Ezai 66:1 - NYANMIƐN NDƐ'N 1998

¹ Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Ezai 66:1 ပူးပေါင်းရင်းမြစ်များ

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

1 Be Nyoliɛ 28:2

Famiɛn David jaso jrannin nglo, nan ɔ'a se be kɛ: «Min niaan mun, min nvlefuɛ mun, amun `sie bé su! Min waan wuun n ´kplan sua kpa kun nan be `fa Anannganman i alaka'n be sie nun. I liɛ'n, ɔ ´yo e Nyanmiɛn'n i ja takatakawlɛ. N siesieli ninnge nga n ko fa n ko kplan'n,

2 Be Nyoliɛ 2:5

Sran fi kwla kplan-man i wun su sua mɛn-mɛn i, afin nyanmiɛn ng'ɔ nannan nglo lɔ lɛ yɛ'n bɔbɔ ti kaan, ɔ sɔn-man nun bɔ ngbɛn! ?Wan yɛlɛ min bɔ n kwla kplan sua m ´mɛn i-ɔ? Ansans yrawlɛ kan yɛ n ´kwla kplan mɛn i-ɔ.

2 Be Nyoliɛ 6:18

Nan sakpa! ?Nyanmiɛn nin klɔ sran'm be ´tran asiɛ'n su wa sakpa? Nian, nyanmiɛn ng'ɔ nannan nglo lɔ plaii lɛ'n, a sɔn-man lɔ nan se kɛ sua nga m'an kplɛn i yɛ'n yɛ a sɔn nun-ɔn.

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

Jue Mun 132:7

An man e wɔ Anannganman i lika'n nun lɔ. E `ko koto i ja takatakawlɛ'n i nyrun lɛ.

Jue Mun 99:9

An `yi Anannganman e Nyanmiɛn'n i ayɛ. An `koto i oka'n su, afin Anannganman e Nyanmiɛn'n i nzuɛn'n nin klɔ sran liɛ'n ti-man kun.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 60:13

Siprɛs waka mun nin pɛn waka mun, ɔ nin bui waka mun, b'ɔ man Liban mɛn'n ɔ lɛ nyrun'n, be ´fɛ i kwlaa sɔ'n be ba ɔ́ sin wa. Be ´fa yo min sua'n i klanman, yɛ n ´yo man min sua sɔ'n bɔ n tran nun'n, ɔ ´nyan nyrun.

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 12:6

Sanngɛ n ´kan kle amun kɛ, like ng'ɔ ti dan tra Nyanmiɛn i sua'n yɛ n wa kle amun yɛ.

Matthieu 24:2

Yɛ ɔ seli be kɛ: «?An wun ninnge nga kwlaa? Nanwlɛ, yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.