Ezai 57:7 - NYANMIƐN NDƐ'N 1998

⁷ Oka fleiin'm bé su yɛ amun sɛ amún bɛ mun-ɔn, bé su yɛ amun fu ko yi sraka mun-ɔn.

Ezai 57:7 ပူးပေါင်းရင်းမြစ်များ

Ezai 57:3

Amun bɔ amun ti bla'n b'ɔ yi wunnzue'n i mma mun'n, amun bɔ amun kunndɛ bla nin bian amún yi nin amún wun'm be bo'n, amun bɔ amun bo tekle'n, amun `wunnge wa.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 3:2

Man ɔ́ nyin'n su, nian oka mun nian. ?Ninfan cɛ yɛ w'a fa-man ɔ́ wun a man-man-an? A trannin atin'n nuan yɛ a minndɛli ɔ sran mun kɛ kakajefuɛ mun sa. A fa ɔ tekle bolɛ'n nin wɔ aeliɛ tɛtɛ'n saci mɛn'n.

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Ezekiɛl 16:16

Ɔ wun ninnge nga be ti klanman kpa'n, a fa yoli ɔ sraka yiwlɛ bɔ be o kpɔlɛ'm be su'n be klanman. Yɛ blɔdɛ nga a sili'n, i wunsu nian ju-man le. Yɛ i wunsu su ju-man kun.

Ezekiɛl 16:24

a ko kplannin ɔ blɔdɛ sua, yɛ a kplannin ɔ sraka yiwlɛ lika kpɔlɛ'm be kwlaa su.

Ezekiɛl 16:25

Klɔ'n nun'n, i sin nan b'a fa atin su'n, san be dun mmua ´wun sraka yiwlɛ lika sɔ'n nga a kplannin be mun. A yoli ɔ klanman'n i finfin, yɛlɛ kɛ a fali ɔ́ wun a mannin sran kwlaa b'ɔ ´sin'n, ɔ blɔdɛ'n yoli dan.

Ezekiɛl 23:17

Babilɔnifuɛ'm be nin i be wa lali. Be yoli i fiɛn ɔ nin be tekle bolɛ'n. Kɛ be nin i be boli tekle lele'n, ɔ wa kpɔli be kpɔlɛ kpa.

Ezekiɛl 23:41

Ɔ kusu a trannin bia tɛnndɛn kun su. I nyrun lɛ tabli kun jin lɛ, min ansans nin min ngo'n a fa be sieli su.

Ezekiɛl 6:13

Kɛ sran'm be fuɛn'm be ´tɔ be amuɛn'm be afiɛn'n, bɔ fuɛn wie'm be ´lala sin yia be sraka yiwlɛ mun'n, bɔ wie ´tɔ kpɔlɛ'm bé su, nin oka'm be ti afiɛn'n, nin waka mɔnnɛn'm bé bo, nin susrɛ'm bé bo'n, ɔ nin lika nga be yra ansans lɛ be man be amuɛn mun be kwlaa be nun'n, kpɛkuun amun wa si jrɛiin kɛ min yɛ n ti Anannganman nin-ɔn.