Ezai 57:5 - NYANMIƐN NDƐ'N 1998

⁵ Amun kunndɛ amún wun terebɛnt waka'm bé bo nin waka nga nnya o bé su'n be kwlaa bé bo. Amun kpɛ ba kanngan'm be kɔmin nzue ba'm bé nuan nin yɛbuɛ buɛ'm be nun.

Ezai 57:5 ပူးပေါင်းရင်းမြစ်များ

1 Famiɛn Mun 14:23

Be kusu be kplannin sraka yiwlɛ lika nga be o kpɔlɛ'm be su mun. Be takali waka sran, ɔ nin Astarte waka nga be sɔ be kpɔlɛkpɔlɛ'm be kwlaa su, ɔ nin waka bɔ nnya o be su'n bé bo .

2 Famiɛn Mun 17:10

Be takali yɛbuɛ sran mun, be takali waka nga be sɔ be kpɔlɛ nglo-nglo nin waka nga nnya o bé su'n be kwlaa bé bo.

2 Famiɛn Mun 17:7

Sa ti bɔ nyrɛnnɛn tɔli Izraɛlfuɛ'm be su'n, yɛlɛ kɛ be fɔnnin Anannganman be Nyanmiɛn'n i wun. Yɛ be sɔli amuɛn wie mun, sanngɛ wuun i fanngan nun yɛ man be fin Ezipt famiɛn'n i sa nun fiteli-ɔ. I yɛ ɔ ko fali be Ezipt mɛn'n nun lɔ bali-ɔ.

2 Famiɛn Mun 23:10

Zozias sacili Tɔfɛt b'ɔ o Inɔm i wa'n i lika b'ɔ o kongo'n nun lɔ'n, kɛ ɔ ´yo nan sran fi ɔ'a fa-man i wa bla annzɛ yasua ɔ'a yrɛ-mɛn i ɔ'a yi-man sraka ɔ'a man-man Mɔlɔk'n ti .

2 Be Nyoliɛ 28:3

Ɔ yrali ansans fa yili sraka Inɔm i mma'm be kongo'n nun lɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i mma mun yili tɛ. Be yrali be.

Ezipt Lɔ Tulɛ'n 32:6

Nglɛmun ndɛ kpa'n, kɛ aliɛ cɛnnin'n, be yili tɛ nga be yra be nnɛn'n kɔlikɔli'n nin bo kun yolɛ'n i su tɛ mun. Nvle'n i nunfuɛ'm be trannin ase be dili like be nɔnnin nzan, i sin be jasoli kannin ngowa .

Ezai 1:29

Waka dandan bɔ amun klo be sɔlɛ'n, amún sa sin wa bubu amun be ti. Amuɛn bo bɔ amun kpɛ be'n, nyannzuɛn wa kun amun be dunman nun.

Zeremi 17:2

Ɔ man be mma'm be wla su fi-man sraka yiwlɛ nin waka nga be taka be bɔ be sɔ be'n, nin waka nga be lɛ fɔnvɔ'n, ɔ nin kpɔlɛ kendenglein mun.

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Zeremi 50:38

Babilɔni nzue ba mun, man be wu kee. Afin mɛn sɔ'n ti amuɛn mɛn. I sɔ amuɛn'n ti bé ti sran'm bé ti ɔ'a saci bé ti su mlɔnmlɔn.

Zeremi 51:7

Babilɔni o Anannganman'n i sa nun laa kɛ sika ɔkwlɛ klowa sa. Klowa sɔ'n nun nzan'n, ɔ boli asiɛ wunmuan'n. Nvle-nvlefuɛ nga be nɔnnin i sɔ nzan liɛ'n, be boli sa, be wun-man sa wlɛ kun .

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Ezekiɛl 20:26

N yacili be lɛ, be yoli bé wun fiɛn, tɛ nga be fa be talua ba'm be kwlaa be yili be nun. N waan n ´fa be n wla awlaboɛ'n nun, kɛ ɔ ´yo nan b'a si jrɛiin kɛ min yɛ n ti Anannganman'n ti .»

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 20:31

Kɛ e ´se yɛ'n, amun tɛ yo amún wun fiɛn yɛlɛ kɛ amun tɛ sɔ amuɛn, yɛ amun kun amun mma mun be fa sɔ amuɛn mun. ?Izraɛlfuɛ mun, amun lafi su kɛ n ´yaci min wun lɛ kɛ amun usa min sa? Cɛcɛ, n ti Nyanmiɛn bɔ min nyin o su'n, n su yaci-man min wun lɛ kɛ amun usa min sa.› » Anannganman Nyanmiɛn yɛ ɔ kan sɔ-ɔ.

Ezekiɛl 6:13

Kɛ sran'm be fuɛn'm be ´tɔ be amuɛn'm be afiɛn'n, bɔ fuɛn wie'm be ´lala sin yia be sraka yiwlɛ mun'n, bɔ wie ´tɔ kpɔlɛ'm bé su, nin oka'm be ti afiɛn'n, nin waka mɔnnɛn'm bé bo, nin susrɛ'm bé bo'n, ɔ nin lika nga be yra ansans lɛ be man be amuɛn mun be kwlaa be nun'n, kpɛkuun amun wa si jrɛiin kɛ min yɛ n ti Anannganman nin-ɔn.

Saun Yolɛ 18:21

Nán man amun fa amun mma mun be ko yi tɛ be man amuɛn nga be flɛ i Mɔlɔk'n, afin sɛ ɔ yo sɔ-ɔ, ɔ ti min dunman'n i sacilɛ. Min yɛ n ti Anannganman amun Nyanmiɛn nin-ɔn.

Kalɛ 25:6

Be ´nian-an, Izraɛlfuɛ kun nin Madian bla kun yɛ be su ba i niaan Izraɛlfuɛ'm be afiɛn yɛ. Moiz nin Izraɛlfuɛ nga be yiali bɔ be su sun tannin sua bɔ Anannganman yi wun i nglo nun'n nun'n, be wunnin be.

Mmla'n 12:2

Sran nga amun su ko fa be mɛn'n lɛ'n, be lika nga be sɔ be amuɛn nun'n, amun `bubu be kwlaa. Lika nga be o oka'm bé su o, nin kpɔlɛ'm bé su o, ɔ nin nga be o waka mɔnnɛn'm bé bo o, amun `bubu be.

Sa nglô yile 18:3

afin ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n. I yɛ ɔ ti bla bɔ asiɛ'n su famiɛn'm be nin i lali nin-ɔn. Ninnge kpakpa'm b'ɔ kunndɛ be dan'n ti'n, asiɛ'n su aata difuɛ'm b'a nyan bé wun .»