Ezai 66:2 - NYANMIƐN NDƐ'N 1998

² Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Ezai 66:2 ပူးပေါင်းရင်းမြစ်များ

1 Famiɛn Mun 21:29

«Nian kɛ Akab ɔ'a kɛn i wun ase mín bo-ɔ. Kɛ b'ɔ kɛnnin i wun ase mín bo'n ti'n, n su fa-man nyrɛnnɛn n yi-mɛn i awlo'n su i nyin su. I wa'n i blɛ su yɛ nyrɛnnɛn sɔ'n wa tɔ i awlo'n su-ɔ.»

2 Famiɛn Mun 22:10

Safan seli famiɛn'n ekun kɛ: «Ilkiza b'ɔ ti Nyanmiɛn nyrun jranfuɛ'n mannin min fluwa kun.» Yɛ ɔ kanngannin fluwa sɔ'n kleli famiɛn nin-ɔn.

2 Famiɛn Mun 22:11

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

Ɛsdras 10:3

Man e ta Nyanmiɛn i nda kɛ e ´fuan nvle nun bla sɔ mun ɔ nin ba nga e nin be e wuli be'n. Min min, afɔtuɛ nga a nin be nga bé wun blibli be'n Nyanmiɛn i mmla i su falɛ nun amun kan'n, e fa su. Man e yo kɛ i mmla'n kle i sa.

Ɛsdras 9:4

Be kwlaa nga Anannganman i ndɛ'n i wun srɛ o be klun'n, sa tɛ nga Izraɛlfuɛ nga be fin kanga'n nun bali'n be yoli'n ti, be wa yiali min wun lɛ. N trannin sɔ lele nnɔsua tɛ yilɛ dɔ'n juli.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 119:161

Famiɛn i awlo lɔ sran dandan wie'm be kle min yalɛ ngbɛn, nán kɛ n yoli sa ti-ɔ, sanngɛ ɔ ndɛ'n kunngba cɛ yɛ n sro i-ɔ.

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Jue Mun 34:18

Kɛ Anannganman i sufuɛ nanwlɛfuɛ'm be flɛ i'n, ɔ sie i su tie. Yɛ ɔ man nyrɛnnɛn ng'ɔ o be su'n i kwlaa wie.

Jue Mun 51:17

Min Min, uke mín nuan'n man m manman wɔ.

Jue Mun 51:19

Sraka nga Nyanmiɛn kunndɛ'n yɛlɛ bé wun ase kanlɛ b'ɔ man be di sa nga be yoli'n i nanwlɛ'n. Ee Nyanmiɛn, sran ng'ɔ yo sɔ'n, i wun yo wɔ fɛ.

Nyanndra Mun 28:14

Sran ng'ɔ sro sa tɛ'n i yolɛ mlɔnmlɔn'n, i liɛ su ti ye! Sran nga kusu bɔ be se i sa-a ɔ fɛ-mɛn i ti de-man'n, san nyrɛnnɛn'n yɛ ɔ ´tɔ i su-ɔ.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 41:20

Kɛ ɔ yo sɔ'n, sran'm be kwlaa be ´wun i. Sran'm be kwlaa be ´si sɔ. Be kwlaa be ´wun i sɔ, yɛ be ´wun i wlɛ kɛ Anannganman yɛ ɔ yoli sa sɔ mun-ɔn nan i b'ɔ ti Izraɛl Nyanmiɛn'n yɛ ɔ yili be-ɔ.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Matthieu 12:6

Sanngɛ n ´kan kle amun kɛ, like ng'ɔ ti dan tra Nyanmiɛn i sua'n yɛ n wa kle amun yɛ.

Sa nga bé yôli'n 7:50

?I kwlaa sɔ'n ti-man ń sa nuan ?›

Sa nga bé yôli'n 9:6

Sanngɛ jao wlu klɔ'n nun lɔ, be wa kle wɔ like nga a wa yo'n.»

Filipfuɛ Mun 2:12

I sɔ'n ti, min sran kpa mun, kɛ n wo amun wun lɔ bɔ amún nyin fa yi min titi'n, siɛn'n, kannzɛ n nun-man lɔ'n, man amún nyin yi min kpa tra laa'n. Kɛ ɔ ko yo nan amu'an nyan amún ti mlɔnmlɔn'n, an `mian amún nyin di junman kpa,

Kolɔsfuɛ Mun 1:17

Kɛ be ´yi ninnge'n kwlaa'n, wuun ɔ o lɛ, i ti yɛ man be kwlaa be o lɛ-ɔ .