Ezai 66:22 - NYANMIƐN NDƐ'N 1998

²² «Nyanmiɛn ng'ɔ la nglo lɔ plaii'n, i uflɛ nga n ´yi'n, ɔ nin asiɛ uflɛ'n, be ´ka min nyrun lɛ tititi. I kunngba nin-ɔn, amun osu nunfuɛ mun nin amun dunman'n, be kusu be ´ka lɛ sɔ tititi .» Anannganman yɛ ɔ se sɔ-ɔ.

Ezai 66:22 ပူးပေါင်းရင်းမြစ်များ

Ezai 48:19

Sɛ amun yoli sɔ'n, wuun amun osu'n nunfuɛ'm be ´sɔn kɛ aunnyan sa, wuun amun mma'm be ´sɔn kɛ jenvie nuan aunnyan'n sa, yɛ be dunman'n su nunnun-man ń sa nun le .»

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezai 61:9

Sran'm be ´si amun osu nunfuɛ mun nvle-nvle'm be kwlaa be nun. Yɛ be ´si amun anunman mun mɛnmɛn'm be nun. Sran nga be ´wun amun'n, be ´si kɛ amun ti osu kun bɔ Anannganman i sa kpa'n wo amún su.

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Ezai 65:22

Be su kplan-man sua be yaci man-man sran wie kɛ ɔ tran nun. Be su ta-man waka be yaci man-man sran uflɛ kɛ ɔ di i su mma. Afin min nvle'n nunfuɛ'm be ´cɛ cɛcɛcɛcɛ. Yɛ min sran kpa'm be ´di be bɔbɔ bé sa nuan ninnge'm be su.

Ezai 65:23

Be su fɛ-man ngbɛn, be su wu-man ba nan ba sɔ'm b'a wu be nyin bo lɛ. Afin be ´flɛ be nin be osu'n nunfuɛ'm be kɛ be bɔ Anannganman yo be ye'n.

Zeremi 33:20

«Sɛ a ´wun kɛ e nin David b'ɔ ti min sufuɛ'n ye aenguɛ'n ´saci b'ɔ man ɔ su nyan-man ba yasua b'ɔ ´trɛn i famiɛn bia'n su'n, sɛ a ´wun kɛ e nin Levifuɛ nga be ti min nyrun jranfuɛ'n ye aenguɛ'n ´saci b'ɔ man be su su-man min kun'n, wuun mmla nga n kpɛli b'ɔ man sɛ be wun wia'n wia nun kun-ɔn, san be ´wun kɔnguɛ'n, bɔ man like nnyɔn sɔ'n be su be wiengu su titi'n, sɛ kusu ɔ ju be blɛ-ɔ be ba'n, wuun amu'an kwla kpɛ mmla sɔ'n i wun.

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

2 Piɛr 3:13

Nyanmiɛn seli kɛ ɔ ´man e nyanmiɛn su lɔ nin asiɛ uflɛ, lɔ yɛ be nga be yo sa kpa'n be ´tran-an. I yɛ e su minndɛ i-ɔ .

Sa nglô yile 21:1

Yɛ n wunnin nyanmiɛn su lɔ uflɛ nin asiɛ uflɛ kun, afin nyanmiɛn su lɔ laa liɛ'n, nin asiɛ laa liɛ'n, nin jenvie'n be nun-man lɛ kun .