Ezai 57:1 - NYANMIƐN NDƐ'N 1998

¹ Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Ezai 57:1 ပူးပေါင်းရင်းမြစ်များ

1 Famiɛn Mun 14:13

Izraɛlfuɛ'm be kwlaa be ´yo i sɛ, yɛ be ´sie i. Zeroboam i awlo'n nun'n, i kunngba cɛ yɛ be ´sie i asieliɛ'n nun-ɔn, afin i awlo nun'n, i kunngba yɛ Anannganman b'ɔ ti Izraɛl Nyanmiɛn'n wunnin i kɛ ɔ yoli sa kpa-a.

2 Famiɛn Mun 22:20

Nan yoo, a ´wu, sanngɛ ɔ nyanmiɛn su wie yɛ ɔ ´kun wɔ-ɔ. Be ´sie wɔ wɔ asieliɛ bɔ a dun mmua kpɛli'n kun nun. A ´la lɔ diin. Nyrɛnnɛn nga n wa fa yi i lika nga su'n su yo-man ɔ nyrun.› » Ilkiza b'ɔ ti Nyanmiɛn nyrun jranfuɛ nin be nga'm be ɔli ko boli i sɔ jasin'n kleli famiɛn'n.

2 Be Nyoliɛ 32:33

Kɛ Ezekias wuli'n, be sieli i David osu nunfuɛ'm be ndia nglo-nglo kpafuɛ'n nun. Kɛ ɔ wuli sɔ'n, Zerizalɛmfuɛ mun nin Zidafuɛ kun nga'm be kwlaa be kɛnnin i wun ndɛ klanman, yɛ i wa Manase sinnin i osu-ɔ.

2 Be Nyoliɛ 34:28

Nan yoo, a ´wu, sanngɛ ɔ nyanmiɛn su wie yɛ ɔ ´kun wɔ-ɔ. Be ´sie wɔ wɔ asieliɛ'n nun. A ´la lɔ diin. Nyrɛnnɛn nga n ´fa yi klɔ nga nin i nun sran'm be su'n su yo-man ɔ nyrun.› » Be ɔli be ko boli i sɔ jasin'n be kleli famiɛn'n.

2 Be Nyoliɛ 35:24

I sufuɛ'm be yili i alɛ kakaklolo'n su, be fɛli i sieli i i kakaklolo kun'n su, nan b'a fɛ i b'a ɔ Zerizalɛm. Ɔ wuli lɔ, nan b'a sie i i nannan'm be asieliɛ'n nun. Zidafuɛ mun nin Zerizalɛmfuɛ'm be kwlaa be yoli i sɛ.

Jue Mun 12:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru ng'ɔ lɛ nyanman mɔcuɛ'n. I waan:

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Ezai 42:25

I sɔ'n ti, Anannganman fali ya Izraɛlfuɛ'm bé wun, yɛ ɔ man alɛ dan'n tɔli be su. Alɛ sɔ'n ɔ yoli kɛ sin sa, ɔ katali bé su kplu, sanngɛ b'a wun-man sa fi wlɛ. Sɛ e ´kwla se'n, sin sɔ'n ɔ yrali be, sanngɛ b'a bu-mɛn i ndɛ.»

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Ezai 47:7

A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 22:10

Zidafuɛ mun, nán amun sun famiɛn Zozias b'ɔ wuli'n. Nán an koko i. Sran ng'ɔ fata kɛ amun sun i'n yɛlɛ famiɛn Salɔm b'ɔ su kɔ'n, afin kɛ ɔ ´kɔ lɛ'n, ɔ su ba-man kun. I nyinma su guɛ-mɛn i awuliɛ asiɛ'n i wun kun.

Ezekiɛl 21:3

Kan kle be kɛ: ‹Amun `sie amun su tie ndɛ nga Anannganman Nyanmiɛn kɛn i ngua lɔ bo'n su'n. Anannganman Nyanmiɛn'n wan yoo: M bɔbɔ n ´sɔ sin kun nuan bo'n nun. Ɔ ´yra waka mɔnnɛn'n kwlaa nin waka kee'n kwlaa. Like fi su kwla nuan-man sin taaman'n. Like nga be wo asiɛ sɔ su'n, kɛ ɔ fɛ i ngua lɔ'n lele fa ju nglo lɔ'n, be kwlaa be ´yra.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Kalɛ 23:10

?Wan yɛ ɔ kwla ka Izraɛlfuɛ kpanngban nga mun-ɔn? ?Wan yɛ ɔ kwla si Zakɔb i osu'n nunfuɛ'm bé nuan-an? Sɛ Nyanmiɛn di su nan n wu kɛ sran kpa sɔ'm be wie wulɛ liɛ'n sa'n, sɛ min awieliɛ'n gua min kɛ be liɛ'n sa'n, ɔ ´yo min fɛ o!»