Ezai 55:3 - NYANMIƐN NDƐ'N 1998

³ Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Ezai 55:3 ပူးပေါင်းရင်းမြစ်များ

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Samiɛl 23:5

Kɛ Nyanmiɛn nin min awlo'n be nanti sɔ-ɔ. Ɔ tali min nda kun b'ɔ lɛ-man awieliɛ. Nda sɔ'n ti weiin, i bɔbɔ ɔ nian su. Ɔ de min, like kwlaa nga n kunndɛ'n, ɔ yo man min.

2 Samiɛl 7:29

Ɔ man, yo min osufuɛ'm be ye, man be tran ɔ́ sa nun tititi, yɛ kɛ a fa kannin'n sa, min Min Anannganman, man ɔ́ sa kpa'n ɔ tran min awlo'n su tititi.»

2 Be Nyoliɛ 6:42

Anannganman Nyanmiɛn, nán yi famiɛn bɔ ɔ bɔbɔ a kpɛli i'n i blo. Man ɔ́ wla kpɛn sa kpakpa nga David b'ɔ ti ɔ sufuɛ'n yoli be'n be su .»

Jue Mun 119:112

M mian min nyin n yo ɔ klun sa'n, n ´nian su, n ´yo be lele min nguan i awieliɛ.

Jue Mun 119:175

Man n ka nguan nun yɛ man m manman wɔ. Yɛ man jɔlɛ nga a di be'n, be `uka min.

Jue Mun 78:1

Jue nga ti Azaf liɛ. I waan: Min nvle'n nunfuɛ mun, amun `sie amun su be tie min mmla'n. Amun `sie amún su kpa be tie ndɛ nga n kan'n.

Jue Mun 89:28

Min kusu n ´fɛ i n yo kɛ mín wa klikli sa. N ´yo man i yɛ ɔ ´yo asiɛ'n su famiɛn'm be kwlakwla be nun dan nin-ɔn.

Jue Mun 89:29

N su yaci-mɛn i kpa yolɛ le nan kɛ ɔ ´yo-ɔ ɔ'a yo. E nin i e ´tra aenguɛ tankaan kpa.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Nyanndra Mun 4:20

Mín wa, sie ɔ́ su kpa, tie min ndɛ nga n kan'n, sie ɔ́ su tie afɔtuɛ bɔ m man wɔ'n.

Nyanndra Mun 7:2

Sɛ a fa min ngwlɛlɛ ndɛ'm be su-ɔ a lɛ nguan. Min ndɛ nga n kan kle wɔ'n, fa be sie kpa. Sasa be kpa kɛ a fa sasa ɔ nyinma'n sa.

Ezai 51:4

Anannganman waan: «Min sran mun, amun `sie amun su mín nuan bo! Min nvle'n nunfuɛ mun, amun `tie ndɛ bɔ n kan'n! Afin n wa sie mmla. N wa di jɔlɛ, jɔlɛ dilɛ sɔ'n, ɔ ´yo kɛ nvle-nvle'm be like b'ɔ kpaja'n sa.

Ezai 54:10

Kannzɛ man oka'm be jaso be takawlɛ'n nun'n, kannzɛ man kpɔlɛ'm be keje bɔbɔ'n, klolɛ nga n fa klo amun'n, ɔ su kaci-man le, yɛ nda nga n tali amun kɛ m ´man amun alaje'n, ɔ ´ka lɛ tititi. Min Anannganman bɔ n si amun aunnvuɛ'n, min yɛ n se sɔ-ɔ.»

Ezai 54:8

Anannganman b'ɔ ti amun ti kpɔfuɛ'n wan yoo: «Ya b'ɔ kunnin min dan'n ti n kacili ń sin n sili amun blɛ kan. Sanngɛ klolɛ bɔ n klo amun titi'n ti, n wa si amun aunnvuɛ.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Zeremi 30:9

Sran nga be ´su i'n yɛlɛ min Anannganman bɔ n ti be Nyanmiɛn'n, ɔ nin David bɔ n ´fa sie be su famiɛn'n.»

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Zeremi 38:20

Zeremi tɛli i su kɛ: «Be su fa-man wɔ be wla-man bé sa nun. Ndɛ nga Anannganman'n kan'n, ɔ li fa ɔ́ su tie. Sɛ a fa ɔ́ su tie'n, ɔ ´uka wɔ, a ´fite nun.

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Ezekiɛl 16:60

Sanngɛ n liɛ fuɛ'n, n wla su fi-man aenguɛ nga e nin wɔ e trɛli i blɛ bɔ a tɛ yo bakan'n i su. Yɛ n ´kaci i aenguɛ uflɛ b'ɔ ´ka lɛ tititi .

Ezekiɛl 34:24

Min Anannganman, n ´yo be Nyanmiɛn, yɛ David b'ɔ ti min sufuɛ'n ɔ ´yo be kpɛn.» Min Anannganman yɛ n kan sɔ-ɔ.

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ezekiɛl 37:26

N ´si min wue'n nun m ´man be aunjuɛ kpa. Yɛ aunjuɛ sɔ'n ɔ ´ka lɛ titi. N ´fa be n ´sie. N ´yo man be ´trɛ.

Saun Yolɛ 18:5

Amun `di min mmla'm bé su, yɛ amun `fa mín nuan ndɛ'm bé su. Sran ng'ɔ nanti bé su'n, ɔ ´nyan nguan be dunman nun. Afin min yɛ n ti Anannganman nin-ɔn.

Amɔs 5:4

Ndɛ nga Anannganman kan kle Izraɛlfuɛ mun'n yɛ: «Sɛ amun ´wun kɛ amun ´ka nguan nun'n, wuun amu'an mantan min .

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Matthieu 13:16

Sanngɛ amun liɛ'n, amun liɛ su ti ye, afin an wun ase, yɛ an ti sa!

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Jean 10:27

M bua'm be ti min nɛn, n si be, yɛ be su n su.

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Jean 7:37

Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

Jean 8:47

Sran ng'ɔ ti Nyanmiɛn liɛ'n, ɔ tie ndɛ ng'ɔ kan'n. Kɛ bɔ an ti-mɛn i liɛ'n ti yɛ ndɛ ng'ɔ kan'n an ti-man nin-ɔn.»

Sa nga bé yôli'n 13:34

Nyanmiɛn waan ɔ ´cɛn i, ɔ man ɔ su wu-man kun. Ɔ kɛnnin i laa kɛ: ‹Like kpakpa nga n se kɛ n ´yo man David sakpa'n, n ´yo man amun .›

Rɔmfuɛ Mun 10:5

Afin Moiz kannin mmla'n bɔ be fa su yɛ be yo sran kpa'n i ndɛ kɛ: «Sran ng'ɔ fa mmla'n su'n, ɔ ´nyan nguan .»

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n