Ezai 56:3 - NYANMIƐN NDƐ'N 1998

³ Nán aofuɛ b'ɔ fɛ i wun mantan Anannganman'n ɔ se kɛ: «Kannzɛ ɔ yo sɛ, Anannganman ɔ ´yi min i sran'm be nun!» Nán sran'n bɔ be sɛli i'n ɔ se kɛ: «N liɛ waka kee yɛlɛ min!»

Ezai 56:3 ပူးပေါင်းရင်းမြစ်များ

2 Be Nyoliɛ 6:32

Kɛ be ´bo wɔ dunman b'ɔ yo nyɛnmɛn'n, bɔ be ´kan ɔ sa kekleekle nga a yo be'n wɔ fanngan ti'n, sran nga be ti-man ɔ nvle'n nunfuɛ bɔbɔ'n, be ´ti ɔ ngan. I sɔ sran'n wie ´ba ɔ dunman b'ɔ fu'n ti. Sɛ ɔ ba ɔ sua nga nun kɛ ɔ wa srɛ'n, kannzɛ ɔ fin mmua yɛ ɔ ba'n,

Ɛstɛr 9:27

Zuif'm be sili be wue nun kɛ afuɛ nuan kwlaa ng'ɔ yia'n, be nin be osu'n nunfuɛ mun nin be nga b'a kaci Zuif'n, be ´nian cɛn nnyɔn sɔ'm be su kpa be ´fa di cɛn kɛ Mardose fa klɛli'n sa.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 39:7

Be wa fa ɔ bɔbɔ ɔ osu'n nun ba yasua wie mun, be ´sɛ be, be ´fa be kɔ Babilɔni famiɛn i awlo lɔ, yɛ be ´su i.› »

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Ezai 56:6

Aofuɛ nga be fa bé wun mantan min'n, bɔ be bu min sran'n, bɔ be klo min'n, bɔ be fa bé wun man kɛ be ´yo min sufuɛ'n, bɔ be sie min wunmiɛn-delɛ-cɛn'n i ngunmin'n, bɔ be nian aenguɛ nga min nin min nvle'n nunfuɛ mun e trali'n i mmla'n su kpa'n,

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Saun Yolɛ 21:20

afunfuɛ, akluwi, sran nga bɔ tukpacɛ tɔ i nyinma'n su, sran nga bɔ tukpacɛ o i kplo'n su, ɔ nin yasua nga i ndɔnman mma'm be ti bowa'n.

Saun Yolɛ 25:45

Aofuɛ nga be nin amun o lɛ'n, amun kwla to be mma'm be wie, wie kusu-ɔ, sran nga bɔ be nannan'm be ti aofuɛ lɛ'n bɔ be wuli be'n, amun kwla to be wie ekun. Be liɛ'n sɛ an to be'n, be ti amun liɛ.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Kalɛ 18:4

Be yɛ be ´uka amun junman'm be kwlaa be dilɛ nun tannin sua'n nun lɔ-ɔ. Nán sran uflɛ fi mantan amun.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Sa nga bé yôli'n 17:4

Pɔl i ndɛ'n kwlali be wie mun, ɔ man be fa bé wun mɛntɛnnin i nin Silas, yɛ Grɛk kpanngban bɔ b'a kaci Nyanmiɛn i sufuɛ'n, be nin bla sunman bɔ be lɛ dunman kpa'n, be fa bé wun mantannin be wie.

Sa nga bé yôli'n 18:7

Kɛ ɔ fin lɛ'n, ɔ ɔli bian kun bɔ be flɛ i kɛ Titiis Zistis'n b'ɔ su Nyanmiɛn'n, bɔ i awlo'n mantan Nyanmiɛn ndɛ suanlɛ nin i srɛlɛ sua'n lɛ'n i lika lɔ.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

1 Korɛntfuɛ Mun 6:17

I kunngba nin-ɔn, sran b'ɔ nin e Min'n kaci kun'n, be wawɛ'n sɛ.

Efɛzfuɛ Mun 2:12

I nun sɔ nun'n, amun nin Krist di-man mlɔnmlɔn, yɛ an ti Izraɛl nvle'n nun aofuɛ, like nga Nyanmiɛn seli kɛ ɔ ´yo man i sran mun ndɛ ng'ɔ kan kleli Abraam ti'n, amun liɛ nun-man nun, kɛ an wo lɛ'n, an lɛ-man like bɔ an fa amún wla gua su-ɔ, an si-man Nyanmiɛn.

Efɛzfuɛ Mun 2:22

Amun kusu, sran wunmuan bɔ amun nin i amu'an kaci'n ti'n, Nyanmiɛn Wawɛ'n i fanngan nun an ti sua bɔ Nyanmiɛn tran nun'n i yɛbuɛ'n wie.

Mmla'n 23:9

Sɛ nvle nnyɔn sɔ'm be nunfuɛ o amun mɛn'n nun'n, be anunman sian'm be kwla wlu Anannganman i nvle'n nun.

1 Piɛr 1:1

M Piɛr bɔ Jésus-Krist sunmannin min'n, n ´klɛ fluwa nga blɛ amun bɔ Nyanmiɛn fali amun bɔ an sanndili'n, bɔ an ti aofuɛ Pɔnt, nin Galasi, nin Kapadɔs, nin Azi, nin Bitini mɛn nun'n.