Ezai 6:8 - NYANMIƐN NDƐ'N 1998

⁸ N tili Anannganman i aniɛn'n, ɔ usali kɛ: «?Wan yɛ n ´sunmɛn i-ɔ? ?Yɛ wan yɛ ɔ ´dun mmua e nyrun-ɔn? ?Wan yɛ ɔ ´ijɔ e nuan-an?» Nan m'an tɛ su kɛ: «Min-ɔn, sunman min.»

Ezai 6:8 ပူးပေါင်းရင်းမြစ်များ

Bo Bolɛ 1:26

Yɛ Nyanmiɛn seli kɛ: «E `yi sran kɛ e bɔbɔ sa cɛ, man ɔ fa e, man ɔ sie jenvie'n nun jue mun nin anunman nga be tu sin'n, nin klɔ nnɛn mun, nin asiɛ'n su nnɛn'm be kwlaa, ɔ nin nnɛn nga be cuɛn be wun ase'n mun .»

Bo Bolɛ 11:7

Ɔ man e `wɔ e ko sanngan be aniɛn'n nun, nan nán be ti be wun aniɛn kun.»

Bo Bolɛ 22:1

Kɛ ɔ yoli sɔ'n, Nyanmiɛn sali Abraam niannin. Ɔ flɛli Abraam. Abraam tɛli i su kɛ: «M'an sro!»

Bo Bolɛ 22:11

Yɛ Anannganman i anz'n wo nyanmiɛn su lɔ yɛ ɔ flɛli i-ɔ: «Abraam, Abraam!» Abraam waan: «M'an sro!»

Bo Bolɛ 3:22

Anannganman Nyanmiɛn seli kɛ: «Sran yɛ ɔ'a yo kɛ e sa yɛ afin ɔ si sa tɛ'n nin sa kpa'n. Nán e mɛn i atin kɛ ɔ ti nguan waka'n i mma'n wie di, ɔ yo sɔ-ɔ, ɔ ko tran nguan nun titi .»

2 Samiɛl 1:7

Yɛ ɔ ´kpɛ i wun-ɔn, nan ɔ'a wun min, yɛ ɔ flɛli min-ɔn. N tɛli i su kɛ: ‹Nannan!›

1 Famiɛn Mun 22:20

Ɔ usali kɛ: ‹?Wan yɛ n ´nyɛn i b'ɔ ´ko laka Akab kɛ ɔ wɔ Galaad mɛn nun lɔ ɔ ko kun alɛ Ramɔt lɔ nan ɔ ´wu-ɔ?› Nga waan: ‹Min-ɔn, n ´yo i sa.› Nga waan: ‹Min-ɔn, n ´yo i sa.›

Ezai 65:1

Be nga b'a usa-man like fi'n, n yoli sa'm mannin be. Be nga b'a fa-man bé wun a mantan-man min'n, n yili mín wun nglo n kleli be. Nvle kun wie b'ɔ o lɛ'n, bɔ n dunman nun-man i nunfuɛ'm be su'n, n seli be kɛ: «Min yɛ, n su ba.»

Ezekiɛl 1:24

Kɛ be ´nanti kɔ'n, n ti be ndɛwa'm be tɛlɛ bɔ be tɛ'n. Be tɛ kɛ jenvie'n yɛ ɔ su bo sa, be tɛ kɛ Nyanmiɛn b'ɔ kwla like kwlaa yo'n su ijɔ sa, annzɛ kusu kɛ alɛ kunfuɛ bɔ be sɔnnin kpa'n be nganniɛn'n sa. Kɛ be jran'n, be kan be ndɛwa'm be ase.

Ezekiɛl 10:5

Be tili anz sɔ'm be ndɛwa'n i kplalɛ awlo klun i nnyɔn su liɛ'n nun lɔ, ɔ tɛ kɛ Nyanmiɛn b'ɔ kwla like kwlaa yo'n i bɔbɔ yɛ ɔ su ijɔ sa .

Ezekiɛl 9:1

I sin ɔ kpannin min su nun kekle kpa seli kɛ: «Amun nga be kpali amun kɛ amun tu klɔfuɛ'm be fɔ'n, an `wunnge wa! Kɛ sran kun ´ba'n, man ɔ fɛ i abɔlɛ yolɛ like'n tra nun.»

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 26:19

«Nannan Agripa, kɛ n wunnin aolia nun like sɔ'n b'ɔ fin nyanmiɛn su lɔ'n, m'an kaci-man min nuan.

Sa nga bé yôli'n 9:4

Ɔ tɔli, yɛ ɔ tili sran kun nɛn. Sran sɔ'n ɔ seli i kɛ: «?Sɔl, Sɔl, nguɛ ti yɛ a kle n yalɛ sɔ-ɔ?»

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

1 Samiɛl 3:4

Anannganman flɛli Samiɛl. Yɛ Samiɛl tɛli su kɛ: «Nannaan.»