Ezai 57:6 - NYANMIƐN NDƐ'N 1998

⁶ Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Ezai 57:6 ပူးပေါင်းရင်းမြစ်များ

Ezai 65:11

Sanngɛ amun bɔ amun wanndili min'n, bɔ amún wla fili min oka'n i atin'n su'n, bɔ amun man Gad i aliɛ'n, bɔ amun man Mɛni i nzan'n,

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 19:13

«Zerizalɛm awlo mun nin Zida famiɛn'm be awlo mun be wa yo fiɛn kɛ Tɔfɛt lika'n sa. Sua nga be fu bé ti su lɔ be yra ansans man nzraama mun bɔ be gua nzan man ninnge mun'n, be kwlakwla be ´yo fiɛn .»

Zeremi 3:9

Izraɛl fɛli i tekle b'ɔ ´bo-ɔ ɔ fia-man'n fa sacili mɛn'n. Ɔ yacili min lɛ ko sɔli yɛbuɛ mun nin waka mun.

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 5:9

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Zeremi 7:18

Nian! Ba kanngan'm be ko isa yie yɛ bé si'm be fa trɔ sin-ɔn. Be nin'm be kusu be fɔtɔ sanmlɛn yɛ be fa tɔn gato be man amuɛn nga be flɛ i Astarte, bɔ i suan dunman yɛlɛ Nyanmiɛn Su Famiɛn Bla nin-ɔn.»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.