Ezai 60:2 - NYANMIƐN NDƐ'N 1998

² Afin aosin'n ɔ kata asiɛ'n su, lika tuun ɔ dun sran'm be su, sanngɛ ɔ liɛ'n, Anannganman kpaja ɔ su, i nyrun nyannyan'n ɔ fite nglo ɔ́ su .

Ezai 60:2 ပူးပေါင်းရင်းမြစ်များ

1 Famiɛn Mun 8:11

Nyanmiɛn ble sɔ'n ti Nyanmiɛn nyrun jranfuɛ'm b'a kwla tran-man lɔ b'a di-man be junman'n kun. Anannganman i nyrun nyannyan'n yili i sua'n .

Jue Mun 102:16

Man mɛnfuɛ'm be kwlaa be nyin yi Anannganman. Man asiɛ'n su famiɛn'm be wun kɛ i dan'n fa ti ju'n.

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Ezai 2:5

Zakɔb i osu'n nunfuɛ mun, amun `bla man e `nanti Anannganman i lika b'ɔ kpaja weiin'n nun.

Ezai 4:5

kpɛkuun ɔ ´yo nyanmiɛn ble nin wɛnsrɛn, be ´jran Siɔn oka wunmuan'n nin i sran bɔ b'a yia'm bé ti su nglo lɛ wia'n nun. Kɔnguɛ'n, ɔ ´yo sin b'ɔ jue kpa'n, ɔ ´kpaja be su. Afin Anannganman i nyrun nyannyan'n, ɔ kata be kwlaa be su,

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Ezai 62:1

Siɔn, n klo wɔ, i ti n su muan-man min nuan, Zerizalɛm n klo wɔ, i ti n su tran-man lɛ sa ngbɛn lele san ɔ́ sa bɔ a yo i nuan su'n ɔ ´fite su wein kɛ wia'n b'ɔ fite nglɛmun'n sa, lele san delɛ bɔ Anannganman ɔ ´de wɔ'n, ɔ ´fite nglo wein kɛ tɛ bɔ be sɔ i nuan b'ɔ kpaja'n sa.

Ezai 66:11

I liɛ'n, fɔnvɔlɛ ng'ɔ ´fɔnvɔ amun'n, amun klun wa jɔ kɛ ba nɔnman bɔ i nin nyɔnflɛn nzue fɛfɛ b'ɔ nɔn'n ɔ jɔ i klun'n sa.

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Ezekiɛl 10:4

Nyanmiɛn i nyrun nyannyan'n fɛli i anz sɔ'm be su lɔ bali Nyanmiɛn i sua'n i anuan'n nyrun lɛ. Kpɛkuun sin wɛnsrɛn'n yili Nyanmiɛn i sua'n, yɛ Anannganman'n i nyrun nyannyan'n kpajali awlo'n nun-ɔn .

Saun Yolɛ 9:23

I sin Moiz nin Aarɔn be ko wluli tannin sua nga Anannganman yi i wun nglo nun lɔ'n nun. Kɛ be wluli lɔ be fiteli'n, kpɛkuun yɛ be yrali mɛn mma'm be nguan-an. Kɛ be yrali be nguan b'ɔ wieli'n, Anannganman wa yili i wun nglo kleli be kwlaa sɔ'n.

Kalɛ 16:19

Kɔre yiali Izraɛlfuɛ'm be kwlaa, be wa jranjrannin be nyrun ndɛnman su lɛ tannin sua'n i anuan'n wun lɛ. Kpɛkuun sran'm be kwlaa be nyrun lɛ'n, Anannganman yili i nyrun nyannyan'n i nglo.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 23:19

?Anyansifuɛ mun, nnɛn'n yɛ ɔ ti dan annzɛ Nyanmiɛn sɔwlɛ'n bɔ i su yɛ Nyanmiɛn fa nnɛn nin-ɔn?

Matthieu 23:24

Amun anyansifuɛ'm bɔ an kle sran atin'n, an kpukpu nzue'n an yi kakaa ba kun b'ɔ o nun'n, sanngɛ an mɛn nyɔnngɔnmɛn .

Jean 1:1

Ndɛ'n wo lɛ lalaa i sin nan Nyanmiɛn a bo ninnge'm be yilɛ bo, Ndɛ'n nin Nyanmiɛn be o lɛ, Ndɛ sɔ'n ti Nyanmiɛn.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 8:55

Sanngɛ an si-mɛn i, n liɛ'n n si i. Sɛ n se kɛ n si-mɛn i'n, wuun n ti ato buafuɛ kɛ amun sa. Sanngɛ n si i, yɛ n fɛ i ndɛ'n su.

Sa nga bé yôli'n 14:16

Laa'n ɔ yacili nvle'm be kwlaa be yoli be bɔbɔ be klun sa.

Sa nga bé yôli'n 17:23

Afin, kɛ n ´sin'n, n wun ninnge bɔ an sɔ be'n, yɛ n wunnin sraka yiwlɛ kun bɔ an klɛli su kɛ: ‹Like wie bɔ e si-mɛn i'n i liɛ-ɔ.› Like nga an sɔ i bɔ sanngɛ an si-mɛn i'n, i ndɛ yɛ m ba amun kan kle lɛ-ɔ.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .