Ezai 6:12 - NYANMIƐN NDƐ'N 1998

¹² Ɔ ´yo sɔ lele san Anannganman ɔ ´fa sran mun kɔ mmua, yɛ mɛn'n ɔ ´ka lɛ ngbɛn.

Ezai 6:12 ပူးပေါင်းရင်းမြစ်များ

Zeremi 4:29

Kɛ klɔ'n nunfuɛ'm be ti nnɛn kpanngɔ fufuɛ nin ta tofuɛ'm be ngan'n, be kwlaa be lɛ wanndilɛ. Be ko fia susrɛ'm be nun. Be ko fu yɛbuɛ'm be su. Klɔ ngbɛn'n nannan lɛ, sran fi nun-man su kun.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Ngwlɛ Yilɛ 5:20

?Nguɛ ti yɛ ɔ́ wla ɔ ´fi é mlɔnmlɔnmlɔn sa-a? ?Nguɛ ti yɛ ɔ waan a ´yi e blo sa tititi nin-ɔn?

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 12:7

«M'an yi min awlo'n m'an man gua. M'an yi min aja'n i ase. M'an yi like nga n klo i lele tratra su'n m'an wla min kpɔfuɛ'm be sa nun.

Ezai 26:15

Anannganman, wɔ man y'a trɛ, wɔ man y'a sɔn, yɛ w'a nyan nyrun. A trɛli e mɛn'n nun.

2 Famiɛn Mun 25:21

Babilɔni famiɛn'n boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm be tuli bé bo be mɛn'n nun lɔ, kɛ ng'ɔ o lɛ'n sa.

2 Famiɛn Mun 25:11

Sran nga be kali klɔ'n nun'n, ɔ nin be nga be fa bé wun ko mannin Babilɔni famiɛn'n, ɔ nin ajuin difuɛ nga be kali'n, Nɛbizaradan trali be lomuɛn ɔli Babilɔni.

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Ezai 5:9

Amun `nian, sa nga Anannganman b'ɔ sie mɛn wunmuan'n ɔ kan kleli min'n yɛ, i waan: «Sua kpanngban nga'm be wa bubu. Sran su tran-man sua dandan nglanman-nglanman nga'm be nun kun. Sa sɔ'm be ´yo sɔ sakpa!

Ezai 13:12

N ´yo man sran'm be kaci kɛ sika ɔkwlɛ jrɛin bɔ be tɛ-mɛn i nyan'n sa. N ´yo man be su wun-man sran'm be kplakpla, ɔ ´yo kɛ Ɔfir lɔ sika ɔkwlɛ bɔ be nyɛn-mɛn i finfin'n sa.»

Zeremi 52:27

Babilɔni famiɛn'n ɔ boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm bé tuli be bo be mɛn'n nun lɔ kɛ ng'ɔ o lɛ'n sa.

Sofoni 1:3

N ´nunnun sran nin nnɛn mun, anunman nga be tu be sin nglo'n nin kpatra nga be o jenvie nun'n, n ´nunnun be, klunwifuɛ mun nin bé sa nuan ninnge tɛtɛ nga be yoli'n, n ´nunnun be. N su yaci-man sran ba kun sa asiɛ'n su.» Anannganman'n yɛ ɔ kan sɔ-ɔ.