ liɛ'n, n ´sɔ amun nun kpa, yɛ like kwlaa nga amun ´fa wla min sa nun'n, nga amun ´fa man min'n, ɔ nin amun ninnge kpakpa nga amun wa fa blɛ min'n, n ´se amun kɛ amun fa blɛ min.

Ezekiɛl 45:17

Afin i yɛ ɔ wa yi tɛ nga be yrɛ i nnɛn'n kɔlikɔli nin-ɔn, i yɛ ɔ fa ble sanmlɛn'n ɔ ´fa man-an, i yɛ ɔ ´yi sraka nin nzan nga be guɛ i ase cɛn'm be dilɛ be nun nin anglo uflɛ'n nun, nin wunmiɛn-delɛ-cɛn'n nun, ɔ nin blɛ uflɛ nga bɔ Izraɛlfuɛ'm be yia'n be nun-ɔn. Ɔ ´yi min kpatalɛ tɛ'n nin tɛ nga be yrɛ i nnɛn'n kɔlikɔli'n, ɔ nin bo kun yolɛ i su tɛ'n kɛ ɔ ´yo nan m'an yaci Izraɛlfuɛ'm be tɛ m'an cɛ be'n ti.»

Ezekiɛl 46:1

Anannganman Nyanmiɛn wan yoo: «Awlo nnyɔn su'n, i anuan'n b'ɔ o wia afiliɛ lɔ'n, man be nyin i cɛn ba nsiɛn nga be di junman'n nun, sanngɛ wunmiɛn-delɛ-cɛn nun nin anglo i cɛn klikli nun'n, be `tike.

Ezekiɛl 46:6

Anglo le kun'm be nun'n, ɔ `man nannin tola kun nin bua nga b'a kpɛ cro'n sɔ nsiɛn nin bua nene kun. Be kwlaa sɔ'n, nán man lɛ tran bé wun.

Zakari 14:14

Zidafuɛ'm be ´kun Zerizalɛm ti alɛ. Be ´de nvle nga be mantan be lɛ'n bé bo ninnge mun bé sa nun. Jɛtɛ ufue nin sika ɔkwlɛ'n, ɔ nin tralɛ'n, be wa flafla be kaka kpa.

Zakari 14:16

I sɔ blɛ nun'n nvle-nvle'm be nunfuɛ nga be nin Zerizalɛmfuɛ be bali alɛ kunlɛ'n, bɔ alɛ'n ɔ'a di-man be'n, be ´ba Zerizalɛm afuɛ'n kwlakwla be wa koto Anannganman b'ɔ sie mɛn wunmuan'n i bo. Be ´di kpata bo tranlɛ cɛn'n .

Zakari 14:18

Sɛ Eziptfuɛ'm be waan be kɔ-man Zerizalɛm wie'n, nzue'n su tɔ-man be mɛn'n nun. Sa nga Anannganman'n ´fa yi i nvle nga be nunfuɛ'm b'a ɔ-man b'a ko di-man kpata bo tranlɛ cɛn'n yɛ ɔ o lɛ-ɔ.

Zakari 14:19

Ezipt nin nvle nga be nunfuɛ'm b'a ɔ-man b'a ko di-man cɛn sɔ'n, sa ng'ɔ ´tɔ be su'n yɛ ɔ o lɛ-ɔ.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Jean 4:23

Sanngɛ cɛn wie lele — cɛn sɔ'n ɔ'a ju bɔbɔ — be bɔ be koto e Si'n bo be mɛnmɛn i sakpa'n, be ´koto i bo be ´mɛnmɛn i be akunndan'n nun nanwlɛ nun, afin be nga be manman e Si'n sɔ'n, be sɔfuɛ mun yɛ ɔ kunndɛ be-ɔ.

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»