Ezai 6:4 - NYANMIƐN NDƐ'N 1998

⁴ Kɛ be ´kpan'n, sua'n i anuan'm be keje sa gbugbugbu, yɛ sin wɛnsrɛn yili sua'n piɛ .

Ezai 6:4 ပူးပေါင်းရင်းမြစ်များ

2 Be Nyoliɛ 5:13

Be kwlaa, i awɛ bofuɛ o, i jue tofuɛ o, be o likawlɛ, be sroli jue, be manmannin Anannganman, be bo flɛli i. Kɛ bɔ be ´to jue sɔ'n, wuun be ´bo ninnge nga be tɛ'n: awɛ mun, nin aaba ndɛ mun, ɔ nin like uflɛ mun. Be se kɛ: «Ɔ ti kpa, i aunnvuɛ silɛ'n wo lɛ tititi.» Kɛ ɔ yoli sɔ'n, nyanmiɛn ble'n yili Anannganman i sua'n.

Jue Mun 18:8

Ya dan b'ɔ kunnin Anannganman'n ti, asiɛ'n ɔ kejeli, oka'm be kusu be kejeli wie.

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Ezekiɛl 1:24

Kɛ be ´nanti kɔ'n, n ti be ndɛwa'm be tɛlɛ bɔ be tɛ'n. Be tɛ kɛ jenvie'n yɛ ɔ su bo sa, be tɛ kɛ Nyanmiɛn b'ɔ kwla like kwlaa yo'n su ijɔ sa, annzɛ kusu kɛ alɛ kunfuɛ bɔ be sɔnnin kpa'n be nganniɛn'n sa. Kɛ be jran'n, be kan be ndɛwa'm be ase.

Ezekiɛl 10:5

Be tili anz sɔ'm be ndɛwa'n i kplalɛ awlo klun i nnyɔn su liɛ'n nun lɔ, ɔ tɛ kɛ Nyanmiɛn b'ɔ kwla like kwlaa yo'n i bɔbɔ yɛ ɔ su ijɔ sa .

Ezekiɛl 41:16

be ti waka kpakpa. Fenɛtri'm be kadri mun nin lika tiaan b'ɔ sin yia sua ba nga be wɔwɔ su nglo'n be klun lɔ'n, kɛ be ti sɔ-ɔ. I bo'n ɔ ti sua nsan be o be wiengu su. Kɛ ɔ fɛ i asiɛ wun lele b'ɔ ju fenɛtri'm be nun'n, i kwlaa'n ɔ ti waka. Fenɛtri'm be bɔbɔ bé wun ti katawa nin waka paplaapla.

Ezekiɛl 44:4

Ɔ fali min ɔli anuan ng'ɔ o nglo lɔ lika nun i nun Nyanmiɛn i sua'n i nyrun lɛ. N ´nian-an, Nyanmiɛn i nyrun nyannyan b'ɔ kpaja'n ɔ yi i sua'n. N tɔli yɛ n utuli min nyin ase .

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Sa nglô yile 11:19

Be tikeli Nyanmiɛn i sua b'ɔ o nyanmiɛn su lɔ'n i anuan'n, nan b'a wun aenguɛ nga Nyanmiɛn nin sran'm be trali i alaka'n lɔ. Nyanmiɛn'n kpali sin, be tili sran'm be nɛn, nyanmiɛn'n kplali, asiɛ'n kejeli, yɛ nzraama bɔ kɛ nzue'n ´tɔ-ɔ ɔ gua'n, ɔ guali dan kpa .

Sa nglô yile 15:8

Nyanmiɛn i wun nyannyannyan'n nin i kwlalɛ'n ti, wɛnsrɛn'n wa deli i lika kpa'n. Sran fi kwla wlu-man lɔ san anz nso'n be nyrɛnnɛn nso'n ɔ'a wie .