Ezai 64:3 - NYANMIƐN NDƐ'N 1998

³ E nian ti-mɛn i le kɛ like uflɛ wie ɔ'a yo i sɔ sa ɔ'a man be nga be fa bé wla guɛ i su'n le, be nian kɛn-mɛn i sɔ nian kle-man ye le, e nian wun-mɛn i sɔ nin e nyinma le .

Ezai 64:3 ပူးပေါင်းရင်းမြစ်များ

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

Jue Mun 106:22

I b'ɔ yili atrɛ mun Kam mɛn'n nun'n, b'ɔ yoli sa sroesroe Ndɛma jenvie'n nuan lɔ'n, bé wla fili i su.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Jue Mun 66:5

Amun `bla be wa nian Nyanmiɛn i sa nuan ninnge mun. Ninnge sɔ'm be bo sran'm be nuan.

Jue Mun 68:8

Nyanmiɛn, kɛ a dunnin mmua ɔ sran'm be nyrun'n, kɛ a nantili aawlɛ flɛnnɛn'n nun lɔ'n,

Jue Mun 76:12

Amun `ta Anannganman amun Nyanmiɛn'n i nda kɛ amun ´yo like be mɛn i, yɛ amun `yia nda sɔ'n i nuan. Amun kwlaa nga amun ´wunnge Nyanmiɛn b'ɔ yo sro'n i wun'n, amun `fa ninnge be wa cɛ i.

Ezipt Lɔ Tulɛ'n 34:10

Anannganman seli Moiz kɛ: «Nian, e nin amun e wa tra aenguɛ. Nvlefuɛ'm be kwlaa be nyrun'n, n wa yo abonuan sa bɔ be nian wun-mɛn i asiɛ wunmuan'n su wa, ɔ nin mɛn'm be kwlaa be nun le'n. Izraɛlfuɛ nga a o be afiɛn yɛ'n be kwlaa, be ´wun min Anannganman min sa nuan junman mun. Wɔ yɛ n ´fa wɔ n ´di junman sroesroe sɔ mun-ɔn.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Ezai 64:1

Sɛ a su jra wa'n, wuun a ´yo kɛ sin b'ɔ yra waka kee annzɛ b'ɔ yo man nzue'n ɔ tu'n sa. Sɛ a su jra wa'n, wuun a ´yi ɔ dunman'n i nglo kle ɔ kpɔfuɛ mun, wuun nvle-nvle'm be nunfuɛ'm be ´usu ɔ nyrun

Abakik 3:3

Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.

Abakik 3:6

Kɛ ɔ jran'n, asiɛ'n keje, kɛ ɔ nian mɛnfuɛ mun'n, kpɛkuun be bo bli srɛ b'ɔ kun be'n ti. Oka'm bɔ be ti be liɛ kɛ yɛbuɛ sa'n, be nun kpacikpaci, kpɔlɛ nga be o lɛ-ɔ nán ndɛ sa'n, be trotro, be yɛ be ti atin b'ɔ sin su laa nin-ɔn.

Mmla'n 10:21

I yɛ ɔ ti bɔ amun `mɛnmɛn i-ɔ. Nyanmiɛn ng'ɔ yoli sa dandan'n, Nyanmiɛn ng'ɔ yoli sa sroesroe mun amun bɔbɔ amun nyrun'n, i-ɔ.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.