Ezai 66:18 - NYANMIƐN NDƐ'N 1998

¹⁸ Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Ezai 66:18 ပူးပေါင်းရင်းမြစ်များ

Zɔb I Nyrɛnnɛn Wunlɛ 42:2

«M'an wun kɛ a kwla like kwlaa yo. Like fi nun-man lɛ bɔ i yolɛ ti kekle ɔ́ sa nun-ɔn.

Jue Mun 139:2

Sɛ n ´tran ase o, sɛ n ´jaso o, a si. A si akunndan nga n wa bu'n .

Jue Mun 67:2

Ee Nyanmiɛn, si ye aunnvuɛ, yo é wun sa ye. Nian e nyrun

Jue Mun 72:11

Famiɛn'm be kwlaa be ´koto i bo, mɛnmɛn nunfuɛ'm be kwlakwla be ´su i.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Jue Mun 82:8

Ee Nyanmiɛn, di mɛn'n i nunfuɛ'm be jɔlɛ, afin nvle'm be kwlakwla be nunfuɛ'm be ti ɔ liɛ.

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Jue Mun 94:11

Anannganman si klɔ sran'm be klun akunndan mun, ɔ si kɛ akunndan sɔ'n be ti ngbɛn-ngbɛn ngunmin .

Jue Mun 97:6

Sɛ nyanmiɛn'n b'ɔ la nglo lɔ plaii'n ti sran'n, wuun n ´se kɛ ɔ kɛn i sa b'ɔ yo i nuan su'n i ndɛ. I nyrun nyannyannyan'n yo nvlefuɛ'm be kwlaa be nyɛnmɛn.

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 37:28

N liɛ'n, n wun kwlaa nga a yo'n, sɛ a ´tran ase o, n wun wɔ, sɛ a ´fite gua su lɔ o, n wun wɔ, sɛ a ´ba awlo o, n wun wɔ, sɛ a ´fa ya mín wun o, n wun wɔ.

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 55:8

Anannganman wan yoo: «Min klun akunndan'n nin amun liɛ'n ti-man kun. Atin nga amun fa su'n nin min liɛ'n ti-man kun.

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Ezai 57:12

N wa kan amún sa kpa bɔ amun yo i ngboko'n, nin amun junman klanman bɔ amun di i ngboko'n. Sɛ n kan be'n, be su yo-man amún wun sa ye.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Ezai 66:10

Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

Zeremi 16:17

Afin ajalɛ nga be ´tu'n, mín nyin o su. Wie fi ti-man fiawa min nyrun. Mín nyin ta bé sa tɛ mun weiin.

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Ezekiɛl 38:10

Anannganman Nyanmiɛn wan yoo: I cɛn sɔ nun'n, akunndan wie'm be wa ba ɔ́ ti nun. Like nga a ´bu i akunndan kɛ a ´yo'n, ɔ su yo-man like kpa kpa.

Ezekiɛl 39:21

«N ´yi min nyrun bɔ n lɛ i'n i nglo nvle-nvlefuɛ'm be nyrun. Yɛ nvle-nvlefuɛ'm be ´wun kɛ n fa di jɔlɛ'n. Be ´wun min kwlalɛ bɔ n kwla'n `bɔ n fa sie be'n.

Zoɛl 3:2

Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Zakari 14:16

I sɔ blɛ nun'n nvle-nvle'm be nunfuɛ nga be nin Zerizalɛmfuɛ be bali alɛ kunlɛ'n, bɔ alɛ'n ɔ'a di-man be'n, be ´ba Zerizalɛm afuɛ'n kwlakwla be wa koto Anannganman b'ɔ sie mɛn wunmuan'n i bo. Be ´di kpata bo tranlɛ cɛn'n .

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 12:25

Kɛ Jésus wunnin be akunndan'n, ɔ seli be kɛ: «Sɛ famiɛn kun i sran b'ɔ sie be'n be bu be wun nun'n, i mɛn ɔ ´saci, yɛ klɔ kwlaa annzɛ awlo kwlaa bɔ be nunfuɛ'm bu nun'n be su kwla cɛ-man.

Matthieu 9:4

Jésus wunnin be akunndan'n, nan ɔ'a se kɛ: «?Nguɛ ti yɛ amun akunndan'n ti tɛ sɔ-ɔ?

JÉSUS-CHRIST I DYASIN FE'N BO LUC KLELI'N 5:22

Jésus wunnin be akunndan'n, yɛ ɔ sɔ su seli be kɛ: «?Nguɛ ti yɛ an bu akunndan kɛ nga sa-a?

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 5:42

N si amun, n si kɛ an klo-man Nyanmiɛn.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

1 Korɛntfuɛ Mun 3:20

Yɛ be klɛli i ekun kɛ: «E Min'n si ngwlɛlɛfuɛ'm be akunndan'n. Ɔ si kɛ akunndan sɔ'n ti ngbɛn .»

Mmla'n 31:21

Kɛ be ko yo sɔ bɔ sa yalɛ nin nyrɛnnɛn sa'm be ko tɔ bé su'n, jue nga yɛ ɔ ´yo min nin be e afiɛn lalofuɛ-ɔ. Afin jue sɔ'n ɔ su jaso-man be osu nunfuɛ'm bé nuan nun. Kɛ e ´se yɛ'n bɔbɔ, sa nga bɔ be ju mɛn nga n tali be nda kɛ n ´fa man be'n i nun lɔ-ɔ be ´yo'n, i akunndan ng'ɔ o bé ti nun'n, n si i.»

Hébreu 4:12

Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 2:2

N si amun nyoliɛ'n, nin fɛlɛ nga an fɛli'n, ɔ nin amun anwlɛn bɔ an trɛ i'n. N si kɛ amun nin sran tɛtɛ mun sɔn-man. An sa be nga be tɔn bé wun suɛn kɛ n sunmannin be'n niannin, yɛ an wunnin kɛ be bua ato.

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.