Ezai 66:16 - NYANMIƐN NDƐ'N 1998

¹⁶ Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Ezai 66:16 ပူးပေါင်းရင်းမြစ်များ

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 3:13

Anannganman ɔ'a yi i wun nglo ɔ su wa di jɔlɛ, ɔ'a jaso kɛ ɔ ´di sran'm be jɔlɛ.

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezai 31:8

Yɛ tokofi b'ɔ ti-man klɔ sran liɛ'n, yɛ ɔ ´kun Asirifuɛ mun-ɔn. Tokofi b'ɔ ti-man sran sa nuan'n, yɛ ɔ ´nunnun be-ɔ. Be ´wanndi tokofi'n i nyrun, yɛ be gbanflɛn'm be ´di plɔtrɔ.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Zeremi 25:31

Be ti i ngan asiɛ'n i tiwa'n kwlaa su. Anannganman'n nin nvle-nvlefuɛ'm be su di ndɛ. Ɔ nin sran'm be kwlaa be su di ndɛ. Ɔ fa sran tɛtɛ mun man alɛ'n man ɔ di be.› » Anannganman'n yɛ ɔ kan sɔ-ɔ.

Zeremi 25:33

Sran nga Anannganman'n man be ´wu cɛn sɔ'n nun'n, be ´gua lɛ sa. Kɛ ɔ fɛ i asiɛ'n i bue kun b'ɔ ´fa ju i bue uflɛ su'n, be su yo-man be sɛ. Be su sie-man be. Be ´kplɔ asiɛ'n su.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Zeremi 46:15

Ai! ?Nguɛ sa ti yɛ be trali ɔ safunyrɛn mun be ɔli sɔ bɔ b'a kwla jran-man nin-ɔn? Anannganman'n yɛ ɔ yili ɔ ase-ɔ.

Ezekiɛl 28:18

Ɔ sa tɛ kpanngban'n nga a yoli be'n nin ɔ ndrunmun nga a dili be aata dilɛ nun'n, i ti a sacili ɔ lika mun. N ´yo man sin kun ɔ ´fin wɔ afiɛn fite ɔ ´yra wɔ. N ´yo man a kaci nzuɛn asiɛ'n su wa. A ´kaci sɔ sran nga be nian wɔ'n be kwlaa be nyrun.

Ezekiɛl 38:17

Anannganman Nyanmiɛn'n wan yoo: «Ɔ'a cɛ kpa, wɔ yɛ n seli min nuan ijɔfuɛ bɔ be ti n sufuɛ'n, bɔ be o Izraɛl mɛn'n nun lɔ'n be kɛ be `fa afuɛ kpanngban be kan kɛ n ´sunman sran kun ɔ nin be be wa kun nin-ɔn.

Ezekiɛl 5:15

N ´fa ya dan kpa ɔ man n kle amun Zerizalɛmfuɛ'm amun nun, n ´kputu amun tɛtɛ kpa. Mɛnmɛn nga be sin yia Zerizalɛm'n be ´yo i wannzo, be ´kpɛ amun nzowa. Sanngɛ sa ng'ɔ juli Zerizalɛm klɔ'n su'n, be ´fa tu bé wun fɔ, kpɛkuun srɛ wa kun be kpa .› M bɔbɔ min Anannganman'n yɛ m'an kan kle amun-ɔn.

Zoɛl 3:2

Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Amɔs 7:4

Anannganman Nyanmiɛn'n yili sa uflɛ nglo kleli min. Sɛ n ´kwla se'n, ɔ flɛli sin'n kɛ ɔ wa di i jɔlɛ'n. Sin'n i dan b'ɔ ti'n ti, asiɛ'n bo lɔ nzue'n ɔ o wielɛ. Izraɛl mɛn wunmuan'n kusu o yralɛ.

Naɔm 3:15

Sanngɛ amun ´wu. Sɛ sin ɔ'a di-man amun'n, tokofi yɛ ɔ ´di amun-ɔn. Be ´di amun kɛ aɛcɛ'm be su di nnya sa. Amun sran'm be tian bé nuan kɛ lalo mun sa.

Naɔm 3:3

Nnɛn kpanngɔ su fufuɛ'm be kpɛ alɛ ba, tokofi'm be bo sa mianmianmian. Cua'm be kpa sin, be nga b'a tɔ'n be tru lika'n kwlaa nun, fuɛn'm be tian be wiengu su, be kwla-man be ka, bé ja kpla fuɛn'm be su.

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .