Ezai 57:2 - NYANMIƐN NDƐ'N 1998

² Be nga be nanti sein'n, be klun ´jɔ, be ´la be bɛ'm be su fɔuun.

Ezai 57:2 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

2 Be Nyoliɛ 16:14

Kɛ ɔ wuli'n, be sieli i li kun su. Li sɔ'n ɔ ti ayre fannin nin parfɛn ngunmin. Be nga be si parfɛn'n yo kpa'n be yɛ be yoli ayre fannin'n nin parfɛn sɔ nin-ɔn. Be yrali wie kpanngban kpa i dunman nun. Be sieli i i ndia ng'ɔ kpɛli'n nun David Klɔ lɔ.

Zɔb I Nyrɛnnɛn Wunlɛ 3:17

Asieliɛ'n nun lɔ liɛ'n, sran nga be bu-man Nyanmiɛn like fi'n, be keje-man bé wun kun. Be nga b'a fɛ bɔ be lɛ-man wunmiɛn kun'n, be la lɔ diin.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Ezai 14:18

Nvle'm be famiɛn'm be kwlakwla, be kwlakwla kpan, be nyannin nyrun. Kɛ e ´se yɛ'n, be la be ndia'm be nun sɛsɛsɛ.

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Ezekiɛl 32:25

Elam famiɛn'n i sonja'm be la be nga alɛ dili be'n be afiɛn. I sonja'm be asieliɛ'm be sin yiɛ i. Be kwlaa sɔ bɔ b'a wla-man be klɛn'n, alɛ'n ɔ dili be. Laa kɛ be nyin tɛ o su'n, be wla sran'm be srɛ. Siɛn'n, nyannzuɛn'n yɛ ɔ'a kun be yɛ be o be nga alɛ dili be'n be nun yɛ.

Daniɛl 12:13

Yɛ wɔ Daniɛl, ɔ liɛ'n, tra wɔ anwlɛn lele fa ju awieliɛ lɔ. A wa de wunmiɛn. I sin a wa jaso ko fa wɔ akatua'n mɛn'n i awieliɛ lɔ .› »

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 16:22

Le kun yalɛfuɛ sɔ'n wuli, anz'm be wa fɛ i ɔli Abraam wun lɔ. Anyanbeunfuɛ'n kusu ɔ wa wuli nan b'a sie i.

JÉSUS-CHRIST I DYASIN FE'N BO LUC KLELI'N 2:29

«Nannan, ndɛ nga a kannin'n ɔ'a ju, m bɔ n ti ɔ sran'n, man min atin man n wɔ blɛlɛlɛ siɛn'n.»

JÉSUS-CHRIST I DYASIN FE'N BO LUC KLELI'N 7:50

Yɛ ɔ seli bla'n kɛ: «N wa bla, gua ɔ́ wla ase. Kɛ a lafi su kɛ n kwla yo wɔ juejue'n ti, w'a yo juejue.›

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

2 Korɛntfuɛ Mun 5:8

Kɛ é wla'n gua ase kɛ nga sa'n, ɔ man sɛ e jao wa e ko tran e Min'n i awlo lɔ'n, ɔ ti kpa.

Filipfuɛ Mun 1:23

N ti mianfuɛ i bue nnyɔn'n nun, sa ng'ɔ yo n fɛ kpa tra su'n yɛlɛ kɛ n ´kɔ nan min nin Krist e ´ko tran, i sɔ'n yɛ ɔ ti kpa-a.

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»