Ezai 66:10 - NYANMIƐN NDƐ'N 1998

¹⁰ Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

Ezai 66:10 ပူးပေါင်းရင်းမြစ်များ

Jue Mun 122:6

An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

Jue Mun 137:6

Zerizalɛm, sɛ mín wla jaso ɔ su'n, sɛ like uflɛ i ndɛ lo min tra wɔ'n, man min taaman'n ɔ mantan min lalolalo nun.

Jue Mun 26:8

Anannganman, ɔ́ sua'n bɔ a yi ɔ́ wun nglo nun nyannyannyan'n, i nun tranlɛ yo min fɛ.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 65:18

Man amun klun jɔ, yɛ man amún wun blibli amun cɛn'n kwlakwla like nga n wa yi be'n be ti. N wa yi Zerizalɛm kun bɔ i nun ɔ ´yo fɛ, yɛ n wa yi nvle kun bɔ i nun sran nga be ´tran lɔ'n, be klun wa jɔ.

Ezai 9:3

Afin sielɛ wafa nga sran wie'm be fa sie be'n b'ɔ ti kɛ trɔ sa'n, a yili i be su. Waka nga be fa bo be'n, a bubuli be nun. Ngble nga be fa kle be nyrɛnnɛn'n, a kpɛkpɛli be nun. Like nga a fa yoli Madianfuɛ mun laa'n, i kunngba'n yɛ a yoli-ɔ.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Mmla'n 32:43

Nvle-nvle mun, amun `bo ndɛ man Anannganman i nvle'n. Anannganman su tu i sufuɛ nga be kunnin be'n bé klunngbɔ'n. Ɔ su tu i kpɔfuɛ'm be fɔ. Ɔ'a yaci i mɛn'n i nunfuɛ'm bé wun sa'n ɔ'a cɛ be.»