Ezai 57:9 - NYANMIƐN NDƐ'N 1998

⁹ Amun tu amún ja lele kɔ famiɛn'n i wun lɔ, amun fa ngo tra nun, amun fa parfɛn kpanngban be kɔ. Amun sunman amun sran mun mmua-mmua kpa lɔ. Amun yo man be kɔ lele be ju blɔlɔ lɔ.

Ezai 57:9 ပူးပေါင်းရင်းမြစ်များ

Nyanndra Mun 7:17

M'an fa lɛngɛ fiɛ, nin lawlɛ fiɛ nin suɛ bo m'an yo lɔ fanninfannin saa.

Ezai 2:9

I sɔ'n ti, be wa kan sran'm be ase, yɛ be wa gua be nyin ase. Yɛ wɔ Anannganman, nán yaci sa fi cɛ be!

Ezekiɛl 16:33

Be tua blɔdɛ bla'm be kwlaa be kalɛ, sanngɛ ɔ liɛ'n, wɔ yɛ a cɛ ɔ soman'm be like-ɔ. A tuali be kalɛ kɛ ɔ ´yo nan b'a ba nan be nin wɔ b'a la'n ti.

Ezekiɛl 23:16

Kɛ ɔ wunnin be klikli nun lɛ'n, ɔ wuli bé ti kpo, ɔ sunmannin sran bé sin be mɛn'n nun lɔ.

Ezekiɛl 23:40

I kunngba'n, be ko yiali yasua'm bɔ be fin mmua mmua'n. Be sunmannin sran ɔ ko flɛli be yɛ be bali-ɔ. Be dunman nun be wunnzinnin, be wlali bé nyin bo gale. Be wlali talua dilɛ ninnge mun.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.