Ezai 57:18 - NYANMIƐN NDƐ'N 1998

¹⁸ N wun be nantilɛ wafa'n, sanngɛ n wa kaci be, n ´dun mmua be nyrun, n ´fɔnvɔ be, yɛ n ´fɔnvɔ be nga be nin be o sɛ nun'n mun.

Ezai 57:18 ပူးပေါင်းရင်းမြစ်များ

Jue Mun 23:2

Ɔ man n de wunmiɛn lika bɔ ijre nɔnman o lɛ'n nun. Nzue ba bɔ be nuan ti fɔun'n, lɛ yɛ ɔ fa min kɔ-ɔ.

Jue Mun 51:12

Ee Nyanmiɛn, man min anwlɛn kun bɔ i nun ti weiin, yo man n sin min osu nun n `fa akunndan kpa nan ɔ ka min nun.

Jue Mun 94:19

Blɛ bɔ min akunndan'n sanngan sa sunman ti'n, a fɔnvɔ min ɔ man n nyan aklunjuɛ.

Akunndanfuɛ'n 9:4

Kusu san sran nga i nyin tɛ o su'n yɛ ɔ lafi su kɛ ɔ kwla nyan like cɛn wie-ɔ. Be nga bé nyin o su'n, be si kɛ be ´wu cɛn kun, sanngɛ be nga b'a wu'n be liɛ'n be wun-man sa fi wlɛ. Be minndɛ-man akatua fi kun, afin sran'm bé wla ɔ'a fi be su. Alua nga i nyin tɛ o su'n, i kpa tra asɔmɔli i fuɛn'n lele.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 19:22

Anannganman i sa ´kan Eziptfuɛ mun, kɛ ɔ wie be bo'n, ɔ ´nian be lika. Be bɔbɔ be ´ba Anannganman sin. Ɔ ´sɔ be nun, yɛ ɔ ´nian be lika.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ezai 51:12

M bɔbɔ min yɛ n fɔnvɔ amun-ɔn. ?Min nvle'n nunfuɛ mun, nguɛ ti yɛ amun sro sran nin-ɔn? Ɔ ti wie'n i nnɛn, ɔ ti klɔ sran, bɔ i agualiɛ'n ɔ wa guɛ i kɛ ijre'n i liɛ sa.

Ezai 52:12

Nán amun kpli fite, nán man ɔ yo kɛ amun su wanndi sa. Afin Anannganman ´dun mmua amun nyrun! Izraɛl Nyanmiɛn'n ɔ ´ka amún sin lɔ ɔ ´sasa amun.

Ezai 53:5

Sanngɛ é sa tɛ'm bɔ e yo be'n be ti yɛ ɔ nyannin kannin mɔnnɛn-mɔnnɛn i wunnɛn'n su-ɔ. E fɔnlɛ bɔ e fɔn'n, i ti yɛ be sisili i wunnɛn nin-ɔn. E fɔ b'ɔ fata kɛ be tu ye nan y'a nyan aunjuɛ'n yɛ ɔ tɔli i su-ɔ. Yɛ i wunnɛn'n susuwa'n nin i kannin'm be ti yɛ man e yo juejue-ɔ.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 30:17

Kɛ bɔ be fa fuanlɛ bɔ n fuannin wɔ'n be fa se wɔ nun'n, bɔ be flɛ wɔ kɛ Siɔn bla bɔ sran fi flɛ-mɛn i'n ti n wa yo wɔ juejue. N wa fua ɔ́ kannin mun.» Anannganman'n yɛ ɔ kannin sɔ-ɔ.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Zeremi 33:6

Sanngɛ ɔ yo'n, n ´yo man ɔ ´yo juejue kpa kɛ sran bɔ ɔ'a tɔ tukpacɛ ɔ'a jaso'n sa. N ´yo man i su tranfuɛ'm be ´nyan fɔundi, be ´nyan manndran.

Zakari 1:13

Kpɛkuun Anannganman'n tɛli anz sɔ'n su klanman, ɔ man i wla guali ase.

JÉSUS-CHRIST I DYASIN FE'N BO LUC KLELI'N 15:20

Ɔ jao ɔli i si sin. Kɛ ɔ ´kɔ b'ɔ wa ju lɔ bɔ i si wunnin i mmua lɔ'n, ɔ yoli i annvɔ nan ɔ'a wanndi a ko tɔ i nun.

Rɔmfuɛ Mun 5:20

Kɛ ɔ ´yo nan sa tɛtɛ'n ɔ'a sɔn'n, i ti yɛ mmla'n ɔ'a kpɛn afiɛn lɛ-ɔ, sanngɛ lika nga be yo sa tɛtɛ kpanngban lɛ'n, lɛ yɛ Nyanmiɛn i aklunye'n i nyin fite dan-an.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»