Ezai 66:13 - NYANMIƐN NDƐ'N 1998

¹³ Sakpa, kɛ bla ta kun fa fɔnvɔ i wa'n, m bɔbɔ kusu, kɛ n wa fɔnvɔ amun sɔ-ɔ. N ´fɔnvɔ amun Zerizalɛm lɔ.

Ezai 66:13 ပူးပေါင်းရင်းမြစ်များ

Jue Mun 137:6

Zerizalɛm, sɛ mín wla jaso ɔ su'n, sɛ like uflɛ i ndɛ lo min tra wɔ'n, man min taaman'n ɔ mantan min lalolalo nun.

Jue Mun 94:19

Blɛ bɔ min akunndan'n sanngan sa sunman ti'n, a fɔnvɔ min ɔ man n nyan aklunjuɛ.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 51:12

M bɔbɔ min yɛ n fɔnvɔ amun-ɔn. ?Min nvle'n nunfuɛ mun, nguɛ ti yɛ amun sro sran nin-ɔn? Ɔ ti wie'n i nnɛn, ɔ ti klɔ sran, bɔ i agualiɛ'n ɔ wa guɛ i kɛ ijre'n i liɛ sa.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 66:10

Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

2 Korɛntfuɛ Mun 1:3

E Min Jésus-Krist i si Nyanmiɛn i kwla o! Ɔ ti e Si, ɔ si aunnvuɛ, ɔ ti Nyanmiɛn kun b'ɔ jran é sin sa'n kwlaa nun.

2 Korɛntfuɛ Mun 1:4

Sa kwlaa b'ɔ tɔ e su'n, i yɛ ɔ fɔnvɔ ye-ɔ, ɔ man fɔnvɔlɛ kunngba ng'ɔ fa fɔnvɔ ye'n, e kusu e fa fɔnvɔ wie mun sa kwlaa b'ɔ tɔ bé su'n i nun!

1 Tɛsalonikfuɛ Mun 2:7

Sanngɛ kɛ e o amun wun lɔ'n, y'a yo-mɛn i sɔ, e yoli wɛtɛɛfuɛ kɛ bla ta b'ɔ yɛyɛ i mma mun'n sa.