Ezai 66:14 - NYANMIƐN NDƐ'N 1998

¹⁴ N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Ezai 66:14 ပူးပေါင်းရင်းမြစ်များ

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Ɛsdras 8:18

Kɛ Nyanmiɛn'n jin e sin'n ti'n, be ´ba-a, be nin Serebia nin i mma nin i niaan mun yɛ be bali-ɔ. Be kwlaa be ti sran yasua blu-nin-mɔcuɛ. Serebia ti sran ngwlɛlɛfuɛ, ɔ ti Makli osu'n nunfuɛ. Makli i nannan yɛlɛ Levi, yɛ Levi kusu i si yɛlɛ Zakɔb .

Ɛsdras 8:22

Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Jue Mun 107:42

Kɛ sran sɛsɛfuɛ'm be wun i sɔ sa mun'n, be klun jɔ, sanngɛ sran wlɛfuɛ'm be kwla uke-man bé nuan.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 3:8

I liɛ'n, ɔ wunnɛn'n nun ´sanndi wɔ weiin, ɔ́ wun ´jɔ wɔ fɔuun!

Ezai 10:5

Asirifuɛ'm bɔ be ti kɛ min nyantiaan sa'n, be yako! Waka'n b'ɔ o bé sa nun'n, yɛ n ´fa di min ya'n i su junman-an.

Ezai 13:5

Be fin mɛn kun nun mmua kpa, be fin asiɛ'n i tiwa lɔ yɛ be ba-a. Anannganman nin be ng'ɔ fa be yi i ya'n i nglo'n be ´fa nyrɛnnɛn be ´yi mɛn wunmuan'n su.

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 26:20

Min nvle'n nunfuɛ mun, amun `ko wlu amún sua ba'm be nun, amun `nyin amun sin anuan. Amun `fia lele man Anannganman i ya'n ɔ jɔ ka nan amu'an fite.

Ezai 30:27

Amun `nian, Anannganman'n bɔbɔ fin mmua lɔ su ba. Ɔ'a fa ya dan kpa. Ndɛ ng'ɔ fin i nuan fite'n ti ya ndɛ, i nuan nun ndɛ'n ti kɛ sin sa.

Ezai 33:20

Amun `nian Siɔn b'ɔ ti ye anyia klɔ'n. Amun wa wun kɛ Zerizalɛm klɔ'n ti tranwlɛ b'ɔ ti diin. Ɔ ti-man tannin sua nan b'a tu i bo. Be su tutu-mɛn i kpɛngbɛ'm be bo le. Be su nyanji-mɛn i nyanman mun.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 41:20

Kɛ ɔ yo sɔ'n, sran'm be kwlaa be ´wun i. Sran'm be kwlaa be ´si sɔ. Be kwlaa be ´wun i sɔ, yɛ be ´wun i wlɛ kɛ Anannganman yɛ ɔ yoli sa sɔ mun-ɔn nan i b'ɔ ti Izraɛl Nyanmiɛn'n yɛ ɔ yili be-ɔ.

Ezai 42:13

Anannganman ba kɛ safunyrɛn sa, ɔ siesie i wun kɛ alɛ kunfuɛ b'ɔ su ko kun alɛ'n sa. Ɔ bo sro, ɔ kpan, ɔ kwlɛ i kpɔfuɛ mun.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 59:18

Kɛ sran kun i nyoliɛ'n ti ju'n, ɔ ´mɛn i nuan like, ɔ ´fa ya yɛ ɔ nin be nga be nun-mɛn i sin'n be ´yia nun. Like ng'ɔ nin i kpɔfuɛ mun fata'n, ɔ ´fa man be. Be nga be tran jenvie nuan mmua mmua lɔ'n, ɔ man be kusu be like liɛ'n ng'ɔ nin be fata'n.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Zakari 10:7

Efraimfuɛ'm be ´yo kɛ safunyrɛn mun sa, be klun'n ´jɔ kɛ sran bɔ b'a nɔn nzan'n sa. Kɛ be mma'm be wun i sɔ'n, ɔ ´yo be fɛ, min Anannganman n dunman nun ti be klun ´jɔ.

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Jean 16:22

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla.

Hébreu 10:27

Like ng'ɔ ka'n b'ɔ yo e sro'n yɛlɛ fɔ nga Nyanmiɛn wa bu i kpɔfuɛ mun'n, ɔ nin sin sroesroe b'ɔ wa yra be'n .