Ezai 6:1 - NYANMIƐN NDƐ'N 1998

¹ Afuɛ nga bɔ famiɛn Ozias wuli nun'n, n wunnin Anannganman, ɔ ti famiɛn bia kun b'ɔ ti nglo-nglo kpa'n su. I tralɛ dan'n i nuan'n ɔ bubu gua asiɛ wun yɛ ɔ yi i sua dan'n .

Ezai 6:1 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

2 Famiɛn Mun 15:7

Azaria wuli. Be sieli i i si'm be asieliɛ'n nun David i klɔ lɔ. Yɛ i wa Zɔtam sinnin i osu-ɔ.

2 Be Nyoliɛ 18:18

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be o i fama su nin i bɛ su. Amun `tie ndɛ ng'ɔ kannin'n.

Zɔb I Nyrɛnnɛn Wunlɛ 42:5

Laa be kan ɔ ndɛ'n yɛ n tili-ɔ. Sanngɛ siɛn liɛ'n, min nyinma'n ɔ'a wun wɔ.

Jue Mun 108:5

Afin ɔ klun-ufue'n ɔ ti dan lele kpe nun. I kunngba'n, a ti nanwlɛfuɛ dan.

Jue Mun 113:5

?Anannganman e Nyanmiɛn'n bɔ nglo mmua lɔ yɛ ɔ ti i tranwlɛ'n, wan cɛ yɛ ɔ nin i sɛ-ɔ?

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Ezipt Lɔ Tulɛ'n 24:9

Kɛ ɔ yoli sɔ'n, Moiz, Aarɔn, Nadab, Abii yɛ Izraɛl kpɛnngbɛn ableso'm be fuli oka'n su lɔ.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 12:4

Yɛ cɛn sɔ nun'n, amun ´se kɛ: «Amun `manman Anannganman, amun `kpan flɛ i, i sa dandan ng'ɔ yo be'n, amun `kan be nvle-nvle'm be nun. Amun `kpɛn sran'm bé wla kɛ i dunman'n ti fuwa.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Ezekiɛl 10:1

N ´nian Nyanmiɛn su lɔ anz nga be nian Nyanmiɛn i ninnge'm be su'n bé ti su nglo lɔ-ɔ, like kun o lɛ, ɔ ti kɛ yɛbuɛ kpa bɔ be flɛ safir'n sa. I wafa'n ti kɛ famiɛn bia sa.

Ezekiɛl 10:4

Nyanmiɛn i nyrun nyannyan'n fɛli i anz sɔ'm be su lɔ bali Nyanmiɛn i sua'n i anuan'n nyrun lɛ. Kpɛkuun sin wɛnsrɛn'n yili Nyanmiɛn i sua'n, yɛ Anannganman'n i nyrun nyannyan'n kpajali awlo'n nun-ɔn .

Daniɛl 10:17

?Ɔ ´yo sɛ nan min bɔ n ti-man like fi'n min nin wɔ bɔ a ti min Min'n y'a ijɔ? Afin kɛ n wo yɛ'n, n lɛ-man fanngan, yɛ n de-man wunmiɛn bɔbɔ.›

Daniɛl 7:9

«N tɛ nian, kpɛkuun n ´wun i-ɔ, b'a siesie famiɛn bia mun. Kpɛkuun sran oke kun wa trannin ase su. I wun tralɛ'n fɛn fitafita kɛ jese fɔkɔ sa, yɛ i timuɛn'n ti ufue kɛ bua ndrɛ bɔ like fi sanngan-man nun'n sa. I famiɛn bia'n ti nyannyan kɛ sin taaman sa. Bia sɔ'n i ja'm be ti kukluuklu, be jue kɛ sin dan wie sa .

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 12:41

Ezai kannin sɔ yɛlɛ kɛ ɔ wunnin nyrun nga Jésus lɛ'n, kɛ ɔ wunnin i sɔ'n yɛ man ɔ kannin Jésus i ndɛ nin-ɔn .

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Sa nglô yile 15:8

Nyanmiɛn i wun nyannyannyan'n nin i kwlalɛ'n ti, wɛnsrɛn'n wa deli i lika kpa'n. Sran fi kwla wlu-man lɔ san anz nso'n be nyrɛnnɛn nso'n ɔ'a wie .

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 4:10

wuun kpɛnngbɛn ablaɔn-nin-nnan'm be kusu be koto sran ng'ɔ ti bia'n su sɔ'n i bo, wuun be manman sran sɔ'n b'ɔ o lɛ titi'n. Kɛ be ´tu be sika kle'n be ´to gua bia'n i wun lɛ'n, be se kɛ:

Sa nglô yile 4:2

Kpɛkuun, Nyanmiɛn Wawɛ'n jrali min su nan m'an wun aolia nun like. N ´nian nyanmiɛn su lɔ-ɔ, bia kun o lɔ sran kun ti su .

Sa nglô yile 4:3

Sran ng'ɔ ti su'n i nyrun'n ti nyannyannyan kɛ yɛbuɛ bɔ be flɛ be zasp nin sarduani'n sa. Nyanngondin b'ɔ ti nyannyannyan kɛ yɛbuɛ bɔ be flɛ i emɛrɔd sa'n, ɔ sin yia bia sɔ'n .

Sa nglô yile 4:9

Kɛ like nnan sɔ'n be ´yi sran ng'ɔ ti bia'n su b'ɔ o lɛ tititi'n i ayɛ, bɔ be ´mɛnmɛn i be ´lɛ i ase'n ,

Sa nglô yile 5:1

I sin, n wunnin fluwa kun be nyɔnnyɔnnin i'n, be klɛli i klun nin i sin'n, ɔ o sran ng'ɔ ti bia'n su'n i sa fama'n nun. Be cicili i nin like nso .

Sa nglô yile 5:7

Fluwa'n b'ɔ o sran ng'ɔ ti bia'n su'n i sa fama nun'n, ɔ wa sɔli nun.

Sa nglô yile 6:16

Be se oka nin yɛbuɛ dandan'm be kɛ: «An `tɔ e su, an `fa e fia nan sran ng'ɔ ti bia'n su'n ɔ'a wun-man ye, an `fa e fia nan Bua Gbanflɛn'n ɔ'a fa-man é wun ya .