Ezai 59:3 - NYANMIƐN NDƐ'N 1998

³ Afin amún sa'm be su ti sran'm be mmoja ngunmin, yɛ sɛ n ´kwla se'n, sa tɛtɛ'm b'a yo amun sama'm be fiɛn. Kɛ amun tike amún nuan, ato yɛ amun fa amun nuan sɔ'n bua-a, yɛ gblɛ yɛ amun fa kpɛ-ɔ.

Ezai 59:3 ပူးပေါင်းရင်းမြစ်များ

Ezai 1:15

Kɛ amun man amún sa'm be su kɛ amun ´srɛ min'n, n kata min nyin kɛ ɔ ´yo nan m'an wun-man amun'n ti. Sɛ amun srɛ min bɔ lele'n, ɔ ti ngbɛn. N su sie-man min su. Afin sran'm be mmoja ase gualɛ'n yɛ ɔ ti amun junman-an.

Ezai 1:21

?Nguɛ sa yɛlɛ nga? ?Ɔ yo sɛ yɛ man Zerizalɛm ɔ'a kaci kɛ tekle bla sa-a? Laa ɔ ti klɔ kpa, i nunfuɛ'm be fa mmla'n su yɛ be yo sa mun i nuan su, sanngɛ siɛn'n, ɔ'a kaci sran kunfuɛ'm be klɔ.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 30:9

Afin sran sɔ'm bé nyin ti kekle, be ti ba bɔ be sɔn-man bé su, bɔ be klo-man kɛ be ti min Anannganman min mmla mun.

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 2:34

Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 22:17

Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 7:8

Sanngɛ amun liɛ'n, ndɛ finfin ng'ɔ yo-man like fi ye'n i su yɛ amun lafi-ɔ.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ezekiɛl 13:8

I sɔ'n ti, Anannganman Nyanmiɛn'n wan yoo: Kɛ bɔ amun ndɛ nga an kan'n ti ndɛ ngbɛn-ngbɛn'n ti, yɛ sa nga amun waan amún ti wun ase nan an wun be'n, be ti ato'n ti'n, siɛn'n, e nin amun y'a nyɛn i. Min Anannganman Nyanmiɛn'n yɛ n kan sɔ-ɔ.› »

Ezekiɛl 22:2

«Klɔ sran, se Zerizalɛm kɛ ɔ siesie i wun nan ko di i jɔlɛ i sran ng'ɔ kun be'n ti. Nán sisi ɔ́ bo. Yo man ɔ si kɛ sa ng'ɔ yoli be lɛ'm be ti tete sa mun.

Ezekiɛl 35:6

I sɔ'n ti'n, min Anannganman Nyanmiɛn bɔ min nyin o su'n min wan yoo: Mmoja nga a guɛli i ase'n, ɔ su yaci-man ɔ nyin su sin sinlɛ.

Ezekiɛl 7:23

Bo jrɔkɔ sie i lɛ, afin sran kunfuɛ'm b'a yi mɛn'n piɛ, yɛ sa ukpo-ukpo yofuɛ'm b'a yi klɔ'n piɛ.

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Ndɛ Nga Nyanmiɛn I Nuan Ijɔfuɛ Oze Kannin'n 7:3

Be klunwi aeliɛ'n jɔ famiɛn'n klun. Gblɛ nga be kpɛ'n, ɔ jɔ famiɛn'n i awlo lɔ sran dandan'm be kusu be klun.

Mise 3:4

I sɔ'n ti, cɛn nga be wa kpan flɛ Anannganman'n, ɔ su tɛ-man be su. Ɔ ´kaci i sin si be, be sa tɛ nga be yoli'n ti .

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

1 Timote 4:2

Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.