Ezai 65:3 - NYANMIƐN NDƐ'N 1998

³ Sran sɔ'm be klɔklɔ min cɛn kwlaa, be fa fia-man. Be yi sraka be fie'm be su, yɛ be yra ansans sraka yiwlɛ bɔ be fa bliki be yoli'n be su, be yra ansans sɔ'n be fa man amuɛn mun.

Ezai 65:3 ပူးပေါင်းရင်းမြစ်များ

2 Famiɛn Mun 22:17

Ya dan nga n fɛli i klɔ nga wun'n, ɔ ti kɛ sin kun bɔ ɔ'a jue bɔ be kwla nuɛn-mɛn i'n sa. Afin kɛ be kaci be sin sili min, be yrali ansans mannin amuɛn mun, ɔ man be kunnin min ya.

Zɔb I Nyrɛnnɛn Wunlɛ 1:11

Sɛ ɔ waan m bua ato'n, saci i sa nun ninnge mun nan nian, sɛ ɔ'a kan-man wɔ ndɛ tɛtɛ cɛ'n, a ko fa ko se.»

Zɔb I Nyrɛnnɛn Wunlɛ 2:5

Ɔ li man ɔ́ sa kɛn i wunnɛn'n bɔ kaan sa nan nian, sɛ ɔ'a kan-man wɔ ndɛ tɛtɛ cɛ'n, a ko fa ko se.»

Jue Mun 78:40

I wun nga be jasoli aawlɛ flɛnnɛn'n nun lɔ'n ɔ sɔnnin. Be klɔklɔli i lika kee sɔ'n nun lɔ kpa.

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Ezai 1:29

Waka dandan bɔ amun klo be sɔlɛ'n, amún sa sin wa bubu amun be ti. Amuɛn bo bɔ amun kpɛ be'n, nyannzuɛn wa kun amun be dunman nun.

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 66:17

Be nga be sie bé wun ngunmin'n, bɔ be yo bé wun saun be kɔ fie'm be nun be ko lɔngɔ sran kun sin'n, be nga be di kɔkɔti nnɛn'n, be nga be di gbekle nnɛn'n nin tete ninnge mun, sran sɔ'm be kwlakwla be ´wu likawlɛ. Anannganman yɛ ɔ kan sɔ-ɔ.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Saun Yolɛ 17:5

Kɛ ɔ ko yo nan Izraɛlfuɛ'm b'a kun-man bé tɛ nnɛn mun bo'n nun lɔ kwlaa nan b'a fa blɛ min nyrun jranfuɛ'n tannin sua'n i anuan nun lɛ'n kɛ ɔ `fa yi bo kun yolɛ i su tɛ man min'n, i ti yɛ m mɛn i sɔ mmla nin-ɔn.

Mmla'n 32:21

Kɛ bɔ be fali like ngbɛn-ngbɛn nga be ti-man Nyanmiɛn'n be fa fɔkɔli min anwlɛn b'ɔ man ya kunnin min'n ti'n, n kusu n ´yo man be nyin ´ci nvle kun b'ɔ ti-man nvle kpa'n, yɛ n ´yo man nvle bɔ i nunfuɛ'm be si-man ngwlɛlɛ'n be ´fita be anwlɛn su.