Ezai 60:9 - NYANMIƐN NDƐ'N 1998

⁹ Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Ezai 60:9 ပူးပေါင်းရင်းမြစ်များ

Bo Bolɛ 9:27

Nyanmiɛn man Zafɛt i sa nun ninnge'm be yo ye. Man ɔ tran Sɛm i tannin sua'm be bo, man Kanaan yo i akua.»

1 Famiɛn Mun 10:1

Seba famiɛn bla'n tili Salomɔn i anyrunnyan ng'ɔ fin Anannganman'n i ngan. Bla'n bali kɛ ɔ wa usɛ i sa kekleekle mun ´fa kpɛ i ngwlɛlɛ'n i bo nian sɛ sakpa ɔ si ngwlɛlɛ o.

1 Famiɛn Mun 10:22

Famiɛn'n lɛ mmeli mun, ɔ man be nin famiɛn Iram i liɛ mun be kɔ mmua, be kɔ Tarsis. Afuɛ nsan kwlaa be ba kpalɛ kun. Be ´ba'n, be fa sika ɔkwlɛ, nin jɛtɛ ufue, nin sui je mun, nin ndo mun, ɔ nin anunman fanunfanun mun ba.

1 Famiɛn Mun 22:48

I blɛ sɔ nun'n, famiɛn nun-man Edɔm. Prefe kun yɛ famiɛn'n fa sieli i lɔ-ɔ.

1 Famiɛn Mun 8:41

Kɛ be ´bo wɔ dunman b'ɔ yo nyɛnmɛn, bɔ be ´kan ɔ sa nga a yo be mun'n, sran nga be ti-man ɔ nvle'n nunfuɛ'm bɔbɔ'n, be ´ti wɔ ngan. I sɔ sran'n wie ɔ ´ba, ɔ dunman b'ɔ ´fu'n nin tinmin bɔ a lɛ i'n ti. Sɛ ɔ ba ɔ sua nga nun kɛ ɔ wa srɛ wɔ'n, kannzɛ ɔ fin mmua yɛ ɔ ba'n,

Jue Mun 48:7

E ´ijɔ wa-a, be su usu kɛ aklunya ɔ'a to wunnzɛfuɛ b'ɔ su wu ba'n su'n sa.

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Jue Mun 97:1

Anannganman ti famiɛn, man asiɛ'n sufuɛ'm be kwlaa be si able. Man nvlefuɛ nga be tran jenvie'n nuan mmua-mmua lɔ'n be klun jɔ!

Ezipt Lɔ Tulɛ'n 33:19

Anannganman tɛli i su kɛ: «N ´sin ɔ nyrun lɛ, n ´yi min aklunye'n i nglo n ´kle wɔ, yɛ m ´bo min dunman'n kɛ: Anannganman, Sran nga n waan n ´yo i ye'n, n ´yo i ye. Sran nga n waan n ´si i aunnvuɛ'n, n ´si i aunnvuɛ .»

Nyanndra Mun 18:20

Sran kun i nuan nun ndɛ'n yɛ man ɔ nyan like di mɛn i ku sɛ-ɔ. Sran kun i nuan su ndɛ'n, yɛ man i ku yi-ɔ.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 2:16

Cɛn sɔ nun'n, ɔ nin Tarsis lɔ mmeli dandan'n be kwlaa be ´nyɛn i, ɔ nin mmeli nglanman'm be kwlaa be ´nyɛn i.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 43:4

Kɛ bɔ amun lɛ nyrun dan min nyrun'n, kɛ bɔ m bu amun sran'n, kɛ bɔ n klo amun'n ti, n ´fa sran'm n jran amun ajalɛ nun, n ´fa sran kaci amun.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Ezai 49:22

Anannganman Nyanmiɛn'n wan yoo: «Amun `nian, m ´man ń sa'n su nvle-nvle'm bé su, n ´kplan min flanga'n, n ´kaci i nyin mɛnmɛn'n bé su. Yɛ be ´fa amun mma yasua mun bé sa su be ´ba. Be ´fa amun wa bla mun be wati su be ´sa bé sin ba.

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 55:5

Izraɛlfuɛ mun, amun kusu amun `nian, amun wa flɛflɛ nvle-nvle wie'm be nun sran bɔ amun si-man be'n, yɛ sran sɔ'm bɔ be si-man amun'n, be wa wanndi be ba amún sin. M bɔbɔ min Anannganman bɔ n ti amun Nyanmiɛn'n m bɔ man amun lɛ nyrun'n, min ti yɛ be ´ba-a.»

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Ezai 60:4

Nian-nian sin yia nun, nian, ɔ mma'm be kwlaa b'a yia be su ba ɔ́ sin. Ɔ mma yasua'm be fin mmua lɔ be su ba, sran'm be fa ɔ mma bla mun bé sa su yɛ be ba-a.

Ezai 60:6

Nyɔnngɔnmɛn bɔ bé wiasin'n lɛ kpɔlɛ nnyɔn'n, sran'm be ´fa kpanngban kpa be ba, nnɛn sɔ'm be ´yi ɔ mɛn'n, yɛ nga bɔ bé wiasin'n lɛ kpɔlɛ kunngba'n, be ´fa wie kusu fin Madian nin Efa be ´ba. Sebafuɛ'm be ´fa sika ɔkwlɛ nin ansans be ´ba. Nyanmiɛn i sa dandan ng'ɔ yoli be'n be su jue tolɛ ti yɛ be fa ba sɔ-ɔ .

Ezai 66:12

Afin Anannganman waan: «Sɛ aunjuɛ'n ti nzue ba'n, wuun n ´yo man ɔ ´sonji ba Zerizalɛm. Sɛ nvle-nvle'm be nyrun bɔ be lɛ i'n ti nzue ba bɔ ɔ'a yi a kpa su'n, wuun n ´yo man ɔ ´sonji kpuu ba lɛ wie. N wa nian amun lika kɛ bla ta'n fa nian i wa b'ɔ mɛn i nyɔnflɛn'n i lika'n sa, ɔ fɛ i i sa su, ɔ fɛ i sie i ja su, yɛ ɔ kɛn i nyrun ngowa.

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 30:19

Be wa to jue, be ´bo sro. N ´yo man be ´trɛ. Be su ka-man kaan. M ´man be kɔmin su ɔ man be su yo-man be finfin.

Ezekiɛl 39:7

N ´yo man min sran'm be ´si kɛ min nzuɛn'n nin klɔ sran liɛ'n ti-man kun, yɛ n su kplin-man su kun kɛ be saci min dunman fɛ'n. Yɛ nvle-nvlefuɛ'm be kusu be wa si jrɛiin kɛ n ti Anannganman Izraɛl Nyanmiɛn bɔ min nzuɛn nin klɔ sran liɛ'n ti-man kun.

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Mise 7:12

I sɔ cɛn liɛ'n nun sran'm be ´fin Asiri nin Ezipt lɔ be ´ba. Be ´fin Ezipt nzue ba'n nin Efrat nuan lɔ be ´ba. Be ´fin jenvie'm bé nuan nin oka'm be su be ´ba.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Zakari 14:14

Zidafuɛ'm be ´kun Zerizalɛm ti alɛ. Be ´de nvle nga be mantan be lɛ'n bé bo ninnge mun bé sa nun. Jɛtɛ ufue nin sika ɔkwlɛ'n, ɔ nin tralɛ'n, be wa flafla be kaka kpa.

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 17:26

N yoli man be sili wɔ, yɛ n yoli man be wa si wɔ ekun nan klolɛ nga a fa kloli min'n, be `si kɛ a klo be sɔ wie, yɛ be `si kɛ min nin be y'a yo sran wunmuan.»

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 4:26

Sanngɛ Zerizalɛm ng'ɔ o nyanmiɛn su lɔ'n, ɔ ti kɛ bla'n b'ɔ ti diewa'n sa, i yɛ ɔ ti e nin nin-ɔn.

Zozie 9:9

Be tɛli i su kɛ: «Nannan, e fin mɛn mmua kpa kun nun. Sa nga ti bɔ e ba'n, yɛlɛ Anannganman ɔ Nyanmiɛn i ngan bɔ e tili'n. E tili atrɛ ng'ɔ yili i Ezipt lɔ'n,